Sɛlɛ 9:6 - BAEBOLO ANZƐƐ BULUKU NWUANZANWUANZA

⁶ Na Mosisi zele kɛ, “Debie mɔɔ Ɛdɛnkɛma ɛze bɛ kɛ bɛyɛ la ɛne, na Ɛdɛnkɛma baye ye anyunlunyia ne ahile bɛ.”

Sɛlɛ 9:6 ပူးပေါင်းရင်းမြစ်များ

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 16:10

Na mɔɔ Aalɔn dendɛle hilele Yizilayɛma ne la, bɛdole bɛ nye fienemgbole ne anu lɔ, na nea, Ɛdɛnkɛma anyunlunyia ne dale amungu ne anu.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 24:16

Ɛdɛnkɛma anyunlunyia ne dale boka Saenae azo, na Yizilayɛma nwunle ye kɛ ɔle kɛ senle ɔlɛsɔ boka ne ati zo lɔ. Amungu ne hedale boka ne azo kenle nsia, na ye kenle nsuu ne azo Ɛdɛnkɛma vɛlɛle Mosisi wɔ amungu ne anu.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 29:43

Ɛkɛ ne yɛɛ mebayia Yizilayɛma, na me anyunlunyia ne bada ade bɛ nwo.

Yizikeɛle Buluku ne 43:2

Na nea, Yizilayɛ Nyamenle ne anyunlunyia vi aduduleɛ rale. Ye ɛralɛ ne anu alɛra le kɛ azule dɔɔnwo mɔɔ ɛlɛse la ane, ye anyunlunyia ne manle azɛlɛ ye azo dale wienyi.

Sɛlɛ 9:23

Na Mosisi nee Aalɔn hɔle Ɛdɛnkɛma Ndanlɛ Sua ne anu, na bɛvindele bɛrayilale menli ne, na Ɛdɛnkɛma manle menli ne kɔsɔɔti nwunle ye anyunlunyia ne.

Sɛlɛ 9:5

Na bɛvale ninyɛne mɔɔ Mosisi zele bɛ kɛ bɛsesa la bɛrale Ɛdɛnkɛma Ndanlɛ Sua ne anyunlu.