Sɔlɔmɔn Edwɛne 1:7 - BAEBOLO ANZƐƐ BULUKU NWUANZANWUANZA

⁷ Me kulovolɛ, ka kile me, nienwu a ɛbava wɔ nyɛmoa wɔahɔ adidi a? Ɔdwu sɛnzɛnegyinla a nienwu a bɛbalie bɛ ɛnwomenle a? Duzu ati a ɔwɔ kɛ mekpɔsa mekpondɛ wɔ wɔ ɛ gɔnwo mɔ nyɛmoa avinli a?

Sɔlɔmɔn Edwɛne 1:7 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 37:16

Dwosefi buale ye kɛ, “Melɛkpondɛ me mediema mrenya ne mɔ. Mebodo wɔ, kile me ɛleka mɔɔ bɛva bɛ mboane ne mɔ bɛhɔ adidi la.”

Edwɛndolɛ Buluku ne 116:1

Mekulo Ɛdɛnkɛma, ɔboalekɛ yede me ne nee me modolɛ nzɛlɛlɛ.

Edwɛndolɛ Buluku ne 18:1

O Ɛdɛnkɛma, me anwosesebɛ, mekulo wɔ.

Edwɛndolɛ Buluku ne 28:1

O Ɛdɛnkɛma, wɔmɔ yɛɛ mefɛlɛ wɔ a, me bodane, mmatuodua ɛ nzo wɔ me nwo; saa wɔandɛne me zo a, menwɔyɛ kɛ bɛdabɛ mɔɔ bɛkɔ ɛbolɔ Kuma nu la.

Edwɛndolɛ Buluku ne 80:1

O Yizilayɛma anwo zo neavolɛ, tie yɛ, wɔmɔ, ɛhanle Dwosefi abo zo amra kɛ mboane na ɛlile bɛ nyunlu. Wɔmɔ mɔɔ wɔ belemgbunli ebia gyi tease abɔdeɛma azo a, ta bɛla,

Sɔlɔmɔn Edwɛne 2:16

Me kulovolɛ ne le me ɛdeɛ, yɛɛ mele ye ɛdeɛ, ɔfa ye nyɛmoa ɔkɔ adidi wɔ aloa avinli.

Sɔlɔmɔn Edwɛne 2:3

Saa me kulovolɛ gyi mgbavolɛ avinli a, ɔle kɛ ampolo baka gyi ɛbɔ nu mbaka avinli. Me nye die ye alubo ne anu ɛdɛnlanlɛ, yɛɛ ye ma ne yɛ me fɛ.

Sɔlɔmɔn Edwɛne 5:10

Me kulovolɛ ne anwo yɛ fɛ, eza ɔte kpɔkɛ; saa ɛye menli apenle bulu a ɔdaye ala.

Sɔlɔmɔn Edwɛne 5:16

Ye ɛdendɛlɛ yɛ fɛ kpole, ye debie biala twe ahonle. Me kulovolɛ ne nee me gɔnwo ne kɛ de la ɛne, O Gyɛlusalɛm mraalɛ.

Sɔlɔmɔn Edwɛne 5:8

O bɛmɛ Gyɛlusalɛm mraalɛ, mese, saa bɛnwu me kulovolɛ ne a, bɛha bɛhile ye kɛ ye ɛhulolɛ ngome ɛbɔ me anwonyane.

Sɔlɔmɔn Edwɛne 6:2

Me kulovolɛ ne ɛhɔ ye tola nu lɔ, kofie ne mɔ mɔɔ mbaka evuanlɛ ne mɔ wɔ zo la, kɛ ɔkamaa ye nyɛmoa adidi tola ne anu, na yeatete aloa.

Sɔlɔmɔn Edwɛne 6:3

Me kulovolɛ ne le me ɛdeɛ, yɛɛ mele ye ɛdeɛ; ɔmaa ye nyɛmoa didi aloa ne mɔ avinli.

Sɔlɔmɔn Edwɛne 8:13

O wɔmɔ mɔɔ ɛwɔ tola ne anu, me gɔnwo mɔ ɛlɛkendɛ adie ɛ ne; maa mende ɛ ne.

Ayezaya Buluku ne 13:20

Awie ɛnrɛdɛnla nuhua ɛlɛ wɔ awolɛndoazo muala anu. Arelabenli biala ɛnrɛzi ye ndanlɛ sua wɔ ɛkɛ ne afoa nu, yɛɛ mboaneneavolɛma ɛnrɛva bɛ mboane ɛnrɛhɔ ɛkɛ ne adidi.

Ayezaya Buluku ne 26:9

Nɔɔzo biala me ɛkɛla anwo dɔ wɔ, me sunsum mɔɔ wɔ me nu la kpondɛ wɔ. Ɔluakɛ saa wɔ ndeanlɛ ba ewiade a, ewiade amra sukoa pɛlepɛlelilɛ.

Ayezaya Buluku ne 40:11

Ɔbanlea ye menli ne boɛ kɛ mboaneneavolɛ yɛne nyɛmoa, ɔbaboɔboa mboane mralɛ ne anloa yeadedɛ bɛ ɔ sa zo. Ɔbavia bɛ ɔ kɛnra azo, na yeali mɔɔ lɛ mralɛ la anyunlu bɛtɛɛ.

Ayezaya Buluku ne 5:1

Bɛmaa mendo edwɛne memaa me kulovolɛ, ye vanye egyinli ne anwo ɛhulolɛ edwɛne. Ɛnee me kulovolɛ ne lɛ ye vanye egyinli wɔ boka bie mɔɔ kye aleɛ la azo.

Gyɛlɛmaya Buluku ne 33:12

Tumivolɛ Ɛdɛnkɛma se, “Mboaneneavolɛma bava bɛ mboane azia ara ɛke mɔɔ ɛdɔ mgbane, mɔɔ sonla ɛnde zolɛ ɛleka biala yɛɛ nane ɛnle zolɛ la bɛamaa bɛaradidi.

Maeka Buluku ne 5:4

Ɔbalua Ɛdɛnkɛma anwosesebɛ zo yeagyinla yeayɛne ye nyɛmoa wɔ Ɛdɛnkɛma ye Nyamenle ne anyunlunyia nu. Na ye menli ne badɛnla bɛ nwo adɔ bɛ, ɔluakɛ ɛnɛ ɛdeɛ, ɔbayɛ sonlakpole wɔ ewiade ɛleka biala.

Edwɛkpa ne kɛmɔ Mateyu hɛlɛle la 10:37

“Mɔɔ kulo ɔ ze anzɛɛ ɔ nli tɛla me la ɛnfɛta kɛ ɔkɛyɛ me ɛdoavolɛ, yɛɛ mɔɔ kulo ɔ ra nrenya anzɛɛ ɔ ra raalɛ tɛla me la ɛnfɛta kɛ ɔkɛyɛ me ɛdoavolɛ.

Dw 10:11

“Mame a mele mboaneneavolɛ kpalɛ ne a. Mboaneneavolɛ kpalɛ ne fa ye ngoane to aze maa ye mboane ne.

Dw 21:17

Fane nsa ne azo eza Gyisɛse bizale Pita kɛ, “Dwɔn ara Saemɔn, asoo ɛkulo me?” Nyane hanle Pita kɛ Gyisɛse ɛbiza ye fane nsa kɛ, “Asoo ɛkulo me?” a, na ɔbuale ye kɛ, “Awulae ɛze debie biala; ɛze kɛ mekulo wɔ.” Gyisɛse zele ye kɛ, “Nea me mboane ne mɔ boɛ.

1 Pit 1:8

Bɛtɛnwunle Gyisɛse ɛlɛ, noko bɛkulo ye. Kɛkala bɔbɔ bɛnnwu ye, noko bɛdie ye bɛdi, na ɔlua zo bɛ nye die na bɛdi fɛlɛko kpole mɔɔ ɛnloanlɛ ɛngola ɛnga a,

1 Pit 2:7

Bolɛ ɛhye sonle bolɛ kpole kpalɛ maa bɛdabɛ mɔɔ bɛdie bɛdi la, na bɛdabɛ mɔɔ bɛnlie bɛnli la, Nyamenle Edwɛkɛ ne se, “Bolɛ ko ne ala mɔɔ suatovoma ne kpole kɛ ɔle debie mgbane la, yemɔ ala a ɔrayɛle bolɛ mɔɔ anwo hyia kpalɛ la a.”

1 Dw 2:19

Menli ɛhye mɔ vi yɛ nu a hɔle a, na bɛmboka yɛ nwo. Saa bɛboka yɛ nwo a, anrɛɛ bɛ nee yɛ dɛnlanle. Bɛgyakyile yɛ bɛhɔle, amaa yeala ali wienyi kɛ bɛ biala ɛmboka yɛ nwo.

Yekile 7:17

Ɔluakɛ Boaneralɛ ne mɔɔ de belemgbunli ebia kpole ne azo la bayɛ mboaneneavolɛ anlea bɛ, na ɔbayɛ bɛ tataa yeahɔ nzubula mɔɔ maa ngoane la anwo. Na Nyamenle bakyikyi bɛ nye anwo monle.”

Wulu 2:21

Mowabenli Wulutu zele kɛ, “Eza bɔbɔ ɔhanle ɔhilele me kɛ mendɛnla ye sonvolɛ mraalɛ ne mɔ anwo ɛkɛ kɔkpula mekɛ mɔɔ bɛkɛwie ye bɛyɔba ne bu la.”