Sɛlɛ 8:30 - BAEBOLO ANZƐƐ BULUKU NWUANZANWUANZA

³⁰ Akee Mosisi vale nwole ne na ɔvale mogya ne mɔɔ wɔ azukponle ne azo la bie ɔkpotole nuhua na ɔvale ɔkpondenle Aalɔn anwo nee ye adɛladeɛ ne mɔ anu. Ɔvale bie ɔkpondenle ɔ mra ne mɔ anwo na ɔvale bie ɔkpondenle bɛ adɛladeɛ ne mɔ anu. Yemɔti ɔbɔle Aalɔn nee ye adɛladeɛ yɛɛ ɔ mra mrenya ne mɔ nee bɛ adɛladeɛ ne mɔ nu ɔdule bɛ ɔmanle Nyamenle.

Sɛlɛ 8:30 ပူးပေါင်းရင်းမြစ်များ

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 28:2

Bu sɛlɛvolɛma adɛladeɛ nwuanzanwuanza maa ɛ diema Aalɔn maa ɔnyia gyinlabelɛ nee anyunlunyia.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 29:21

Akee ɛbava mogya ne mɔɔ wɔ azukponle ne azo la nee ɛkpokpalɛ nwole ne bie wɔakponde Aalɔn nee ɔ mra mrenya ne mɔ anwo nee bɛ adɛladeɛ ne mɔ anu. Ɔdaye, ɔ mra mrenya ne mɔ, nee bɛ adɛladeɛ ne mɔ kɔsɔɔti anwo kɛde.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 30:30

Kpokpa Aalɔn nee ɔ mra mrenya ne mɔ nwole na tu bɛ sie ɛkɛ maa me maa bɛzonle me kɛ bɛle me sɛlɛvolɛma.

Ayezaya Buluku ne 61:1

Awulae Nyamenle ne Sunsum ne wɔ me nwo zo, Ɔboalekɛ Ɛdɛnkɛma ɛkpa nu ɛye me Kɛ menva amaneɛ fɛlɛko membambɔ menli mɔɔ ɛlɛnwu amaneɛ la; Yezoa me kɛ membankyekye menli mɔɔ arɛle ɛbɔ la arɛle, Membɔ nolo kɛ bɛgyakyi bɛdabɛ mɔɔ bɛhye bɛ nuokɛ la, Na menye menli mɔɔ gua efiade la.

Ayezaya Buluku ne 61:3

Yezoa me kɛ membankyekye Zayɔnoma arɛle Kɛ bɛgyakyi nyanelilɛ na bɛli fɛlɛko. Bɛgyakyi bɛ ti zo nzonle ɛbɔlɛ, Na bɛbɔ ndotolo kɔtɔlɔba abɔtile. Bɛdo ayɛlɛyelɛ edwɛne na bɛgyakyi nyanelilɛ; Amaa bɛavɛlɛ bɛ tenleneyɛlɛ mbaka ɛsesebɛ, Mɔɔ Ɛdɛnkɛma ɛlua, amaa bɛawula ye anyunlunyia.

Sɛlɛ 10:3

Na Mosisi zele Aalɔn kɛ, “Ɛdɛnkɛma se, ‘Mekile meamaa menli mɔɔ bikye me la anwu kɛ mele nwuanzanwuanza, na meamaa menli ne amuala anwu me anyunlunyia ne.’ ” Na Aalɔn andɛ ɔ nloa anu.

Sɛlɛ 7:35

Ɔle Aalɔn nee ɔ mra ne mɔ ɛdeɛ mɔɔ ɔwɔ kɛ bɛfa bɛmaa bɛ, bɛye bɛfi ɛyelalɛ azubɔdeɛ ne mɔ mɔɔ bɛfa bɛabɔ azu bɛamaa Ɛdɛnkɛma la anu a. Mekɛ mɔɔ bɛdule bɛ bɛmanle Ɛdɛnkɛma kɛ bɛle ye sɛlɛvolɛma la yɛɛ bɛdule ɛhye bɛziele ɛkɛ bɛmanle bɛ a.

Sɛlɛ 7:36

Ɛdɛnkɛma yɛle ye mɛla wɔ kenle mɔɔ bɛkpokpale bɛ nwole la kɛ ɔwɔ kɛ Yizilayɛma fa maa bɛ dahuu wɔ awolɛndoazo muala anu.”

Sɛlɛ 8:12

Ɔwolale bie ɔguale Aalɔn ati zo, na ɔdule ye ɔmanle Nyamenle.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 3:3

Bɛkpokpale bɛ nwole na bɛwulale bɛ sɛlɛvolɛ.

Kɛlata mɔɔ bɛhɛlɛle bɛhɔmanle Hibuluma la 2:11

Ɔte menli nwo ɔfi bɛ ɛtane nwo na ɔ nee bɛdabɛ mɔɔ yede bɛ nwo la nyia Selɛ ko. Ɛhye ati Gyisɛse ɛnze nyiane kɛ ɔkɛvɛlɛ bɛ ɔ mediema.

1 Pit 1:2

Nyamenle Selɛ ne luale ye bodane ne azo kpale nu yele bɛ na ɔluale ye Sunsum ne azo ɔyɛle bɛ menli mɔɔ anwo te la, kɛ bɛyɛ tieyɛ bɛmaa Gyisɛse Kelaese na ye mogya ne ade bɛ nwo. Nyamenle ɛlo bɛ na ɔmaa bɛ anzonudwolɛ molozo.

1 Dw 2:27

Bɛmɛ, Sunsum ne mɔɔ Kelaese ɛwola ɛgua bɛ nwo zo la tɛbɔ bɛ nwo, yemɔti bɛngyia kilehilevolɛ bieko, ɔluakɛ ye Sunsum ne bahilehile bɛ debie biala, yɛɛ ɔnle adalɛ, ɔka nɔhalɛ. Ngilehilelɛ mɔɔ yeva yemaa bɛ la bɛli zo na bɛ nee Kelaese ɛyɛ ko ɛdɛnla.

Yekile 7:14

Membuale ye kɛ, “Yɛmenle, ɛdawɔ yɛɛ ɛze a.” Na ɔzele me kɛ, “Menli ɛhye mɔ a le bɛdabɛ mɔɔ bɛho bɛdɔ zolɛ wɔ amaneɛnwunlɛ kpole ne anu la. Bɛkpole bɛ adɛladeɛ ne mɔ nwohyee wɔ Boaneralɛ ne mogya ne anu.