Sɛlɛ 8:3 - BAEBOLO ANZƐƐ BULUKU NWUANZANWUANZA

³ Boɔboa menli ne kɔsɔɔti anloa wɔ Ɛdɛnkɛma Ndanlɛ Sua ne anlenkɛ ne anloa.”

Sɛlɛ 8:3 ပူးပေါင်းရင်းမြစ်များ

1 Edk 13:5

Yemɔti Devidi manle Yizilayɛma kɔsɔɔti mɔɔ wɔ maanle ne anu la yiale. Menli vi Yigyibiti ɛweɛne zo lɔ, wɔ nyiakɛ toonwo mɔɔ kɔdwu Heemate wɔ sɔlɔ nehane rale kɛ bɛkɔ Keleate Gyialem bɛahɔva Ngyekyeleɛ Ɛlɛka ne bɛara Gyɛlusalɛm.

1 Edk 15:3

Akee Devidi boɔboale Yizilayɛma amuala anloa wɔ Gyɛlusalɛm kɛ bɛkava Nyamenle Ngyekyeleɛ Ɛlɛka ne bɛarazie ye ɛleka ne mɔɔ yeziezie yemaa ye la.

2 Edk 30:13

Menli dɔɔnwo kpalɛ rale Gyɛlusalɛm kɛ bɛbali Angye Ɛvoyia ne wɔ siane nwiɔ ne anu, ɛlɔne mɔɔ rale la le kpole.

2 Edk 30:25

Dwudama amuala, sɛlɛvolɛma nee Livaema ne mɔ, nee ɛlɔne mɔɔ vi Yizilayɛ rale, nyɛvolɛ mɔɔ de Dwuda, yɛɛ nyɛvolɛ mɔɔ vi Yizilayɛ rale la amuala anye liele.

2 Edk 5:2

Akee Belemgbunli Sɔlɔmɔn dole ɛsalɛ vɛlɛle mbusua ekpunli ekpunli ne mɔ mgbanyinli, Yizilayɛ mgbanyima, mbusua mgbanyinli mɔɔ gyigyi bɛ ze mɔ awuke ti la manle bɛ muala bɛrayiale Gyɛlusalɛm, kɛ bɛkava Ɛdɛnkɛma Ngyekyeleɛ Ɛlɛka ne wɔ Devidi Suakpole zo, Zayɔn bɛ nee ye ara Ɛzonlenlɛ Sua ne anu.

2 Edk 5:6

Belemgbunli Sɔlɔmɔn nee Yizilayɛma amuala yiale Ngyekyeleɛ Ɛlɛka ne anyunlu ɛkɛ na bɛhunle mboane nee nlankɛ dɔɔnwo kpalɛ mɔɔ bɛngola bɛ tia la bɛbɔle azu.

Nihɛmaya Buluku ne 8:1

Mɔɔ ɔkadwu ye siane nsuu ne azo la, ɛnee Yizilayɛma kɔsɔɔti akee abo ɛdila wɔ bɛ azua ne mɔ azo. Yemɔti siane zɔhane kenle ne mɔɔ lumua la, bɛ muala bɛrayiale Gyɛlusalɛm ɛleka kpatawienyi ne mɔɔ wɔ Nzule Anlenkɛ Kpole ne anyunlu la. Bɛzele sɛlɛvolɛ Ɛzela, mɔɔ eza le mɛla kilehilevolɛ la kɛ ɔva Mɛla Buluku ne mɔɔ Ɛdɛnkɛma luale Mosisi anwo zo vale manle Yizilayɛma la ɔrɛla.

Edwɛndolɛ Buluku ne 22:25

Mebaye wɔ ayɛlɛ wɔ menli dɔɔnwo ne ayia kpole ne anu, mebaye me ɛwɔkɛ ne mɔ wɔ menli ne mɔɔ sonle wɔ la anyunlu.

Sɛlɛ 14:11

Akee sɛlɛvolɛ ne bava ahenle mɔɔ bɛnua ye la nee ninyɛne ɛhye mɔ ahɔ Ɛdɛnkɛma anyunlu wɔ Ɛdɛnkɛma Ndanlɛ Sua ne anuhɔlɛ ne.

Sɛlɛ 8:2

“Fa Aalɔn nee ɔ mra ne mɔ, adɛladeɛ ne mɔ nee ɛkpokpalɛ nwole ne mɔɔ bɛfa bɛtu sonla bɛmaa Nyamenle la, ɛnlankɛ nyinli mɔɔ bɛfa bɛayɛ ɛtane azubɔdeɛ, mboane nyinli nwiɔ ne, yɛɛ akee kpanwo mɔɔ mgbɔvonle ɛnle nu la kɛndɛne ko ne.

Sɛlɛ 8:4

Mosisi yɛle mɔɔ Ɛdɛnkɛma zele ye la, na menli ne amuala rayiale Ɛdɛnkɛma Ndanlɛ Sua ne anlenkɛ ne anloa.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 20:8

“Fa kpɔma ne na ɛ nee ɛ diema Aalɔn bɛboɔboa menli ne anloa. Wɔ bɛ nye zo ɛkɛ ne, ka kile bodane ne mɔɔ la bɛ nyunlu ɛkɛ ne la kɛ ɔkpu nzule, na nzule vi nuhua bara na wɔanyia nzule wɔamaa menli ne nee bɛ nyɛmoa anlo.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 21:16

Bɛvi ɛkɛ ne la, bɛhɔle Biiyɛ, yemɔ a le bula ne mɔɔ ɛkɛ ne a Ɛdɛnkɛma zele Mosisi kɛ, “Boɔboa menli ne anloa na menwɔmaa bɛ nzule la.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 8:9

Akee maa Yizilayɛma kɔsɔɔti ɛyia na maa Livaema ne ɛgyinla Ɛdɛnkɛma Ndanlɛ Sua ne anyunlu.

Ɛzoanvolɛma Gyima ne 2:1

Mɔɔ Pɛntekɔso kenle ne dwule la, ɛnee diedima ne amuala ɛboa bɛ nloa ɛleka ko.