Sɔlɔmɔn Edwɛne 1:3 - BAEBOLO ANZƐƐ BULUKU NWUANZANWUANZA

³ Wɔ nwole ne mɔɔ ɛkpokpa la bɔ evuanlɛ, Wɔ duma le kɛ nwole mɔɔ bɛlɛwola, yemɔti mbɛlɛra ne mɔ kulo wɔ.

Sɔlɔmɔn Edwɛne 1:3 ပူးပေါင်းရင်းမြစ်များ

Edwɛndolɛ Buluku ne 133:2

Ɔle kɛ nwole mɔɔ sonle bolɛ mɔɔ bɛwola bɛgua sonla ti zo, na ɔsonyi ɔgua ɔ kɛsa anu, bɔbɔ kɛ Aalɔn akɛsa anu ɛdeɛ ne, mɔɔ zonyinle guale tɛladeɛ ne akɔme ne anu la.

Edwɛndolɛ Buluku ne 45:14

Bɛva ye bɛhɔ belemgbunli ne ɛkɛ, ye avoanlema mɔɔ ravale ye la doa ye.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 33:12

Mosisi hanle hilele Ɛdɛnkɛma kɛ, “Nɔhalɛ, wɔze me kɛ, ‘Di menli ɛhye ati fa bɛ kɔ azɛlɛ zɔhane azo’ noko ahenle mɔɔ baboka me la, ɛtɛkanle. Wɔze me kɛ ɛze me kpalɛ kpalɛ, yɛɛ eza mezɔ ɛ nye.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 33:19

Ɛdɛnkɛma buale ye kɛ, “Mebamaa me wienyi kpole ne ada ɛ nwo zo, na meado me duma ‘Ɛdɛnkɛma’ ne kpaanu meahile wɔ. Mebayɛ menli mɔɔ ɔwɔ kɛ meyɛ bɛ boɛ la boɛ, na meaze menli mɔɔ ɔwɔ kɛ mese bɛ anwunvɔne la anwunvɔne.

Mrɛlɛbulɛ Buluku ne 27:9

Nwole evuanlɛ nee anatele maa sonla nye die, na amaneɛnwunlɛ maa sonla di nyane.

Nolo 7:1

Dumamɔlɛ kpalɛ le kpalɛ tɛla nwole evuanlɛ mɔɔ sonle bolɛ la; yɛɛ ewule kenle le kpalɛ tɛla awolɛ kenle.

Sɔlɔmɔn Edwɛne 3:6

Duzu a vi fienemgbole ne anu ɛlɛba, mɔɔ le bolonwonwo kɛ esike, na ɛyɛlɛ nee alufuanlɛ evuanlɛ ɛyɛ ye mukumuku, ɛyɛlɛ mɔɔ gualilɛma a tɔne la?

Sɔlɔmɔn Edwɛne 4:10

Wɔ ɛhulolɛ yɛ fɛ me diema raalɛ, me atɔfolɛ raalɛ. Wɔ ɛhulolɛ yɛ fɛ tɛla nwanye; wɔ nwole ne mɔ bɔ evuanlɛ tɛla aledonlɛ ninyɛne evuanlɛ biala.

Sɔlɔmɔn Edwɛne 5:13

Ɔ nvoka le ngɛnlɛma kɛ aledonlɛ ninyɛne evuanlɛ kofie mɔɔ zolɛ bɔ evuanlɛ la. Ɔ nloa babonle le kɛ aloa mɔɔ kpu alufuanlɛ nzule la.

Sɔlɔmɔn Edwɛne 5:5

Mendwazole kɛ mebuke me kulovolɛ ne, na me sa anwo alufuanlɛ ne manle me sa telele; menzɔle kɔlɔkɔlɔ ne anu la, me sa mrɛlɛsɛka anwo alufuanlɛ ne telele.

Sɔlɔmɔn Edwɛne 6:8

Belemgbunli gya mraalɛ abulasia, ye mgbɔnla abulatwɛ, yɛɛ sonvolɛ mraalɛ dɔɔnwo mɔɔ bɛnze bɛ nloa.

Ayezaya Buluku ne 61:3

Yezoa me kɛ membankyekye Zayɔnoma arɛle Kɛ bɛgyakyi nyanelilɛ na bɛli fɛlɛko. Bɛgyakyi bɛ ti zo nzonle ɛbɔlɛ, Na bɛbɔ ndotolo kɔtɔlɔba abɔtile. Bɛdo ayɛlɛyelɛ edwɛne na bɛgyakyi nyanelilɛ; Amaa bɛavɛlɛ bɛ tenleneyɛlɛ mbaka ɛsesebɛ, Mɔɔ Ɛdɛnkɛma ɛlua, amaa bɛawula ye anyunlunyia.

Edwɛkpa ne kɛmɔ Mateyu hɛlɛle la 25:1

“Mekɛ ne anu Anwuma Belemgbunlililɛ ne bayɛ kɛ mbɛlɛra bulu bie mɔɔ kenle ko vale bɛ ahɛnlaneɛ kɛ bɛkayia atɔfolɛ nrenya ne ade la.

Dw 12:3

Mɛle vale nwole evuanlɛ bie mɔɔ ye bolɛ yɛ se kpalɛ na bɛfɛlɛ ye “naade” la toba kpole ko mɔɔ kɛyɛ litili ko la rawolale guale Gyisɛse agyakɛ anwo, na ɔvale ɔ ti enrinli ɔkyikyile. Nwole ne evuanlɛ vale sua ne anu amuala.

2 Kɔl 11:2

Metwe bɛ nwo nungule, kɛmɔ Nyamenle yɛ ye ala la. Bɛle kɛ bɛlɛra mɔɔ ɛnze nrenya mɔɔ meyia ye kɛ megya ye meamaa nrenya kokye, Kelaese mumua ne.

Pɔɔlo Kɛlata mɔɔ ɔhɛlɛle ɔhɔmanle Felepaema la 4:18

Ahyɛlɛdeɛ biala mɔɔ bɛva bɛnwa me la me sa ɛha ye, ɔzonle somaa! Kɛkala mɔɔ me sa ɛha bɛ nwanle mɔɔ Ɛpafulodaetɛse ɛva ɛrɛlɛ me la, mengyia debie biala anwo bieko. Bɛ ahyɛlɛdeɛ ne le kɛ azubɔlɛ evuanlɛ mɔɔ Nyamenle kulo na ɔ nye sɔ ye la.

Yekile 14:4

Bɛmɛ a bɛle menli mɔɔ bɛzie bɛ nwo bɔkɔbɔkɔ mɔɔ bɛanva bɛ nwo bɛanga raalɛ biala a; bɛle amunli bɔkɔɔ. Bɛmɛ yɛɛ ɛleka biala mɔɔ Boaneralɛ ne ɛlɛkɔ la bɛdoa ye a. Bɛmɛ a bɛlie bɛ ngoane bɛvi aleɛabo amra avinli kɛ bɛle menli mɔɔ bɛlumua bɛva bɛ bɛrɛlɛ Nyamenle nee Boaneralɛ ne a.