Sɛlɛ 9:3 - BAEBOLO ANZƐƐ BULUKU NWUANZANWUANZA

³ Na ka kile Yizilayɛma kɛ, ‘Bɛva abɔnkye nyinli bɛyɛ ɛtane azubɔdeɛ; bɛva boane edonraa nee ɛnlankɛ edonraa mɔɔ bɛ nwo ɛnlɛ dɛne, na bɛli ɛvolɛ ngoko la bɛyɛ ɛyelalɛ azubɔdeɛ,

Sɛlɛ 9:3 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 37:31

Na bɛhunle abɔnkye ko, bɛvale ye mogya bɛyɛle Dwosefi tɛladeɛ ne anu.

Ɛzela Buluku ne 10:19

Bɛbɔle ɛwɔkɛ kɛ bɛbɔ bɛ mraalɛ ne mɔ ewole, na bɛvale boane nyinli ko kɛ bɛva bɛbɔ bɛ ɛtane ne mɔ anwo azu.

Ɛzela Buluku ne 6:17

Wɔ sua ne ɛbukelɛ nee ye ɛdulɛ mɔɔ bɛtu bɛawula Nyamenle asa anu la, bɛvale nlankɛ nyinli ɛya ko, mboane nyinli ɛya nwiɔ, yɛɛ mboane mralɛ ɛya nna a bɛbɔle azu bɛmanle Nyamenle a. Akee bɛvale mbɔnkye nyinli bulu nee nwiɔ bɛbɔle ɛtanefakyɛ azu bɛmanle Nyamenle wɔ Yizilayɛma amuala ati. Bɛbɔle abusua ekpunli ko biala ati bɛvale abɔnkye ko bɛbɔle azu.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 12:5

Ɔwɔ kɛ boane ne anzɛɛ abɔnkye ne yɛ nyinli mɔɔ anwo ɛnlɛ dɛne na yeli ɛvolɛ ko ala la.

Ayezaya Buluku ne 53:10

Ɛdɛnkɛma se, “Noko ɔle me ɛhulolɛ kɛ bɛkɛbodɛboda ye, na ɔkɛnwu amaneɛ dɔɔnwo; na ɔkɛva ɔ nwo ɔkɛbɔ azu ɔkɛmaa ɛtane. Ɔbanyi yeahyɛ na yeanwu ɔ bo zo amra, na ɔlua ɔ nwo zo Ɛdɛnkɛma ɛhulolɛ ne ali munli.

Sɛlɛ 10:16

Akee Mosisi bizebizale abɔnkye ne mɔɔ bɛvale bɛyɛle ɛtane azubɔdeɛ ne la anwo edwɛkɛ kpalɛ, na ɔnwunle kɛ bɛyelale ye. Ɔvale Aalɔn amra mrenya ne mɔ mɔɔ ɛha la, Ɛlieza nee Yetamaa anwo ɛya na ɔbizale bɛ kɛ,

Sɛlɛ 12:6

“Saa raalɛ wo na ɔwie ɛdane ne mɔ fi a, saa ɔwole nrenya o, ɔwole raalɛ o, ɔwɔ kɛ ɔfa boane edonraa mɔɔ ɛli ɛvolɛ ko la ɔyɛ ɛyelalɛ azubɔdeɛ yɛɛ mɔlɔnoma ekyi ko anzɛɛ abubule ɔyɛ ɛtane azubɔdeɛ na ɔfa ɔbɛlɛ sɛlɛvolɛ ne wɔ Ɛdɛnkɛma Ndanlɛ Sua ne anuhɔlɛ ne.

Sɛlɛ 14:10

“Kenle mɔtwɛ ne azo, ɔwɔ kɛ ɔfa mboane nyinli nwiɔ mɔɔ anwo ɛnlɛ dɛne la, boane belɛ ko mɔɔ ɛli ɛvolɛ ko na ɔ nwo ɛnlɛ dɛne la, ma azubɔdeɛ mɔɔ bɛdi bɛyɛ ye esamo na bɛva ɔlivi nwole bɛfɔtɔ la kilo nsa, yɛɛ ɔlivi nwole toba foa ko ɔbɛlɛ sɛlɛvolɛ ne.

Sɛlɛ 16:15

“Akee Aalɔn bahu ɛtane azubɔdeɛ abɔnkye ne yeabɔ azu wɔ Yizilayɛma ati, na yeava ye mogya ne yeahɔ mgbɛnu ɛdanlɛ ne akunlu na yeakponde ye wɔ Anwunvɔnezelɛ Ebia ne azo nee ɔ nyunlu ɛkɛ, kɛmɔ ɔyɛle ɛnlankɛ nyinli ne mogya ne la.

Sɛlɛ 16:5

“Akee Yizilayɛ maanlema ne bava mbɔnkye nyinli nwiɔ bɛamaa yeava yeayɛ ɛtane azubɔdeɛ yɛɛ boane nyinli ko bɛamaa yeava yeayɛ ɛyelalɛ azubɔdeɛ.

Sɛlɛ 23:12

Kenle mɔɔ bɛbɔ bɛ alumua bɛyɔba ehono azu ne la, ɔwɔ kɛ bɛfa boane nyinli mɔɔ ɛli ɛvolɛ ko na ɔ nwo ɛnlɛ dɛne biala la bɛbɔ ɛyelalɛ azu bɛmaa Ɛdɛnkɛma.

Sɛlɛ 4:23

na saa bɛmaa ɔnwu ye ɛtane ne mɔɔ yeyɛ la a, ɔwɔ kɛ ɔfa abɔnkye nyinli mɔɔ anwo ɛnlɛ dɛne la ɔba kɛ ɛtane azubɔdeɛ.

Sɛlɛ 4:3

na saa ahenle le sɛlɛvolɛ mɔɔ bɛkpokpa ye nwole la yɛɛ ɛyɛ ɛtane ɛva evinli ɛha menli ne a, bɛmaa ɔva ɛnlankɛ nyinli edonraa mɔɔ anwo ɛnlɛ dɛne la ɔyɛ azubɔdeɛ ɔmaa Ɛdɛnkɛma wɔ ye ɛtane ne mɔɔ yeyɛ la anwo.

Sɛlɛ 9:2

na ɔzele Aalɔn kɛ, “Fa ɛnlankɛ nyinli edonraa ko yɛ ɛtane azubɔdeɛ na fa boane nyinli ko yɛ ɛyelalɛ azubɔdeɛ maa Ɛdɛnkɛma. Ɔnle kɛ nane nwiɔ ne biala anwo nyia dɛne.

Sɛlɛ 9:4

yɛɛ akee boane nyinli ko nee ɛnlankɛ nyinli kpole ko bɛyɛ anzonudwolɛ azubɔdeɛ, na bɛva ma azubɔdeɛ mɔɔ bɛva nwole bɛfɔtɔ la bɛboka nwo bɛbɔ azu bɛmaa Ɛdɛnkɛma. Ɔluakɛ ɛnɛ Ɛdɛnkɛma baye ɔ nwo ahile bɛ.’ ”

Wulo 8:3

Mɔɔ nwonane ne bɛtɛɛyɛlɛ ti mɛla ne angola anyɛ la, Nyamenle ɛyɛ. Yemɔ a le kɛ, ɔzoanle ɔdaye ɔ Ra ne ɔmanle ɔvale sonla nwonane ɛtane ɛhye bie ɔrale na ɔradeanle ɛtane ne mɔɔ de sonla nu la.

2 Kɔl 5:21

Kelaese anyɛ ɛtane, noko ɔlua yɛmɛ yɛ ti Nyamenle vale ye yɛle ɛtane mumua ne, amaa ɔlua ɔ nwo zo yɛanyia Nyamenle kpalɛyɛlɛ ne.

Pɔɔlo Kɛlata mɔɔ ɔhɛlɛle ɔhɔmanle Taetɛse la 2:14

Gyisɛse Kelaese vale ɔ nwo manle wɔ yɛ ti kɛ ɔbaye yɛ yeavi amumuyɛ muala anu, na yeayɛ yɛ ye menli mɔɔ anwo te na yɛle ɔ ngomekye ye ɛdeɛ la, amaa yɛ nye abolo kɛ yɛkɛyɛ kpalɛ.

1 Pit 2:24

Kelaese ɔdaye mumua ne ɔliele yɛ ɛtane ne mɔ wɔ ye sonlabaka ne anu ɔhɔle meanubaka ne azo, amaa yɛawu yɛamaa ɛtane na yɛadɛnla yɛamaa pɛlepɛlelilɛ. Bɛlua ye ɛbodalɛ nganlɛ ne mɔ azo a bɛyɛ bɛ ayile a.

1 Pit 3:18

Ɔluakɛ Kelaese mumua ne wule kokye wɔ awie biala ɛtane ti. Ɔle sonlakpalɛ, noko ɔwule ɔmanle ɛtanevolɛma, amaa yealie yɛ yeahɔmaa Nyamenle. Bɛhunle ye wɔ nwonane nu, noko bɛdwazole ye wɔ sunsum nu,

Yekile 5:9

Na bɛdole edwɛne fofolɛ bie kɛ, “Ɛfɛta kɛ ɛkɛlie nwoma ne, ɛkɛwaye ɛyɛlɛ ne, na ɛkɛbuke nwoma ne anu, ɔluakɛ bɛhunle wɔ na ɛvale wɔ mogya ne mɔɔ bɛhwinle bɛguale la ɛkpɔnenle menli. Ɛkpɔnenle bɛ ɛvile abusua ekpunli, aneɛ nee maanle ngakyile kɔsɔɔti anu ɛmanle Nyamenle.