Sɛlɛ 9:2 - BAEBOLO ANZƐƐ BULUKU NWUANZANWUANZA

² na ɔzele Aalɔn kɛ, “Fa ɛnlankɛ nyinli edonraa ko yɛ ɛtane azubɔdeɛ na fa boane nyinli ko yɛ ɛyelalɛ azubɔdeɛ maa Ɛdɛnkɛma. Ɔnle kɛ nane nwiɔ ne biala anwo nyia dɛne.

Sɛlɛ 9:2 ပူးပေါင်းရင်းမြစ်များ

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 29:1

“Akee mɔɔ ɛbayɛ wɔamaa Aalɔn nee ɔ mra mrenya ne mɔ na wɔadu bɛ wɔazie ahane wɔamaa me, wɔamaa bɛayɛ me sɛlɛvolɛma la ɛne: fa ɛnlankɛ nyinli edonraa ko nee mboane nyinli nwiɔ mɔɔ bɛ nwo ɛnlɛ dɛne la,

Yizikeɛle Buluku ne 29:1

Bɛ nee yɛ hɔle nlɔnu la, ye ɛvolɛ bulu, siane bulu ne, kenle bulu nee nwiɔ ne azo, Ɛdɛnkɛma dendɛle hilele me.

Sɛlɛ 1:10

“Saa sonla ne ahyɛlɛdeɛ ne le ɛyelalɛ azubɔdeɛ mɔɔ vi ɔdaye ye mboane anzɛɛ mbɔnkye nu a, ɔwɔ kɛ ɔfa nyinli mɔɔ anwo ɛnlɛ dɛne la.

Sɛlɛ 1:3

Saa ɔfa ɛnlankɛ yeabɔ ɛyelalɛ azu a, ɔwɔ kɛ ɔfa nyinli mɔɔ anwo ɛnlɛ dɛne la. Ɔwɔ kɛ ɔfa ɔbagyinla Ɛdɛnkɛma Ndanlɛ Sua ne anuhɔlɛ ne, amaa Ɛdɛnkɛma alie ɔdaye mumua ne ado nu.

Sɛlɛ 16:3

Kɛ ɔwɔ kɛ Aalɔn si ba Nwuanzanwuanza Ɛleka ne la ɛne: Mekɛ biala mɔɔ ɔba la, ɔva ɛnlankɛ nyinli ko ɔyɛ ɛtane azubɔdeɛ yɛɛ boane nyinli ko ɔyɛ ɛyelalɛ azubɔdeɛ ɔrabɔ azu.

Sɛlɛ 16:5

“Akee Yizilayɛ maanlema ne bava mbɔnkye nyinli nwiɔ bɛamaa yeava yeayɛ ɛtane azubɔdeɛ yɛɛ boane nyinli ko bɛamaa yeava yeayɛ ɛyelalɛ azubɔdeɛ.

Sɛlɛ 4:3

na saa ahenle le sɛlɛvolɛ mɔɔ bɛkpokpa ye nwole la yɛɛ ɛyɛ ɛtane ɛva evinli ɛha menli ne a, bɛmaa ɔva ɛnlankɛ nyinli edonraa mɔɔ anwo ɛnlɛ dɛne la ɔyɛ azubɔdeɛ ɔmaa Ɛdɛnkɛma wɔ ye ɛtane ne mɔɔ yeyɛ la anwo.

Sɛlɛ 8:14

Akee ɔvale ɛnlankɛ nyinli ɛtane azubɔdeɛ ne ɔrale, na Aalɔn nee ɔ mra ne mɔ vale bɛ sa guale ɛnlankɛ ne ati zo.

Sɛlɛ 8:18

Akee Mosisi vale boane nyinli ɛyelalɛ azubɔdeɛ ne rale, na Aalɔn nee ɔ mra ne mɔ vale bɛ sa guale ɔ ti zo.

Sɛlɛ 9:3

Na ka kile Yizilayɛma kɛ, ‘Bɛva abɔnkye nyinli bɛyɛ ɛtane azubɔdeɛ; bɛva boane edonraa nee ɛnlankɛ edonraa mɔɔ bɛ nwo ɛnlɛ dɛne, na bɛli ɛvolɛ ngoko la bɛyɛ ɛyelalɛ azubɔdeɛ,

2 Kɔl 5:21

Kelaese anyɛ ɛtane, noko ɔlua yɛmɛ yɛ ti Nyamenle vale ye yɛle ɛtane mumua ne, amaa ɔlua ɔ nwo zo yɛanyia Nyamenle kpalɛyɛlɛ ne.

Kɛlata mɔɔ bɛhɛlɛle bɛhɔmanle Hibuluma la 5:3

Eza kɛmɔ ɔtɔ sinli la ati, saa ɔbɔ azu a ɔwɔ kɛ ɔdumua ɔbɔ ye ɛtane nwo azu kolaa na akee yeabɔ bie yeamaa menli kɔsɔɔti wɔ bɛ ɛtane nwo.

Kɛlata mɔɔ bɛhɛlɛle bɛhɔmanle Hibuluma la 7:27

Ɔnle kɛ sɛlɛvolɛ mgbanyinli ɛhendeɛ ne mɔ, mɔɔ ɔwɔ kɛ kɔ azukponle nwo kenle biala, kɛ bɛkabɔ bɛ ɛtane nwo azu na bɛabɔ bie bɛamaa awie mɔ la. Ɔvale ɔ nwo ɔbɔle azu ne kokye ala.