Sɛlɛ 8:8 - BAEBOLO ANZƐƐ BULUKU NWUANZANWUANZA

⁸ Akee ɔvale akɛnrazo aguzo ne ɔwulale ye na ɔvale “Yulem” ne nee “Tɛmem” ne ɔguale nu.

Sɛlɛ 8:8 ပူးပေါင်းရင်းမြစ်များ

Ɛzela Buluku ne 2:63

Amɛnlado ne zele bɛ kɛ bɛmmadi aleɛ nwuanzanwuanza ne mɔɔ bɛva bɛbɔ azu bɛmaa Nyamenle la bie kɔkpula mekɛ mɔɔ sɛlɛvolɛ bie ɛva “Yulem” nee “Tɛmem” ɛbiza Nyamenle la.

Nihɛmaya Buluku ne 7:65

Dwuu amɛnlado ne zele bɛ kɛ ɔnle kpalɛ kɛ bɛdi Nyamenle aleɛ nwuanzanwuanza ne bie kɔkpula kɛ sɛlɛvolɛ bie mɔɔ kola fa “Yulem nee Tɛmem” ne yɛ gyima la kɛra la.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 29:1

“Akee mɔɔ ɛbayɛ wɔamaa Aalɔn nee ɔ mra mrenya ne mɔ na wɔadu bɛ wɔazie ahane wɔamaa me, wɔamaa bɛayɛ me sɛlɛvolɛma la ɛne: fa ɛnlankɛ nyinli edonraa ko nee mboane nyinli nwiɔ mɔɔ bɛ nwo ɛnlɛ dɛne la,

Sɔlɔmɔn Edwɛne 8:6

Fa me yɛ ɛyɛlɛ sɔ wɔ ahonle ne anloa yɛ me nzonlɛyɛdeɛ wɔ ɛ sa anwo. Ɔluakɛ ɛhulolɛ yɛ se kɛ ewule, yɛɛ nungule ati yɛ se kɛ funli kuma. Ɔpɛ fɛlɛ a ɔle senle, na ɔsɔ kɛ sendɔlɔra.

Ayezaya Buluku ne 59:17

Ɔvale tenleneyɛlɛ ɔyɛle akɛnrazo enyinlike, na ɔvale ngoanelielɛ ɔyɛle kyɛlɛ ɔzoale, ɔvale nzenralɛlilɛ ɔyɛle ɛdanlɛ ɔhedale, na ɔvale ɛya kpole ɔyɛle aguzo ɔkyekyele ɔ nwo.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 27:21

Na ɔbahɔ Sɛlɛvolɛ Ɛlieza anyunlu na Ɛlieza ava Yulem nee Tɛmem abiza ɔ ti amaa ye, amaa saa ɔse bɛ kɛ bɛhɔ a, bɛahɔ, ɔse bɛ kɛ bɛrɛla a, bɛara. Ɛlieza bahile Dwɔhyua nee Yizilayɛma kɔsɔɔti adenle.”

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 6:14

Zɔhane ati bɛziezie bɛ nwo bɛzie, bɛva nɔhalɛ bɛyɛ akyeso bɛhye; bɛva pɛlepɛlelilɛ bɛyɛ bulalɛ enyinlike bɛbutu bɛ kɛnra azo

Mɛla 33:8

Mɔɔ ɔhanle wɔ Livae abusua ekpunli ne anwo la ɛne: “Ɛdɛnkɛma, dua Livaema ye anwo zo maa bɛva Yulem nee Tɛmem bɛye wɔ ɛhulolɛdeɛ bɛhile. Ɛzɔle bɛ ɛnleanle wɔ Masa na ɛnwunle bɛ nɔhalɛlilɛ wɔ Mɛleba nzule nloa.

1 Tɛs 5:8

Na yɛmɛ, yɛle alehyenlɛ nu amra, yemɔti bɛmaa yɛzie yɛ nye gyɛlɛmgbɛɛnye na yɛva diedi nee ɛhulolɛ yɛyɛ bulalɛ enyinlike yɛbutu yɛ kɛnra azo, na yɛva yɛ ngoane ɛnyianlɛ nwo anyelazo yɛhakyi bulalɛ kyɛlɛ yɛzoa.

1 Sam 2:28

Menyele ye abusua ɛdeɛ ne menvile Yizilayɛ mbusua ekpunli ne mɔ amuala anu kɛ bɛmɛ yɛɛ bɛyɛ me sɛlɛvolɛma, bɛzonle wɔ azukponle ne anwo, bɛyela ɛyɛlɛ bɛbɔ azu na bɛwula Yifɔdo bɛrɛla me nyunlu a. Eza memanle bɛ adenle kɛ bɛva azukponle ne azo azubɔdeɛ ne mɔ mɔɔ Yizilayɛma kɛva kɛra la bie.

1 Sam 28:6

na ɔbizale Ɛdɛnkɛma nwolɛ bie. Na Ɛdɛnkɛma ambua ye fee; yeanga ye ɛlalɛ bɔbɔ yɛɛ yeangile sɛkɛlɛneɛ biala na yeayɛ Nyamenle kpɔmanvolɛma nrɛlaleɛ.