Sɔlɔmɔn Edwɛne 1:10 - BAEBOLO ANZƐƐ BULUKU NWUANZANWUANZA

¹⁰ Ɛ nzo tɛba nu nee anwoneɛ le kɛnlɛma, ɛ kɔme nee ndweabane kɛnlɛma bɛnga.

Sɔlɔmɔn Edwɛne 1:10 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 24:22

Mɔɔ afunlumu ne mɔ wiele nzule no la, sonvolɛ ne vale ezukoa nvutuke ngɛba mɔɔ ye bolɛ yɛ se la zɔle bɛlɛra ne abonyi na ɔvale nwiɔ noko ɔguale ɔ sa.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 24:47

Akee membizale ye kɛ, ‘Nwane ara raalɛ a le wɔ?’ Ɔzele me kɛ, ‘Mele Neehɔ nee ɔ ye Melekaa bɛ ra nrenya Bɛtuwɛle ara raalɛ.’ Yemɔti menvale ngɛba menzɔle ɔ bonyi na menvale bie menguale ɔ sa.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 24:53

Akee ɔvale anwoneɛ mɔɔ bɛva dwɛtɛ fufule bɛyɛ yɛɛ anwoneɛ mɔɔ bɛva ezukoa nvutuke bɛyɛ la ɔmanle Relɛbɛka. Eza ɔmanle ye adɛladeɛ. Ɔvale ninyɛne mɔɔ sonle bolɛ la noko ɔmanle Leeban nee ɔ nli.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 41:42

Akee ɔyele ɔ sa kpɔdelera ne mɔɔ ɔfa ɔsisi ngɛlata zo la ɔwulale Dwosefi asa, na bɛvale adɛladeɛ ngɛnlɛma bɛwulale ye, bɛvale ndweabane bɛdole ɔ kɔme;

Mrɛlɛbulɛ Buluku ne 1:9

ɔluakɛ bɛle ndotolo kɔtɔlɔba abɔtile bɛmaa wɔ, yɛɛ bɛle ɛ kɔme avikpa.

Sɔlɔmɔn Edwɛne 1:11

Yɛbayɛ ezukoa nvutuke anwoneɛ yɛamaa wɔ, yɛava dwɛtɛ fufule yɛaduodua nu.

Sɔlɔmɔn Edwɛne 4:9

Saa menea ɛ nye ma, me diema raalɛ, me atɔfolɛ raalɛ, nee ndweabane mɔɔ gua ɛ kɔme la a, me ahonle di pe pe pe,

Sɔlɔmɔn Edwɛne 5:13

Ɔ nvoka le ngɛnlɛma kɛ aledonlɛ ninyɛne evuanlɛ kofie mɔɔ zolɛ bɔ evuanlɛ la. Ɔ nloa babonle le kɛ aloa mɔɔ kpu alufuanlɛ nzule la.

Ayezaya Buluku ne 61:10

Ɛdɛnkɛma ati me nye balie kpole, Me ɛkɛla bali fɛlɛko wɔ me Nyamenle ne ati, Ɔluakɛ yeva ngoanelielɛ ɛdanlɛ yeheda me, Yeva pɛlepɛleyɛlɛ tɛladeɛ yewula me, Yeziezie me kɛ atɔfolɛ nrenya fa ndotolo kɔtɔlɔba siezie ɔ nwo, Anzɛɛ kɛ atɔfolɛ raalɛ fa anwoneɛ siezie ɔ nwo la.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 31:50

Yemɔti ninyɛne mɔɔ yɛnyianle, ezukoa nvutuke ninyɛne mɔɔ bɛfa bɛsiezie bɛ nwo, bɛ sa ngɛba, funga, mgbɔdelera, asomadeɛ, yɛɛ avikpa, yɛva nuhua mɔɔ le Ɛdɛnkɛma afoa nu ɛdeɛ ne yɛra kɛ azubɔdeɛ, amaa bɛava bɛayɛ mgbɔdalɛ nzɛlɛlɛ bɛamaa yɛ.”

1 Pit 3:4

Bɛmaa bɛ nyamenlezo anwofɛlɛko ne mɔɔ wɔ bɛ nu la ɛvinde. Nyamenlezo anwofɛlɛko ɛhye vea bɛ ahonle ne mɔ anu, na yemɔ a le bɛ bɛtɛɛyɛlɛ nee bɛ koonwuyɛlɛ subane ne. Ɛhye a le kɛnlɛma na ɔsɔ Nyamenle anye a.