Sɔlɔmɔn Edwɛne 2:14 - BAEBOLO ANZƐƐ BULUKU NWUANZANWUANZA

¹⁴ Ɛle kɛ abubule mɔɔ vea bodane mɔɔ ɛkpuke la avinli. Maa menwu ɛ nyunlu kɛnlɛma ne, na mende ɛ ne fɛlɛko ne, ɔluakɛ ɛ ne yɛ fɛ, yɛɛ ɛ nyunlu le kɛnlɛma.

Sɔlɔmɔn Edwɛne 2:14 ပူးပေါင်းရင်းမြစ်များ

Dwobu Buluku ne 9:16

Saa menvɛlɛle ye yɛɛ ɔliele me zo a, anrɛɛ menrɛlie menrɛli kɛ yedie me ne.

Edwɛndolɛ Buluku ne 110:3

Wɔ menli ne mɔ bava bɛ nwo amaa wɔ, wɔ mekɛ mɔɔ ɛkɛze kɛ ɛdi wɔ ɛlɔnema ati wɔ boka nwuanzanwuanza ne azo la. Wɔ mgbavolɛ ne mɔ bara ɛ nwo nwonlomɔ mangyee ne, kɛ nwonlomɔ ɛbɔlɛ mɔɔ ɛlɛtɔ la.

Edwɛndolɛ Buluku ne 22:3

Noko wɔmɔ a ɛle nwuanzanwuanza, mɔɔ Yizilayɛma ye wɔ ayɛlɛ a.

Edwɛndolɛ Buluku ne 45:11

Wɔ anwofɛlɛko ne bahwe belemgbunli ne ahonle; ɔle ɛ menle, yemɔti tie ɔ ne.

Edwɛndolɛ Buluku ne 45:12

Tayama barahyɛ wɔ ninyɛne, sukoavolɛma barahyɛ wɔ ninyɛne ngakyile.

Edwɛndolɛ Buluku ne 50:23

Mɔɔ kɛva moyɛlɛ kɛra kɛ ye azubɔdeɛ la di me eni; mɔɔ kɛva adenle kpalɛ zo la, mebahile ye Nyamenle ngoanelielɛ ne!”

Edwɛndolɛ Buluku ne 68:13

kyɛ konle nu afedeɛ ne fa: abubule ndɛbalɛ mɔɔ bɛholo dwɛtɛ fufule bɛgua nwo, yɛɛ bɛ ndɛkɛ mɔɔ bɛholo ezukoa nvutuke tagyee bɛgua nwo.

Edwɛndolɛ Buluku ne 74:19

Mmaye wɔ abubule ne ɛmaa ɛbɔ nu nanemgbole; mmamaa ɛ rɛle fi wɔ menli mɔɔ ɛhyia la fee.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 3:6

Eza ɔzele kɛ, “Mame a mele ɛ ze mɔ Nyamenle ne, Ebileham Nyamenle ne, Ayezeke Nyamenle ne, nee Gyekɔbo Nyamenle ne.” Na Mosisi hedale ɔ ti zo, ɔluakɛ ɔsulo kɛ ɔkɛnlea Nyamenle.

Mrɛlɛbulɛ Buluku ne 15:8

Amumuyɛnli azubɔlɛ le kyibadeɛ maa Ɛdɛnkɛma; Ɛdɛnkɛma anye die sonla mɔɔ di pɛlepɛle la nzɛlɛlɛ nwo.

Sɔlɔmɔn Edwɛne 1:15

Nea, ɛ nwo yɛ fɛ, me kulovolɛ; nea, ɛ nwo yɛ fɛ; ɛ nye ma le kɛ abubule nye.

Sɔlɔmɔn Edwɛne 1:5

Gyɛlusalɛm mraalɛ, mele bile duhuduhu, na me nwo yɛ fɛ, mele duhuduhu kɛ Kidaa ndanlɛ azua, me kɛnlɛma le kɛ Sɔlɔmɔn suakunlu mgbɛnu ndanlɛ.

Sɔlɔmɔn Edwɛne 1:8

Wɔmɔ mɔɔ ɛ nwo yɛ fɛ tɛla mraalɛ kɔsɔɔti, ɛnze ɛleka ne ɔ? Dua nyɛmoa ne mɔ agyakɛ abo zo ne, na maa wɔ mbɔnkye ne mɔ ɛdidi mboaneneavolɛma ndanlɛ azua ne mɔ anwo.

Sɔlɔmɔn Edwɛne 5:2

Mɔɔ menlale la ɛnee me ahonle ɛlɛsi. Tie, me kulovolɛ ne ɛlɛbɔ me anlenkɛ nu! Buke anlenkɛ ne, me diema raalɛ, me abubule, me kulovolɛ mɔɔ di munli, ɛbɔlɛ ɛdɔ me ti zo, na me ti enrinli ɛloa tɔfɔɔ.

Sɔlɔmɔn Edwɛne 8:13

O wɔmɔ mɔɔ ɛwɔ tola ne anu, me gɔnwo mɔ ɛlɛkendɛ adie ɛ ne; maa mende ɛ ne.

Ayezaya Buluku ne 2:21

Mekɛ mɔɔ Ɛdɛnkɛma kɛmaa ɔ nwo zo kɛ ɔ nee azɛlɛ ye azo amra di la, menli banriandi ahɔvea awolɛ nee awoka adokule nu bɛavi ye ɛya kpole anu ɛzulolɛ ne nee ye belemgbunlililɛ anyunlunyia ne anwo.

Ayezaya Buluku ne 51:3

“Ɛdɛnkɛma bakyekye Gyɛlusalɛmma arɛle, ɔbakyekye bɛdabɛ mɔɔ bɛde azuadu nu la arɛle; ɔbamaa Gyɛlusalɛm fienemgbole ahakyi kɛ Yidɛn tola, yeamaa ɛsɛlɛ ne ayɛ kɛ Ɛdɛnkɛma tola nu. Fɛlɛko nee anyelielɛ bara ɛkɛ, na bɛado ayɛlɛyelɛ edwɛne bɛayɛ me mo.

Ayezaya Buluku ne 6:5

Na menganle kɛ, “Medame, mebɔ munzule! Meminli, ɔluakɛ mele sonla mɔɔ meka ɛtane, yɛɛ mede menli mɔɔ ka ɛtane la avinli. Noko akee menwu Belemgbunli ne, Tumivolɛ Ɛdɛnkɛma!”

Ayezaya Buluku ne 60:8

Nwane mɔ a le ɛhye mɔ mɔɔ tu kɛ amungu, Na bɛtu kɛ abubule bɛkɔwolo bɛ nvɛnzɛlɛ nu la?

Gyɛlɛmaya Buluku ne 48:28

“O Mowabema, bɛdu bɛvi azuamgbole ne mɔ azo! Bɛhɔdɛnla bodane ne mɔ azo! Bɛyɛ kɛ abubule mɔɔ nwo ye sane wɔ bodane tokule nloa la.

Gyɛlɛmaya Buluku ne 49:16

Bɛ nwo ɛzulolɛ ne mɔɔ bɛka nee bɛ adubɛnwo ne ɛbɛlɛbɛla bɛ. Bɛde bodane adokule nu wɔ boka zo anwuma, noko saa bɛyɛ bɛ azua anwuma kɛ kɔleɛ bɔbɔ a, mebadwula bɛ aze. Medame Ɛdɛnkɛma a mese a.

Yizikeɛle Buluku ne 7:16

Saa bie mɔ fi ɛsalɛ a, bɛbanriandi bɛahɔ awoka ne mɔ azo lɔ, bɛbayɛ kɛ mbɔnza nu abubule, na bɛazu bɛ ɛtane.

Daneɛle Buluku ne 9:7

Wɔmɔ, O Awulae, dahuu ɛyɛ mɔɔ le tenlene la, na yɛmɛ, ɛnɛ nee ɛnɛ ala, yɛtɛgua yɛ nyunlu aze, yɛdayɛ mɔɔ yɛwɔ Dwuda la o, yɛdayɛ mɔɔ yɛwɔ Gyɛlusalɛm la o, bɛnye bie. Zɔhane ala yɛɛ Yizilayɛma kɔsɔɔti, bɛdabɛ mɔɔ bɛwɔ sua nu nee bɛdabɛ mɔɔ ɔlua bɛ nyɛleɛ ɛtane mɔɔ bɛyɛ bɛtia wɔ la ati wɔkponde bɛ maanle maanle zo la de a.

Obadaya Buluku ne 1:3

Bɛ adubɛnwo ne ɛbɛlɛbɛla bɛ. Bɛ mgbole ne mɔɔ bɛlua a bɛka kɛ, kɛmɔ bɛkyekye bɛ suakpole ne bodane zo, na bɛwɔ awoka zo la ati, ‘Awie ɛnrɛhola yɛ ɛhwee yɛ’ la,

Edwɛkpa ne kɛmɔ Mateyu hɛlɛle la 10:16

“Bɛdie! Melɛsoa bɛ kɛ mboane la wɔ bedi avinli. Bɛmaa bɛ nye ɛla bɛ nwo zo kɛ nwɔlɛ, noko bɛyɛ bɛlɛvo kɛ abubule.

Edwɛkpa ne kɛmɔ Mateyu hɛlɛle la 3:16

Mɔɔ bɛzɔnenle Gyisɛse bɛwiele la, ɔvi azule ne anu ɔvole file zo ndɛndɛ ne ala. Anwuma bukele na ɔnwunle kɛ Nyamenle Sunsum ne ɛlɛdwu kɛ abubule la na ɔrazinzele ɔ nwo zo.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:27

amaa yeava asɔne ne kɛnlɛma gyɛlɛɛnye yeamaa ɔ nwo, mɔɔ nwolɛ ɛtɛkpɔdele, evinli biala ɛnle nwolɛ, yɛɛ nvonleɛ biala ɛnle nwolɛ na nwolɛ te nwuanzaanwu a.

Kɔlɔ 1:22

Na kɛkala, ɔlua Kelaese ewule ne azo bɛyɛ Nyamenle agɔnwo mɔ, amaa yeava bɛ yeara ɔ nyunlu kɛ bɛ nwo te nwuanzaanwu mɔɔ fɔlɛlilɛ biala ɛnle bɛ nu a.

Kɛlata mɔɔ bɛhɛlɛle bɛhɔmanle Hibuluma la 10:22

bɛmaa yɛva ahonle kpalɛ nee diedi mɔɔ si pi, ahonle mɔɔ bɛde nwolɛ bɛvi adwenle nu fɔlɛlilɛ nwo, nee sonlabaka mɔɔ bɛva nzule anye komikomi bɛbia ye la yɛhwe yɛbikye Nyamenle.

Kɛlata mɔɔ bɛhɛlɛle bɛhɔmanle Hibuluma la 4:16

Zɔhane ati bɛmaa yɛzi ahonle na yɛbikye Nyamenle belemgbunli ebia ne mɔɔ ɛlolɛ ɛyi ye tɛkɛɛ la anwo. Ɛkɛ ne yɛɛ bɛbanwu yɛ anwunvɔne na ye ɛlolɛ ti yɛanyia moalɛ wɔ mekɛ mɔɔ yɛkɛhyia la a.

1 Pit 3:4

Bɛmaa bɛ nyamenlezo anwofɛlɛko ne mɔɔ wɔ bɛ nu la ɛvinde. Nyamenlezo anwofɛlɛko ɛhye vea bɛ ahonle ne mɔ anu, na yemɔ a le bɛ bɛtɛɛyɛlɛ nee bɛ koonwuyɛlɛ subane ne. Ɛhye a le kɛnlɛma na ɔsɔ Nyamenle anye a.

Dwuudu Kɛlata ne 1:24

Nyamenle mɔɔ kola sɔ bɛ mɔɔ bɛndɔ aze, na ɔfa bɛ kɔlɔnwo fɛlɛko nu ɔkɔ ɔdaye ye anyunlunyia ne anu,

Yekile 5:8

Ɔyɛle ɛhye la, tease abɔdeɛ nna ne nee mgbanyima abulanwiɔ nee nna ne mɔ dule guale Boaneralɛ ne agyakɛ anu. Ko biala lɛ ɛto yɛɛ ezukoa nvutuke dwora mɔɔ ɛyɛlɛ evuanlɛ wɔ nu la. Ɛyɛlɛ ɛhye mɔ a le Nyamenle menli ne dahudahu nzɛlɛlɛ ne a.