Sɔlɔmɔn Edwɛne 1:15 - BAEBOLO ANZƐƐ BULUKU NWUANZANWUANZA

¹⁵ Nea, ɛ nwo yɛ fɛ, me kulovolɛ; nea, ɛ nwo yɛ fɛ; ɛ nye ma le kɛ abubule nye.

Sɔlɔmɔn Edwɛne 1:15 ပူးပေါင်းရင်းမြစ်များ

Sɔlɔmɔn Edwɛne 1:16

Nea, ɛ nwo yɛ fɛ kpole, me kulovolɛ; nɔhalɛ nu, ɛmaa me nye die kpole! Yɛ ɛkpa mɔɔ yɛda zo la le asuomenle.

Sɔlɔmɔn Edwɛne 1:8

Wɔmɔ mɔɔ ɛ nwo yɛ fɛ tɛla mraalɛ kɔsɔɔti, ɛnze ɛleka ne ɔ? Dua nyɛmoa ne mɔ agyakɛ abo zo ne, na maa wɔ mbɔnkye ne mɔ ɛdidi mboaneneavolɛma ndanlɛ azua ne mɔ anwo.

Sɔlɔmɔn Edwɛne 1:9

Me kulovolɛ, mefa wɔ meto Yigyibiti belemgbunli ɛkpɔnwɔ belɛ mɔɔ twe ye ehwili ne mɔ la anwo.

Sɔlɔmɔn Edwɛne 2:10

Me kulovolɛ ne tendɛ se me kɛ: “Dwazo, me kulovolɛ, me kulovolɛ kɛnlɛmaleɛ, maa yɛhɔ.

Sɔlɔmɔn Edwɛne 2:13

Feege mbaka ɛbɔ ɔ bo ɛlɛso, vanye mbaka ɛbɔ ndotolo, bɛmaa maanle nu ɛbɔ evuanlɛ. Dwazo, me kulovolɛ, me kulovokpa, maa yɛhɔ.

Sɔlɔmɔn Edwɛne 4:1

Nea, ɛ nwo yɛ fɛ, me kulovolɛ, nea, ɛ nwo yɛ fɛ! Ɛ nye ma le kɛ abubule ɛdeɛ ne wɔ ɛ ti aguzo ne abo. Wɔ enrinli dwazo senreleenyi kɛ mbɔnkye ekpunli mɔɔ vi Geleade awoka zo ɛlɛtolo la enrinli.

Sɔlɔmɔn Edwɛne 4:10

Wɔ ɛhulolɛ yɛ fɛ me diema raalɛ, me atɔfolɛ raalɛ. Wɔ ɛhulolɛ yɛ fɛ tɛla nwanye; wɔ nwole ne mɔ bɔ evuanlɛ tɛla aledonlɛ ninyɛne evuanlɛ biala.

Sɔlɔmɔn Edwɛne 4:7

Ɛ nwo yɛ fɛ vi wɔ anwuma dwu aze, me kulovolɛ, ɛdi munli bɔkɔɔ.

Sɔlɔmɔn Edwɛne 5:12

Ɔ nye ma ngɛnlɛma le kɛ abubule mɔɔ bɛbia ye meleke nu, na ɔgyi nzubula nloa la, ɔfɛta ye somaa.

Sɔlɔmɔn Edwɛne 5:2

Mɔɔ menlale la ɛnee me ahonle ɛlɛsi. Tie, me kulovolɛ ne ɛlɛbɔ me anlenkɛ nu! Buke anlenkɛ ne, me diema raalɛ, me abubule, me kulovolɛ mɔɔ di munli, ɛbɔlɛ ɛdɔ me ti zo, na me ti enrinli ɛloa tɔfɔɔ.

Sɔlɔmɔn Edwɛne 6:10

Nwane ɔ, mɔɔ ɔ nye pɛ kɛ aleɛbahye la? Ɔle kɛnlɛma kɛ siane, na ɔta kɛ sɛnzɛne, ɔ nwo ka ɛzulolɛ kɛ ɛlɔnema mɔɔ dedɛ avɛlɛnra la.

Sɔlɔmɔn Edwɛne 6:4

Me kulovolɛ, ɛ nwo yɛ fɛ kɛ Gyɛlusalɛm la, ɛ nwo yɛ anyelielɛ kɛ suakpole Tɛza la, ɛ nwo ka ɛzulolɛ kɛ ɛlɔnema mɔɔ dedɛ avɛlɛnra la.

Sɔlɔmɔn Edwɛne 7:6

Ɛle kɛnlɛma, ɛ nwo yɛ anyelielɛ, O kulovokpa, anyelielɛ bɛlɛra.

Sɔlɔmɔn Edwɛne 7:7

Ɛgyi zo sengɔɔnwo kɛ arɛlɛ eluba, wɔ mgbokua le kɛ ye betike ne mɔ.

Malakae Buluku ne 2:14

Bɛbiza kɛ, “Duzu ati a ɔnlie ɛ?” Ɔboalekɛ Ɛdɛnkɛma di ngyekyeleɛ mɔɔ bɛ nee bɛ mraalɛ mɔɔ bɛgyale bɛ bɛ mgbavolɛ nu la yɛle la anwo daselɛ. Bɛanli nɔhalɛ bɛammaa bɛ, noko bɛ mraalɛ ɔ, yɛɛ ngyekyeleɛ ne kile kɛ bɛle bɛ ye mɔ.