Sɔlɔmɔn Edwɛne 1:16 - BAEBOLO ANZƐƐ BULUKU NWUANZANWUANZA

¹⁶ Nea, ɛ nwo yɛ fɛ kpole, me kulovolɛ; nɔhalɛ nu, ɛmaa me nye die kpole! Yɛ ɛkpa mɔɔ yɛda zo la le asuomenle.

Sɔlɔmɔn Edwɛne 1:16 ပူးပေါင်းရင်းမြစ်များ

Edwɛndolɛ Buluku ne 110:3

Wɔ menli ne mɔ bava bɛ nwo amaa wɔ, wɔ mekɛ mɔɔ ɛkɛze kɛ ɛdi wɔ ɛlɔnema ati wɔ boka nwuanzanwuanza ne azo la. Wɔ mgbavolɛ ne mɔ bara ɛ nwo nwonlomɔ mangyee ne, kɛ nwonlomɔ ɛbɔlɛ mɔɔ ɛlɛtɔ la.

Edwɛndolɛ Buluku ne 45:2

Ɛ nwo yɛ fɛ tɛla mgbavolɛ kɔsɔɔti, ɛlolɛ ɛyi wɔ ɛdendɛlɛ tɛkɛɛ, yemɔti Nyamenle ɛyila wɔ dahuu.

Sɔlɔmɔn Edwɛne 1:15

Nea, ɛ nwo yɛ fɛ, me kulovolɛ; nea, ɛ nwo yɛ fɛ; ɛ nye ma le kɛ abubule nye.

Sɔlɔmɔn Edwɛne 2:3

Saa me kulovolɛ gyi mgbavolɛ avinli a, ɔle kɛ ampolo baka gyi ɛbɔ nu mbaka avinli. Me nye die ye alubo ne anu ɛdɛnlanlɛ, yɛɛ ye ma ne yɛ me fɛ.

Sɔlɔmɔn Edwɛne 2:9

Me kulovolɛ ne le kɛ kɛtɛboɛ, ɔle kɛ weɛlɛ nyinli edonraa. Yemɔ a gyi yɛ bane ne anzi la, ɔlɛnea nvɛnzɛlɛ ne anu, ɔ nye gyi nvɛnzɛlɛ ne anzi neanleɛ ne anu.

Sɔlɔmɔn Edwɛne 3:7

Bɛnlea, Sɔlɔmɔn ɛlɛba, bɛzo ye wɔ belemgbunli bonrane nu; katakyiema abulasia a le ye sinzavoma a, bɛle Yizilayɛ ɛlɔne nu katakyiema ne mɔ bie.

Sɔlɔmɔn Edwɛne 5:2

Mɔɔ menlale la ɛnee me ahonle ɛlɛsi. Tie, me kulovolɛ ne ɛlɛbɔ me anlenkɛ nu! Buke anlenkɛ ne, me diema raalɛ, me abubule, me kulovolɛ mɔɔ di munli, ɛbɔlɛ ɛdɔ me ti zo, na me ti enrinli ɛloa tɔfɔɔ.

Sɔlɔmɔn Edwɛne 5:5

Mendwazole kɛ mebuke me kulovolɛ ne, na me sa anwo alufuanlɛ ne manle me sa telele; menzɔle kɔlɔkɔlɔ ne anu la, me sa mrɛlɛsɛka anwo alufuanlɛ ne telele.

Sɔlɔmɔn Edwɛne 7:6

Ɛle kɛnlɛma, ɛ nwo yɛ anyelielɛ, O kulovokpa, anyelielɛ bɛlɛra.

Zɛkalaya Buluku ne 9:17

Ɛhɛe, azɛlɛ ne bayɛ kpalɛ, ayɛ kɛnlɛma! Zolɛ abɛlɛ nee nwanye fofolɛ bamaa zolɛ mgbavolɛ nee mbɛlɛra anyia anwosesebɛ.