Sɛlɛ 8:23 - BAEBOLO ANZƐƐ BULUKU NWUANZANWUANZA

²³ Mosisi hunle boane ne na ɔvale ye mogya ne bie ɔhanle Aalɔn anzo fema ne ati, ɔ sa fema kokotile yɛɛ ɔ gyakɛ fema kokotile ne mɔ azo.

Sɛlɛ 8:23 ပူးပေါင်းရင်းမြစ်များ

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 29:20

Ɛhye anzi ku ye na fa ɛ sa ɛrɛlɛsɛka fa ye mogya ne bie keha Aalɔn nee ɔ mra mrenya ne mɔ anzo fema ne mɔ ati, fa bie keha bɛ sa fema ahohotile ne mɔ azo nee bɛ gyakɛ fema ahohotile ne mɔ azo, na to mogya ne mɔɔ ɛha la gua azukponle ne anwo yia.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 29:21

Akee ɛbava mogya ne mɔɔ wɔ azukponle ne azo la nee ɛkpokpalɛ nwole ne bie wɔakponde Aalɔn nee ɔ mra mrenya ne mɔ anwo nee bɛ adɛladeɛ ne mɔ anu. Ɔdaye, ɔ mra mrenya ne mɔ, nee bɛ adɛladeɛ ne mɔ kɔsɔɔti anwo kɛde.

Sɛlɛ 14:14

Sɛlɛvolɛ ne bava fɔlɛlilɛ azubɔdeɛ ne mogya ne bie aha ahenle mɔɔ bɛnua ye la anzo fema ne ati, ɔ sa fema kokotile ne azo, yɛɛ ɔ gyakɛ fema kokotile ne azo.

Sɛlɛ 14:17

Nwole ne mɔɔ kɛha sɛlɛvolɛ ne asa anu la, ɔbava bie yeaha ahenle mɔɔ ɔlɛnua ye la anzo fema ne ati, ɔ sa fema kokotile ne azo, yɛɛ ɔ gyakɛ fema kokotile ne azo wɔ ɛleka mɔɔ ɔvale fɔlɛlilɛ azubɔdeɛ ne mogya ne ɔpepenle la.

Sɛlɛ 14:25

Akee ɔbahu fɔlɛlilɛ azubɔdeɛ boane ne, na yeava ye mogya ne bie yeaha ahenle mɔɔ bɛnua ye la anzo fema ne ati nee ɔ sa fema kokotile nee ɔ gyakɛ fema kokotile ne mɔ azo

Sɛlɛ 14:28

Sɛlɛvolɛ ne bava nwole ne mɔɔ wɔ ɔ sa bɛne ne anu la bie aha ahenle mɔɔ bɛnua ye la anzo fema ne ati, ɔ sa fema kokotile nee ɔ gyakɛ fema kokotile ne mɔ azo, wɔ ɛleka mɔɔ bɛvale fɔlɛlilɛ azubɔdeɛ mogya ne bɛpepenle la.

Sɛlɛ 7:37

Ɛyelalɛ azubɔdeɛ, ma azubɔdeɛ, ɛtane azubɔdeɛ, fɔlɛlilɛ azubɔdeɛ, ɛnluanlɛ anzɛɛ anwotumaa yɛɛ anzonudwolɛ azubɔdeɛ ne mɔ anwo mɛla

Wulo 12:1

Zɔhane ati me mediema, Nyamenle anwunvɔnezelɛ bebelebe ne mɔɔ ɔse yɛ la ati, mesɛlɛ bɛ, bɛva bɛ sonlabaka ne mɔ bɛbɔ azu mɔɔ anwo te na ɔsɔ ɛnyelɛ la bɛmaa Nyamenle. Ɛhye a le sunsum nu ɛzonlenlɛ kpalɛ mɔɔ ɔwɔ kɛ bɛfa bɛsonle ye a.

Wulo 6:13

Eza ɔnle kɛ bɛtu bɛ sonlabaka ne ɛleka biala bɛmaa ɛtane kɛ bɛva bɛyɛ ninyɛndane biala. Bɛva bɛ nwo bɛmaa Nyamenle kɛ menli mɔɔ bɛye bɛ bɛvi ewule nu bɛra ngoane nu, na bɛdu bɛ nwo ɛleka biala bɛmaa Nyamenle kɛ ɔva ɔyɛ gyima mɔɔ sɔ ɔ nye la.

Wulo 6:19

Bɛmaa menga edwɛkɛ ne sikalɛ mɔɔ bɛ adwenle so nu la. Kɛmɔ mekɛ bie bɛyɛle bɛ nwo ahanra bɛmanle ɛtane nee amumuyɛ na bɛyɛle ninyɛndane la, zɔhane ala yɛɛ kɛkala ɔwɔ kɛ bɛyɛ bɛ nwo ahanra bɔkɔɔ bɛmaa tenleneyɛlɛ a, amaa bɛ nwo ade nwuanzaanwu.

1 Kɔl 1:2

ɛlɛkɛlɛ kɛlata ɛhye a. Yɛlɛ yɛkamaa Nyamenle menli ne mɔɔ wɔ Kɔlente, mɔɔ Kelaese Gyisɛse ati bɛdu bɛ bɛzie ɛkɛ ne, na bɛvɛlɛ bɛ nee bɛdabɛ mɔɔ bɛwɔ ɛleka muala, mɔɔ bɛbɔ yɛ Awulae Gyisɛse Kelaese duma la, kɛ bɛrayɛ Nyamenle menli la.

1 Kɔl 1:30

Nyamenle ɛva bɛ nee Kelaese Gyisɛse ɛbɔ nu, na yemaa Kelaese ɛrayɛ yɛ nrɛlɛbɛ. Ɔ nwo zo yɛɛ yɛlua a yɛsɔ Nyamenle anye, yɛ nwo te na yɛyɛ alehelɛ a.

1 Kɔl 6:20

Ɔdɔle bɛ bolɛ ɛsesebɛ. Yemɔti, bɛva bɛ sonlabaka ne bɛde Nyamenle anyunlu.

Pɔɔlo Kɛlata mɔɔ ɔhɛlɛle ɔhɔmanle Felepaema la 1:20

Mɔɔ hyia me ɛsesebɛ na me nye la la a le kɛ menrɛze me gyima ne anwo nyiane ɛlɛ, na wɔ ewule nu o, ngoane nu o, menwɔnyia akɛnrasesebɛ menwɔva me nwo amuala menwɔli gyima menwɔwula Kelaese anyunlunyia.

Pɔɔlo Kɛlata mɔɔ ɔhɛlɛle ɔhɔmanle Felepaema la 2:17

Saa bɔbɔ ɔba ye kɛ bɛfa me mogya bɛaye ɛdɛne bɛagua bɛ diedi azubɔlɛ zo bɛamaa Nyamenle a, anrɛɛ me nye die nwolɛ kpole na me nee bɛ di fɛlɛko.

1 Tɛs 5:22

na bɛhyi ɛtane ngakyile biala.

Kɛlata mɔɔ bɛhɛlɛle bɛhɔmanle Hibuluma la 2:10

Ɔle kpalɛ kɛ Nyamenle, mɔɔ ɔdaye yɛɛ ɔbɔle ninyɛne kɔsɔɔti na bɛle ye ɛdeɛ la, kɛmaa Gyisɛse kɛnwu amaneɛ kolaa na yeali munli, amaa yeahola yeava mralɛ somaa yeahɔ Nyamenle anyunlunyia ne anu.

Kɛlata mɔɔ bɛhɛlɛle bɛhɔmanle Hibuluma la 5:8

Ɔle Nyamenle Ara bɔbɔ ɛdeɛ, noko ɔluale ye amaneɛnwunlɛ zo ɔzukoale ɔyɛle tieyɛ.