Sɛlɛ 7:37 - BAEBOLO ANZƐƐ BULUKU NWUANZANWUANZA

³⁷ Ɛyelalɛ azubɔdeɛ, ma azubɔdeɛ, ɛtane azubɔdeɛ, fɔlɛlilɛ azubɔdeɛ, ɛnluanlɛ anzɛɛ anwotumaa yɛɛ anzonudwolɛ azubɔdeɛ ne mɔ anwo mɛla

Sɛlɛ 7:37 ပူးပေါင်းရင်းမြစ်များ

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 29:1

“Akee mɔɔ ɛbayɛ wɔamaa Aalɔn nee ɔ mra mrenya ne mɔ na wɔadu bɛ wɔazie ahane wɔamaa me, wɔamaa bɛayɛ me sɛlɛvolɛma la ɛne: fa ɛnlankɛ nyinli edonraa ko nee mboane nyinli nwiɔ mɔɔ bɛ nwo ɛnlɛ dɛne la,

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 29:22

“Eza ɛbayeye boane nyinli ne akunlu ɛnlome ne, dualɛ dɔlera ne, ɛnlome ne mɔɔ wɔ ɔ kunlu ninyɛne ne mɔ anwo, ye ezizira nwiɔ ne nee nwolɛ ɛnlome ne, nee ye ɛbolɛ ne anwo ninyɛne ne amuala, yɛɛ ye ɛzɔlɛ fema ne (ɔluakɛ ɔle sɛlɛvolɛ ɛwulalɛ boane).

Sɛlɛ 1:1

Ɛdɛnkɛma dendɛle ye Ndanlɛ Sua ne anu vɛlɛle Mosisi na ɔzele ye kɛ,

Sɛlɛ 5:7

“Na saa ahenle ne ɛnlɛ bie la ati ɔnrɛhola boane anzɛɛ abɔnkye fa a, ɔwɔ kɛ ɔfa abubule anzɛɛ mɔlɔnoma nwiɔ ɔyɛ fɔlɛlilɛ azubɔdeɛ ɔmaa Ɛdɛnkɛma. Nloma nwiɔ ne ko bayɛ ɛtane azubɔdeɛ na ko ayɛ ɛyelalɛ azubɔdeɛ.

Sɛlɛ 6:20

“Azubɔdeɛ mɔɔ ɔwɔ kɛ Aalɔn nee ɔ mra mrenya ne mɔ fa bɛlɛ Ɛdɛnkɛma wɔ kenle mɔɔ bɛkɛkpokpa ye nwole kɛ ɔle sɛlɛvolɛ la ɛne. Ɔwɔ kɛ ɔfa esamo kilo ko ɔyɛ ma azubɔdeɛ dahuu biala. Ɔbava foa ko nwonlomɔ na yeava foa ko ne nɔsolɛ.

Sɛlɛ 8:22

Akee Mosisi vale boane nyinli ko ne, mɔɔ le sɛlɛvolɛwulalɛ boane ne rale, na Aalɔn nee ɔ mra ne mɔ vale bɛ sa guale boane nyinli ne ati zo.

Sɛlɛ 8:23

Mosisi hunle boane ne na ɔvale ye mogya ne bie ɔhanle Aalɔn anzo fema ne ati, ɔ sa fema kokotile yɛɛ ɔ gyakɛ fema kokotile ne mɔ azo.