Sɛlɛ 8:31 - BAEBOLO ANZƐƐ BULUKU NWUANZANWUANZA

³¹ Na Mosisi zele Aalɔn nee ɔ mra ne mɔ kɛ, “Bɛdo nane ne wɔ Ɛdɛnkɛma Ndanlɛ Sua ye anuhɔlɛ lɔ, na bɛli bɛboka kpanwo ne mɔɔ wɔ kɛndɛne ne mɔɔ sɛlɛvolɛwulalɛ azubɔlɛ ninyɛne ne mɔ wɔ nu la, kɛmɔ menzele bɛ la kɛ, ‘Aalɔn nee ɔ mra ne mɔ a bali a.’

Sɛlɛ 8:31 ပူးပေါင်းရင်းမြစ်များ

Sɛlɛ 10:17

“Duzu ati a bɛanli ɛtane azubɔdeɛ ne wɔ ɛleka nwuanzanwuanza ne ɛ? Ɔboalekɛ ɔle debie nwuanzanwuanza kpalɛ kpalɛ mɔɔ bɛvale bɛmanle bɛ, amaa bɛazoa menli ne ɛtane ne mɔ na bɛahɔyɛ nwolɛ mgbɔdalɛ nzɛlɛlɛ wɔ Ɛdɛnkɛma anyunlu.

Sɛlɛ 6:28

Siase ne mɔɔ bɛkɛdo ye nu la, ɔwɔ kɛ bɛbɔ ye. Na saa bɛto ye wɔ kɔbele siase nu a, ɔwɔ kɛ bɛtwi nu na bɛfa nzule bɛnrinzi nu.

Sɛlɛ 7:15

Ɔwɔ kɛ bɛdi anzonudwolɛ azubɔdeɛ ne mɔɔ bɛva bɛbɔ azu bɛyɛ mo la amuala kenle ko ne. Ɔnle kɛ bɛgyakyi bie bɛsie ɛkɛ ne bɛmaa aleɛ kye zolɛ.

Dw 6:33

Ɔluakɛ aleɛ ne mɔɔ Nyamenle fa maa bɛ la a le sonla ne mɔɔ vi anwuma ɛdwu aze na ɔmaa ewiade amra ngoane mɔɔ ɛnlɛ awieleɛ la.”

Dw 6:35

Gyisɛse buale bɛ kɛ, “Mame a mele ngoane kpanwo ne a. Mɔɔ kɛra me nwo la, ɛhɔne ɛnrɛhu ye ɛlɛ, yɛɛ mɔɔ kɛlie me kɛli la, nzuhɔne ɛnrɛhu ye ɛlɛ.

Dw 6:51

Mame a mele ngoane kpanwo ne mɔɔ vi anwuma rale la. Mɔɔ kɛli kpanwo ɛhye bie la badɛnla ngoane nu dahuu. Kpanwo ne mɔɔ mefa meamaa ye la a le me nwonane ye mɔɔ meva memaa la, amaa ewiade anyia ngoane.”

Pɔɔlo Kɛlata mɔɔ ɔhɛlɛle ɔhɔmanle Galeehyeama la 2:20

Me nee Kelaese a bɛhunle yɛ wɔ meanubaka ne azo a, yemɔti saa mede ngoane nu a ɛnee tɛ medame ɔ, na Kelaese mɔɔ de me nu la ɔ. Ngoane ɛhye mɔɔ mede nu la, mede ye kɛ medie Nyamenle Ara ne mɔɔ hulole me na ɔdole ye ngoane aze ɔmanle me la medi la ati ɔ.