Sɔlɔmɔn Edwɛne 1:6 - BAEBOLO ANZƐƐ BULUKU NWUANZANWUANZA

⁶ Mmafa ɛ nye foa ko ɛnea me kɛ medu a, ɔboalekɛ sɛnzɛne ne a ɛmaa melu a. Me mediema mrenya ne mɔ vale me nwo ɛya, bɛmanle menyɛle gyima wɔ bɛ vanye egyinli ne mɔ anu; mengyakyile medame me vanye egyinli ɛdeɛ ne.

Sɔlɔmɔn Edwɛne 1:6 ပူးပေါင်းရင်းမြစ်များ

Dwobu Buluku ne 30:30

Me nwonane kpunli na ɔtete ɔgua, yɛɛ me mbowule nu dɔ kɛ ɔgyi senle zo.

Edwɛndolɛ Buluku ne 69:8

Meyɛ ɛyɛvolɛ wɔ me mediema avinli, ɔmɔ akunlu mralɛ bɔbɔ ɛnze me.

Gyɛlɛmaya Buluku ne 12:6

Ɔluakɛ ɛdawɔ ɛ mediema nee ɛ ze sua nu amra nee wɔ ɛli ye ngunzi nu, bɛboka menli mɔɔ ɛlɛyɛ wɔ la. Bɛ nloa anu menlemenle, noko mmadie bɛ ɛdi.”

Gyɛlɛmaya Buluku ne 8:21

Me ahonle ɛhwe, ɔboalekɛ bɛbodɛboda me menli ne; melɛdi nyane, me adwenle ɛha ɛbɔ nu bɔkɔɔ.

Gyɛlɛmaya Awolɛyelɛ 4:8

Akee bɛ nyunlu ɛlu kisii ɛdɛla sisikpunlike, bɛnnwu bɛ menli holɛ; bɛnwa bɛhakyi mbowule, bɛhete kɛ ɛyɛne.

Maeka Buluku ne 7:6

ɔluakɛ ralɛ nrenya ɛmbu selɛ bie, ralɛ raalɛ dwazo ninli anwo zo, yɛɛ raalɛ mɔɔ wɔ agyalɛ la dwazo ɔ hu ɔ nli anwo zo; sonla kpɔvolɛma a le ɔdaye ye sua nu amra.

Edwɛkpa ne kɛmɔ Mateyu hɛlɛle la 10:22

Me ti, menli kɔsɔɔti bakpɔ bɛ. Noko mɔɔ kɛgyinla kpundii kɛhɔ awieleɛ la, Nyamenle kɛlie ye ngoane.

Edwɛkpa ne kɛmɔ Mateyu hɛlɛle la 10:25

Ɔwɔ kɛ ɛdoavolɛ biala yɛ kɛ ɔ menle la, yɛɛ ɔwɔ kɛ akɛlɛ yɛ kɛ ɔ menle la. Saa bɛvɛlɛ sua menle ne Biyɛlezɛbɛle a, ɛnee ye sua nu ɛkɛ ne amra ɛdeɛ bɛkɛvɛlɛ bɛ aluma dɔɔnwo kpalɛ.

Edwɛkpa ne kɛmɔ Maake hɛlɛle la 4:6

na mɔɔ ewia ne vile hanle bɛ la, bɛyelale, ɔluakɛ bɛ ndinli ne andwu azɛlɛ bo.

Ɛzoanvolɛma Gyima ne 14:22

Bɛmanle diedima ne mɔ anwosesebɛ na bɛzele bɛ kɛ bɛzɔ diedi ne anu kpundii. Bɛhilehilele bɛ kɛ ɔwɔ kɛ yɛnwu amaneɛ dɔɔnwo na yɛanwu Nyamenle Belemgbunlililɛ ne.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 4:29

Mekɛ ne anu ralɛ ne mɔɔ bɛwole ye kɛ bɛwo ralɛ biala la yɛle mɔɔ bɛluale Nyamenle Sunsum ne tumi zo bɛwole ye la kpɔdekpɔde. Zɔhane ala noko yɛɛ kɛkala ɔde a.