Sɛlɛ 9:22 - BAEBOLO ANZƐƐ BULUKU NWUANZANWUANZA

²² Akee Aalɔn manle ɔ sa zo wɔ menli ne anwo zo na ɔyilale bɛ, na ɔvi ɛleka mɔɔ ɔvale ɛtane azubɔdeɛ ne, ɛyelalɛ azubɔdeɛ ne nee anzonudwolɛ azubɔdeɛ ne mɔ ɔbɔle azu la ɔdwule aze.

Sɛlɛ 9:22 ပူးပေါင်းရင်းမြစ်များ

1 Arl 8:55

Akee ɔmanle ɔ ne zo ɔzɛlɛle Ɛdɛnkɛma nyilalɛ ɔmanle ɛlɔne ne amuala. Ɔse,

1 Edk 23:13

Amelam a wole Aalɔn nee Mosisi a. (Bɛdule Aalɔn nee ɔ bo zo amra bɛziele ahane kɛ bɛmɛ ala a bɛnlea ninyɛne mɔɔ anwo te na bɛfa bɛsonle Nyamenle la azo dahuu a, eza ɔwɔ kɛ bɛmɛ a bɛkpu ɛyɛlɛ wɔ mekɛ biala mɔɔ bɛlɛsonle Ɛdɛnkɛma la, na bɛsɛlɛ Ɛdɛnkɛma nyilalɛ bɛmaa menli ne dahuu a.

2 Edk 6:3

Akee belemgbunli ne hakyile ɔ nye menli ne anwo na ɔzɛlɛle Nyamenle nyilalɛ ɔmanle bɛ. Mekɛ ɛhye amuala, ɛnee Yizilayɛma amuala gyi nzisi.

Edwɛndolɛ Buluku ne 72:17

Ye duma ɛdɛnla ɛkɛ ne dahuu, na ye anyunlunyia ɛda kɛ sɛnzɛne. Menli kɔsɔɔti ɛva ye ɛyila bɛ nwo, na maanle maanle ɛzuzu ye boɛ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 39:43

Mosisi nleɛnleanle bɛ kɔsɔɔti na ɔnwunle kɛ bɛyɛ bɛ, kɛmɔ Ɛdɛnkɛma ɛha ɛhile ye la. Yemɔti Mosisi yilale bɛ.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 6:22

Ɛdɛnkɛma zele Mosisi kɛ,

Edwɛkpa ne kɛmɔ Maake hɛlɛle la 10:16

Na ɔmanle ngakula ne mɔ zo ngoko ngoko ɔziele ɔ gyakɛ azo, ɔvale ɔ sa ɔguale bɛ nwo zo na ɔyilale bɛ.

Edwɛkpa ne kɛmɔ Luku hɛlɛle la 24:50

Akee Gyisɛse nee bɛ vi suakpole ne azo hɔle mɔɔ asɛɛ bɛdwu Bɛtani la, na ɔmanle ɔ sa zo ɔyilale bɛ.

Ɛzoanvolɛma Gyima ne 3:26

Yemɔti Nyamenle yele ye Sonvolɛ ne na ɔzoanle ye ɔmanle ɔlumuale ɔrale bɛ ɛkɛ kɛ ɔmaa awie biala ɛhwe ɔ nwo ɛvi ɛtane nwo na ɔyila bɛ.”

Mɛla 10:8

Mekɛ ne anu yɛɛ Ɛdɛnkɛma yele Livae abusua ekpunli ne kɛ bɛzoa Ɛdɛnkɛma Ngyekyeleɛ Ɛlɛka ne, na bɛgyinla ɔ nyunlu bɛzonle ye, na bɛva ye duma bɛyila menli ne a. Bɛyɛ debie zɛhae toonwo a yeradwu ɛnɛ a.

Mɛla 21:5

Ɔwɔ kɛ sɛlɛvolɛma ne, mɔɔ le Livae abo zo amra ne kɔ bie, ɔluakɛ bɛmɛ yɛɛ Ɛdɛnkɛma ɛye bɛ kɛ bɛzonle ye na bɛva ye duma bɛyila menli ne a. Edwɛkɛ biala mɔɔ bɛkɛha wɔ edwɛkɛ mɔɔ ɛbɔ kpolera la anwo anzɛɛ ndɛne biala mɔɔ bɛkɛbua wɔ konle biala anwo la ɛnee ɔdaye ne ala ɛne.

1 Pit 3:9

Bɛmmafa ɛtane bɛtua ɛtane kakɛ anzɛɛ bɛmmafa butule bɛyia butule. Bɛva nyilalɛ nee kosoɛ ɛyɛlɛ bɛdua ɛtane kakɛ, ɔluakɛ ɛhye ati yɛɛ Nyamenle vɛlɛle bɛ a, amaa bɛanyia nyilalɛ.