Sɔlɔmɔn Edwɛne 1:5 - BAEBOLO ANZƐƐ BULUKU NWUANZANWUANZA

⁵ Gyɛlusalɛm mraalɛ, mele bile duhuduhu, na me nwo yɛ fɛ, mele duhuduhu kɛ Kidaa ndanlɛ azua, me kɛnlɛma le kɛ Sɔlɔmɔn suakunlu mgbɛnu ndanlɛ.

Sɔlɔmɔn Edwɛne 1:5 ပူးပေါင်းရင်းမြစ်များ

Edwɛndolɛ Buluku ne 120:5

Abule ɛbu me kɛ mekɔ Mihyɛke, na metɛnla Kidaa ndanlɛ sua nu a!

Edwɛndolɛ Buluku ne 149:4

Ɛdɛnkɛma anye die ye menli ne anwo; ɔmaa mɔɔ le bɛlɛvo la di konim.

Edwɛndolɛ Buluku ne 45:9

Arelemgbunli mralɛ mraalɛ boka mbɛlɛra mɔɔ wɔ wɔ suakunlu ɛkɛ ne la anwo; belemgbunli raalɛ ne gyi wɔ fema zo ɛkɛ, yeva Ɔfɛ ezukoa nvutuke yeyɛ ɔ nwo sɔɔnwo.

Edwɛndolɛ Buluku ne 90:17

Maa yɛ Awulae yɛ Nyamenle ne anwunvɔnezelɛ ne ɛrɛla yɛ nwo zo, na maa yɛ sa anloa gyima ɛyɛ kpalɛ ɛmaa yɛ, ɛhɛe, maa yɛ sa anloa gyima ɛyɛ kpalɛ.

Sɔlɔmɔn Edwɛne 2:14

Ɛle kɛ abubule mɔɔ vea bodane mɔɔ ɛkpuke la avinli. Maa menwu ɛ nyunlu kɛnlɛma ne, na mende ɛ ne fɛlɛko ne, ɔluakɛ ɛ ne yɛ fɛ, yɛɛ ɛ nyunlu le kɛnlɛma.

Sɔlɔmɔn Edwɛne 2:7

O Gyɛlusalɛm mraalɛ, mese, bɛva weɛlɛ nee ahɛtɛboɛ anwondɛne ne mɔ bɛha ndane kɛ bɛnrɛpele ɛhulolɛ nwo, kɔkpula kɛ ɛhulolɛ ne mekɛ kpalɛ kɛdwu la.

Sɔlɔmɔn Edwɛne 3:10

Ɔvale dwɛtɛ fufule ɔfɔlele ye mbaka ne mɔ anwo, ɔvale ezukoa nvutuke ɔfɔlele ɔ nzi ne, ɔvale ɛdanlɛ buluwu nee kɔkɔlɛ afonla mɔɔ Gyɛlusalɛm mraalɛ ɛnwo nu la ɔzɛle ɛleka mɔɔ bɛtɛnla la.

Sɔlɔmɔn Edwɛne 3:5

O Gyɛlusalɛm mraalɛ, mese, bɛva weɛlɛ nee ahɛtɛboɛ anwondɛne ne mɔ bɛha ndane kɛ bɛnrɛpele ɛhulolɛ nwo kɔkpula kɛ ɛhulolɛ ne mekɛ kpalɛ kɛdwu la.

Sɔlɔmɔn Edwɛne 4:3

Ɛ nloa babonle ne bolo kɛ nyɛma kɔkɔlɛ, yɛɛ ɛ nloa mumua ne nee ɛdendɛlɛ le kɛnlɛma. Ɛ nvoka le kɛ akutue mɔɔ bɛkpuke nuhua wɔ ɛ ti aguzo ne abo.

Sɔlɔmɔn Edwɛne 5:16

Ye ɛdendɛlɛ yɛ fɛ kpole, ye debie biala twe ahonle. Me kulovolɛ ne nee me gɔnwo ne kɛ de la ɛne, O Gyɛlusalɛm mraalɛ.

Sɔlɔmɔn Edwɛne 5:8

O bɛmɛ Gyɛlusalɛm mraalɛ, mese, saa bɛnwu me kulovolɛ ne a, bɛha bɛhile ye kɛ ye ɛhulolɛ ngome ɛbɔ me anwonyane.

Sɔlɔmɔn Edwɛne 6:4

Me kulovolɛ, ɛ nwo yɛ fɛ kɛ Gyɛlusalɛm la, ɛ nwo yɛ anyelielɛ kɛ suakpole Tɛza la, ɛ nwo ka ɛzulolɛ kɛ ɛlɔnema mɔɔ dedɛ avɛlɛnra la.

Sɔlɔmɔn Edwɛne 8:4

O Gyɛlusalɛm mraalɛ, mese, bɛmmapele ɛhulolɛ nwo kɔkpula kɛ ɛhulolɛ ne mekɛ kpalɛ kɛdwu la.

Ayezaya Buluku ne 21:16

Ɔluakɛ Awulae zele me kɛ, “Ɛvolɛ ko pɛpɛ, kɛmɔ ɛkpabɔlɛ mekɛ ne kile la, Kida anyunlunyia badɔ aze,

Ayezaya Buluku ne 53:2

Ɔluakɛ ɔfifile kɛ baka ekyi bie mɔɔ zɔle ndinli wɔ azɛlɛ resee zo; ɔnle kɛnlɛma anzɛɛ ɔnzɔho debie na yɛanlea, yɛɛ ɔnzɔ ɛnyelɛ na yɛ nye abolo ye.

Ayezaya Buluku ne 60:7

Bɛbava nyɛmoa bɛvi Kidaa bɛara, Bɛ nee Nɛbayo mboane nyinli kɔsɔɔti bara; Mebalie bɛ kɔsɔɔti me azukponle ne azo, Na mebawula me Ɛzonlenlɛ Sua ne anyunlunyia.

Ayezaya Buluku ne 61:10

Ɛdɛnkɛma ati me nye balie kpole, Me ɛkɛla bali fɛlɛko wɔ me Nyamenle ne ati, Ɔluakɛ yeva ngoanelielɛ ɛdanlɛ yeheda me, Yeva pɛlepɛleyɛlɛ tɛladeɛ yewula me, Yeziezie me kɛ atɔfolɛ nrenya fa ndotolo kɔtɔlɔba siezie ɔ nwo, Anzɛɛ kɛ atɔfolɛ raalɛ fa anwoneɛ siezie ɔ nwo la.

Yizikeɛle Buluku ne 16:14

Bɛ anwofɛlɛko ti, bɛ nganeɛ dendenle hɔle maanle maanle zo, ɔluakɛ anwofɛlɛko mɔɔ menvale memanle bɛ la yɛle kpole. Medame Awulae Nyamenle a mese a.

Yizikeɛle Buluku ne 27:21

Arelebiama nee Kida arelemgbunli a le menli mɔɔ ɛ nye liele bɛ nwo kpalɛ wɔ mboane mralɛ, mboane nyinli, yɛɛ mbɔnkye gualilɛ nu a. Ninyɛne mɔɔ bɛvale bɛ nee wɔ lile gua la ɛne.

Edwɛkpa ne kɛmɔ Mateyu hɛlɛle la 10:25

Ɔwɔ kɛ ɛdoavolɛ biala yɛ kɛ ɔ menle la, yɛɛ ɔwɔ kɛ akɛlɛ yɛ kɛ ɔ menle la. Saa bɛvɛlɛ sua menle ne Biyɛlezɛbɛle a, ɛnee ye sua nu ɛkɛ ne amra ɛdeɛ bɛkɛvɛlɛ bɛ aluma dɔɔnwo kpalɛ.

Edwɛkpa ne kɛmɔ Mateyu hɛlɛle la 22:11

“Akee belemgbunli ne hɔle sua ne anu kɛ ɔkanlea ye nyɛvolɛ ne mɔ, na ɔnwunle kɛ nrenya ko wɔ nu mɔɔ ɔnwula atɔfolɛlielɛ tɛladeɛ ne mɔɔ belemgbunli ne ɛva ɛmaa ye nyɛvolɛ ne mɔ la bie a.

Edwɛkpa ne kɛmɔ Luku hɛlɛle la 13:34

“Gyɛlusalɛm, O Gyɛlusalɛm! Wɔhu Nyamenle kpɔmanvolɛma ne, wɔzi menli mɔɔ Nyamenle zoanle bɛ ɛ nwo la awolɛ! Fane dɔɔnwo yɛɛ mehulo kɛ anrɛɛ menwɔva me sa menwɔbɛla bɛmɛ Gyɛlusalɛmma kɛ akɔlɛ ɛdane fa ɔ mra fea ɔ ndɛba abo la; na bɛammaa me adenle.

Edwɛkpa ne kɛmɔ Luku hɛlɛle la 15:22

Na ɔ ze vɛlɛle ye sonvolɛma ne mɔ na ɔzele bɛ kɛ, ‘Bɛha bɛ nwo na bɛhɔva tɛladeɛ kpalɛ bɛrawula ye. Bɛva kpɔdelera bɛwula ɔ sa, na bɛva mgbɔlaboa bɛwula ye.

Wulo 13:14

Na bɛva Awulae Kelaese bɛyɛ konle tɛladeɛ bɛwula, na bɛzi nwonane nu adwenle ɛvalɛ nee ye atiakunluwɔzo aze.

2 Kɔl 5:21

Kelaese anyɛ ɛtane, noko ɔlua yɛmɛ yɛ ti Nyamenle vale ye yɛle ɛtane mumua ne, amaa ɔlua ɔ nwo zo yɛanyia Nyamenle kpalɛyɛlɛ ne.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 4:26

Na suakpole Gyɛlusalɛm kpalɛ ne mɔɔ wɔ anwuma la ɛnle akɛlɛ ɛzonlenlɛ bo. Yemɔ ɔle dehelɛ, na ɔle yɛ sua zo kpalɛ nee yɛ nli.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:26

Ɔyɛle ɛhye na ɔvale ɔ nloa edwɛkɛ nee nzule ɔnrinzinle nwolɛ bɔkɔɔ na ɔdele nwolɛ;

1 Dw 3:1

Bɛnlea kɛ Selɛ ne ɛzi ɛhulo yɛ a! Ye ɛhulolɛ kpole ne ati, bɛfɛlɛ yɛ Nyamenle amra, yɛɛ nɔhalɛ nu, yɛle ɔ mra. Debie mɔɔ yemɔti ɛtane ewiade ye ɛnze yɛ la a le kɛ yeannwu Nyamenle.