Sɔlɔmɔn Edwɛne 2:12 - BAEBOLO ANZƐƐ BULUKU NWUANZANWUANZA

¹² Ndotolo ɛkpakye ɛbɔ biala abo. Edwɛndolɛ mekɛ ɛdwu; bɛte abubule ne mɔ ɛzunlɛ wɔ avule ne mɔ anu.

Sɔlɔmɔn Edwɛne 2:12 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 15:9

Ɛdɛnkɛma buale kɛ, “Fa ɛnlankɛ mɔɔ ɛli ɛvolɛ nsa, abɔnkye belɛ mɔɔ ɛli ɛvolɛ nsa, boane nyinli mɔɔ ɛli ɛvolɛ nsa, abubule yɛɛ mɔlɔnoma kakula bɛla.”

Edwɛndolɛ Buluku ne 74:19

Mmaye wɔ abubule ne ɛmaa ɛbɔ nu nanemgbole; mmamaa ɛ rɛle fi wɔ menli mɔɔ ɛhyia la fee.

Edwɛndolɛ Buluku ne 89:15

O Ɛdɛnkɛma, nyilalɛ ɛha bɛdabɛ mɔɔ bɛfa edwɛndolɛ bɛtea nu bɛfɛlɛ wɔ, nee bɛdabɛ mɔɔ bɛdua wɔ ahunlunyele wienyi ne anu la.

Sɔlɔmɔn Edwɛne 2:11

Ɔluakɛ ɛyɛlɛ mekɛ ne ɛze; ezule ne ɛwie tɔ.

Sɔlɔmɔn Edwɛne 6:11

Mengɔle mbakama egyinli ne anu, kɛ mekanlea mbaka mɔɔ wɔ bɔnza ne anu la, saa vanye mbaka ne mɔ ɛyeye nya, na mbaka ne mɔ mɔɔ so ma kɛ akutue la ɛbɔ ndotolo a.

Sɔlɔmɔn Edwɛne 6:2

Me kulovolɛ ne ɛhɔ ye tola nu lɔ, kofie ne mɔ mɔɔ mbaka evuanlɛ ne mɔ wɔ zo la, kɛ ɔkamaa ye nyɛmoa adidi tola ne anu, na yeatete aloa.

Ayezaya Buluku ne 55:12

“Ɔluakɛ ɛbavi Babelɔn anyelielɛ nu, bɛbali ɛ nyunlu bɛ nee wɔ ahɔ anzonudwolɛ nu, awoka mgbole nee ngyikyi ne mɔ amuala babɔ nu ado edwɛne, na ɛbɔ nu mbaka kɔsɔɔti babɔ bɛ sa nu.

Gyɛlɛmaya Buluku ne 8:7

Akoso bɔbɔ mɔɔ lua anwomanyunlu la ze ye mekɛ; yɛɛ mɔlɔnoma, nyamenleakatiba, yɛɛ azuazuanloma ze bɛ mekɛ mɔɔ bɛsia bɛba a, noko me menli ne ɛnze medame Ɛdɛnkɛma me mɛla ne.

Kɔlɔ 3:16

Bɛmaa Kelaese edwɛkɛ ne nee nwolɛ nvasoɛ muala ɛdɛnla bɛ nu kpalɛ. Bɛva nrɛlɛbɛ bɛhilehile bɛ nwo na bɛdu bɛ nwo folɛ. Bɛdo edwɛne, anyelielɛ edwɛne, na bɛdo sunsum nu edwɛne bɛboka moyɛlɛ mɔɔ vi ahonle nu la bɛmaa Nyamenle.