Sɔlɔmɔn Edwɛne 2:17 - BAEBOLO ANZƐƐ BULUKU NWUANZANWUANZA

¹⁷ Sia ɛ nzi, me kulovokpa, maa ɛ nwo ɛyɛ ndɛ kɛ Bitɛ awoka zo kɛtɛboɛ anzɛɛ weɛlɛ, kolaa na mangyee ne azi, na maanle nu atete.

Sɔlɔmɔn Edwɛne 2:17 ပူးပေါင်းရင်းမြစ်များ

Mrɛlɛbulɛ Buluku ne 5:19

kɛ ɔ nwo yɛ fɛ kɛ weɛlɛ belɛ. Maa ɛ nye ɛlie ye anwofɛlɛko ne anwo mekɛ biala, na maa ye ɛhulolɛ ne ɛli ɛ ti.

Sɔlɔmɔn Edwɛne 2:7

O Gyɛlusalɛm mraalɛ, mese, bɛva weɛlɛ nee ahɛtɛboɛ anwondɛne ne mɔ bɛha ndane kɛ bɛnrɛpele ɛhulolɛ nwo, kɔkpula kɛ ɛhulolɛ ne mekɛ kpalɛ kɛdwu la.

Sɔlɔmɔn Edwɛne 4:6

Kyesɛ aleɛ kye na awozinli ne se, mebavo alufuanlɛ boka ye nee ɛyɛlɛ evuanlɛ boka ekyi ye azo.

Sɔlɔmɔn Edwɛne 8:14

Me kulovolɛ, ka ɛ nwo bɛla, maa ɛ nwo ɛyɛ ndɛ kɛ kɛtɛboɛ, anzɛɛ weɛlɛ nyinli mɔɔ wɔ awoka mɔɔ aledonlɛ ninyɛne evuanlɛ fifi zolɛ la azo.

Edwɛkpa ne kɛmɔ Luku hɛlɛle la 1:78

Ɔlua yɛ Nyamenle ne ahunlunyele kpole ti, ɔbamaa ngoanelielɛ kenle ne ado yɛ;

Wulo 13:12

Aledwolɛ ne asɛɛ ɛze, alehyenlɛ ɛbikye; zɔhane ati bɛmaa yɛgyakyi awozinli nu nyɛleɛ ne mɔ, na yɛva wienyi nu konle tɛladeɛ mɔɔ bamaa yɛahola ko la yɛwula.

Kɛlata mɔɔ bɛhɛlɛle bɛhɔmanle Hibuluma la 10:1

Dwuuma mɛla ne ɛnle ninyɛne fɔɔnwo ne mɔɔ wɔ ɛkɛ ne la nɔhalɛ sɔhovolɛ. Ɔle ninyɛne kpalɛ mɔɔ bara la sɔhovolɛ ekyi bie. Azu ko ne ala yɛɛ ɛvolɛ biala bɛbɔ a. Ɛhye ati bɛnrɛhola bɛnrɛlua mɛla ne azo bɛnrɛmaa menli mɔɔ kpondɛ Nyamenle la ɛnrɛlua dahuu azubɔlɛ ko ne ala azo ɛnrɛzɔ Nyamenle anye.

Kɛlata mɔɔ bɛhɛlɛle bɛhɔmanle Hibuluma la 8:5

Na mɔɔ bɛyɛ la le gyima mɔɔ bɛyɛ ye wɔ anwuma lɔ la sɔhovolɛ. Ɔluakɛ mɔɔ Mosisi bazi ndanlɛ sua ne la, Nyamenle zele ye kɛ, “Bɔ mɔdenle kɛ ɛkɛyɛ debie biala ɛkɛmaa ɔkɛzɔho mɔɔ bɛvale bɛhilele wɔ wɔ boka ne azo lɔ la.”

2 Pit 1:19

Ɛhye maa yɛ adwenle si pi kpalɛ wɔ edwɛkɛ mɔɔ Nyamenle Kpɔmanvolɛma hanle la anwo. Ɔhyia kɛ bɛkɛdie ye boɛ, ɔluakɛ ɔle kɛ kɛnlaneɛ mɔɔ ɛlɛta ɛleka mɔɔ le awozinli la, kɔkpula kɛ Alehyenlɛ ne kɛra na aleɛbahye edole ne kɛdu bɛ ahonle ne mɔ anu.