Sɛlɛ 7:9 - BAEBOLO ANZƐƐ BULUKU NWUANZANWUANZA

⁹ Ma azubɔdeɛ biala mɔɔ bɛdo ye fonlomo nu nee mɔɔ bɛloa ye kyɛnze anzɛɛ fulonvule nu la le sɛlɛvolɛ ne mɔɔ kɛva kɛbɔ azu ne la ɛdeɛ.

Sɛlɛ 7:9 ပူးပေါင်းရင်းမြစ်များ

2 Arl 12:17

Mekɛ ne anu Selea Belemgbunli Hazeeyɛle vale konle doale suakpole Gate azo amra na ɔlile bɛ nwo zo konim. Ɔyɛle ye adwenle kɛ ɔkateta Gyɛlusalɛmma noko.

Yizikeɛle Buluku ne 44:29

Bɛbali ma azubɔdeɛ, ɛtane azubɔdeɛ, nee abozozielɛ azubɔdeɛ ne mɔ; debie biala noko mɔɔ bɛdu bɛmaa Nyamenle wɔ Yizilayɛ maanle ne anu la le bɛ ɛdeɛ.

Sɛlɛ 2:10

Aleɛ ma azubɔdeɛ ne mɔɔ kɛha la le Aalɔn nee ɔ mra ne mɔ ɛdeɛ. Ɔle ma ɛyelalɛ azubɔdeɛ mɔɔ bɛva bɛmaa Ɛdɛnkɛma a, na nwolɛ te kpole kpalɛ.

Sɛlɛ 5:13

Akee sɛlɛvolɛ ne bazɛlɛ ɔ ti mgbɔdalɛ amaa ye wɔ ye ɛtane ne mɔɔ yeyɛ la anwo, na bɛbava bɛahyɛ ye. Esamo ne mɔɔ kɛha la le sɛlɛvolɛ ne ɛdeɛ, kɛmɔ ma azubɔdeɛ de la.”

Sɛlɛ 7:10

Na azubɔdeɛ biala mɔɔ bɛva nwole bɛfɔtɔ anzɛɛ mɔɔ le reserese la le Aalɔn amra ne mɔ ɛdeɛ. Ɔwɔ kɛ bɛkyɛ ye bɛ ti pɛpɛ.

Sɛlɛ 7:8

Sɛlɛvolɛ biala noko mɔɔ kɛbɔ ɛyelalɛ azu ne la a lɛ azubɔdeɛ nwoma ne a.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 18:9

Azubɔdeɛ nwuanzanwuanza kpalɛ kpalɛ ne mɔ mɔɔ bɛanyela bɛ wɔ azukponle ne azo, bɛ azubɔdeɛ biala, bɛ ma azubɔdeɛ ne mɔ, mɔɔ bɛva bɛmaa me la le nwuanzanwuanza maa wɔ nee ɛ mra mrenya ne mɔ.

1 Kɔl 9:13

Nɔhalɛ, bɛze kɛ menli mɔɔ yɛ Ɛzonlenlɛ Sua nu gyima la nyia bɛ aleɛ fi Ɛzonlenlɛ Sua ne anu, yɛɛ bɛdabɛ mɔɔ bɛboa azubɔlɛ nu wɔ azukponle ne anyunlu la nyia ninyɛne ne mɔ mɔɔ bɛfa bɛbɔ azu ne la bie.

1 Kɔl 9:7

Sogyanli boni a wɔ konle nloa na ɔdaye ɔ ngome ɔdi ɔ nloa anu ndɔnie a? Nwane a ɛyɛ vanye egyinli na ɔnli vanye ma ne bie a? Nwane a nea nyɛmoa na ɔnno bɛ nyɛfonzule ne bie a?

Pɔɔlo Kɛlata mɔɔ ɔhɛlɛle ɔhɔmanle Galeehyeama la 6:6

Bɛmaa awie mɔɔ bɛlɛmaa ye Nyamenle Edwɛkɛ nwo ngilehilelɛ la ɛmaa ye kilehilevolɛ ne debie kpalɛ biala mɔɔ ɔkɛnyia ye la bie.