Sɛlɛ 8:14 - BAEBOLO ANZƐƐ BULUKU NWUANZANWUANZA

¹⁴ Akee ɔvale ɛnlankɛ nyinli ɛtane azubɔdeɛ ne ɔrale, na Aalɔn nee ɔ mra ne mɔ vale bɛ sa guale ɛnlankɛ ne ati zo.

Sɛlɛ 8:14 ပူးပေါင်းရင်းမြစ်များ

Edwɛndolɛ Buluku ne 66:15

Mebava nane mɔɔ ɛlɔ la meayɛ ɛyelalɛ azubɔdeɛ meamaa wɔ; mebava mboane nyinli meabɔ ɛyelalɛ azu meamaa wɔ; mebava nlankɛ nyinli nee mbɔnkye meabɔ azu meamaa wɔ, na ye esike adwu anwomanyunlu.

Ayezaya Buluku ne 53:10

Ɛdɛnkɛma se, “Noko ɔle me ɛhulolɛ kɛ bɛkɛbodɛboda ye, na ɔkɛnwu amaneɛ dɔɔnwo; na ɔkɛva ɔ nwo ɔkɛbɔ azu ɔkɛmaa ɛtane. Ɔbanyi yeahyɛ na yeanwu ɔ bo zo amra, na ɔlua ɔ nwo zo Ɛdɛnkɛma ɛhulolɛ ne ali munli.

Yizikeɛle Buluku ne 43:19

bɛva ɛnlankɛ nyinli ko bɛmaa Livaema mɔɔ le Zeedɔko abo zo amra, mɔɔ bɛmɛ a bɛba me nyunlu la, bɛmaa bɛva bɛyɛ ɛtane azubɔdeɛ.

Yizikeɛle Buluku ne 43:20

Bɛbava ye mogya ne bie bɛapepe azukponle ne abati kpokpɔkoo nna ne mɔ azo, ye kɛba ne ayia nna ne azo nee ɔ nloa kɛba ne azo amuala. Bɛyɛ ɛhye bɛmaa azukponle ne anwo ɛde, na bɛyɛ mgbɔdalɛ nzɛlɛlɛ bɛdu azukponle ne bɛmaa me.

Yizikeɛle Buluku ne 44:27

Saa ɔtu evinli ne ɔwie, na kenle mɔɔ ɔlɛkɔ Ɛleka Nwuanzanwuanza ne wɔ Ɛzonlenlɛ Sua ne akunlu lɔ yeahɔzonle la, ɔwɔ kɛ ɔfa ɛtane azubɔdeɛ ɔbɔ azu. Medame, Awulae Nyamenle a mese a.

Sɛlɛ 1:4

Ɔwɔ kɛ ɔfa ɔ sa ɔto ɛyelalɛ azubɔdeɛ ne ati zo, na bɛkɛlie bɛkɛdo nu kɛ ɔle ahenle ne ati mgbɔdalɛ.

Sɛlɛ 16:21

Ɔbava ɔ sa nwiɔ yeagua abɔnkye ne ati zo, na yeaha Yizilayɛma amumuyɛ ne mɔ mɔɔ bɛyɛ, bɛ mɛladonlɛ nee ɛtane mɔɔ bɛyɛ la amuala yeagua abɔnkye ne ati zo, na yeagyakyi ye yeamaa awie mɔɔ bɛboa bɛye ye la ava ye ahɔ fienemgbole ne anu lɔ.

Sɛlɛ 16:6

Aalɔn bava ɛnlankɛ nyinli ne abɔ ɔdaye ye ɛtane nwo azu, na yeayɛ mgbɔdalɛ nzɛlɛlɛ yeamaa ɔ nwo nee ye sua nu amra.

Sɛlɛ 4:15

Mgbanyima mɔɔ wɔ ezuavolɛ ne avinli la bava bɛ sa agua ɛnlankɛ nyinli ne ati zo wɔ Ɛdɛnkɛma anyunlu ɛkɛ, na akee bɛahu ɛnlankɛ ne.

Sɛlɛ 8:2

“Fa Aalɔn nee ɔ mra ne mɔ, adɛladeɛ ne mɔ nee ɛkpokpalɛ nwole ne mɔɔ bɛfa bɛtu sonla bɛmaa Nyamenle la, ɛnlankɛ nyinli mɔɔ bɛfa bɛayɛ ɛtane azubɔdeɛ, mboane nyinli nwiɔ ne, yɛɛ akee kpanwo mɔɔ mgbɔvonle ɛnle nu la kɛndɛne ko ne.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 8:12

Akee Livaema bava bɛ sa agugua nlankɛ nyinli ne mɔ ati zo na wɔava ko wɔayɛ ɛtane azubɔdeɛ na wɔava ko noko wɔayɛ ɛyelalɛ azubɔdeɛ wɔamaa Ɛdɛnkɛma, wɔava wɔayɛ mgbɔdalɛ nzɛlɛlɛ wɔ Livaema ne ati.

Wulo 8:3

Mɔɔ nwonane ne bɛtɛɛyɛlɛ ti mɛla ne angola anyɛ la, Nyamenle ɛyɛ. Yemɔ a le kɛ, ɔzoanle ɔdaye ɔ Ra ne ɔmanle ɔvale sonla nwonane ɛtane ɛhye bie ɔrale na ɔradeanle ɛtane ne mɔɔ de sonla nu la.

2 Kɔl 5:21

Kelaese anyɛ ɛtane, noko ɔlua yɛmɛ yɛ ti Nyamenle vale ye yɛle ɛtane mumua ne, amaa ɔlua ɔ nwo zo yɛanyia Nyamenle kpalɛyɛlɛ ne.

1 Pit 3:18

Ɔluakɛ Kelaese mumua ne wule kokye wɔ awie biala ɛtane ti. Ɔle sonlakpalɛ, noko ɔwule ɔmanle ɛtanevolɛma, amaa yealie yɛ yeahɔmaa Nyamenle. Bɛhunle ye wɔ nwonane nu, noko bɛdwazole ye wɔ sunsum nu,