Sɛlɛ 7:32 - BAEBOLO ANZƐƐ BULUKU NWUANZANWUANZA

³² Ɔwɔ kɛ bɛfa nane ne ɛzɔlɛ fema ne mɔɔ bɛkɛdu la bɛmaa sɛlɛvolɛ ne kɛ azubɔdeɛ mɔɔ vi anzonudwolɛ azubɔdeɛ ne anu la.

Sɛlɛ 7:32 ပူးပေါင်းရင်းမြစ်များ

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 29:27

“Saa bɛwula awie sɛlɛvolɛ a, ɔwɔ kɛ bɛye boane nyinli ne mɔɔ bɛlɛfa bɛali sɛlɛvolɛ ɛwulalɛ gyima ne la akɛnrazo ne mɔɔ bɛva bɛbɔ ehono azu ne nee ye ɛzɔlɛ ne mɔɔ le sɛlɛvolɛ ne ɛdeɛ na bɛva bɛbɔ ehono azu la bɛsie ahane bɛmaa me kɛ ɔle ahyɛlɛdeɛ mɔɔ anwo hyia me a. Ɔle Aalɔn nee ɔ mra mrenya ne mɔ ɛdeɛ.

Sɛlɛ 10:14

Na nane ne akɛnra azo ne mɔɔ bɛdo ye ehono la nee ye ɛzɔlɛ ne mɔɔ bɛva bɛbɔ azu ne la, bɛli wɔ ɛleka mɔɔ te la Ɛdawɔ, ɛ mra ne mɔ, yɛɛ ɛ mra mraalɛ ne mɔ a ɔwɔ kɛ di a Ɔluakɛ bɛva bɛmaa kɛ ɛdawɔ nee ɛ mra mrenya ne mɔ afoa nu ɛdeɛ mɔɔ vi Yizilayɛma anzonudwolɛ azubɔdeɛ azubɔlɛ ne anu la

Sɛlɛ 7:33

Ɛzɔlɛ ɛhye le sɛlɛvolɛ ne nee Aalɔn amra ne mɔ mɔɔ to anzonudwolɛ azubɔdeɛ mogya ne gua azukponle ne anwo la ɛdeɛ.

Sɛlɛ 7:34

Ɔluakɛ nane ne akɛnra azo ne nee ɛzɔlɛ ne mɔɔ bɛkɛdu la, melie mevi Yizilayɛma ɛkɛ, mevi bɛ anzonudwolɛ azubɔdeɛ ne mɔ anu, na meva memaa Sɛlɛvolɛ Aalɔn nee ɔ mra ne mɔ na meyɛ ye kɛ dahuu biala ɔle bɛ ɛdeɛ.

Sɛlɛ 9:21

Na nane ne mɔ akɛnra azo ne mɔ nee bɛ ɛzɔlɛ fema ne mɔ mɔɔ bɛdudule la, Aalɔn dole bɛ ehono na ɔvale ɔbɔle ehono azu ɔmanle Ɛdɛnkɛma, kɛmɔ Mosisi zele la.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 5:9

Eza Yizilayɛma azubɔdeɛ biala nee ninyɛne nwuanzanwuanza mɔɔ bɛkɛva bɛkɛrɛlɛ sɛlɛvolɛ ne la le ye ɛdeɛ.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 6:20

Akee sɛlɛvolɛ ne to bɛ ehono maa Ɛdɛnkɛma kɛ ehono azubɔdeɛ. Bɛle azubɔdeɛ nwuanzanwuanza mɔɔ le sɛlɛvolɛ ne ɛdeɛ na bɛfa bɛboka boane nyinli ne akɛnrazo ne nee ye ndwɛlɛ ne mɔɔ le maamɛla kɛ sɛlɛvolɛ ne ɛdeɛ ɔ la anwo. Ɛhye wie a, sonla ne mɔɔ dule ɔ nwo ziele ɛkɛ manle Ɛdɛnkɛma la kola no nza.

Mɛla 18:3

“Zɔhane ati awie biala mɔɔ kɛrabɔ azu la, saa ɛnlankɛ o, boane o, bɛku ye a ɔ kɔme zo ne, ye awudwɛlɛ ne, yɛɛ ɔ kunlu ninyɛne ne le sɛlɛvolɛma ne ɛdeɛ.

1 Sam 9:24

Yemɔti mɔɔ donle aleɛ ne la vale ndwɛlɛ ne mɔ nee ɔ kɔme zo nanenvoka ne mɔ bie raziele Sɔɔlo anyunlu, na Samoɛle zele kɛ, “Nea, mɔɔ bɛvale bɛziele wɔ la ɛne. Di, menvale menziele wɔ, amaa mekɛ ne dwu a ɛ nee menli mɔɔ bɛdole ɛsalɛ bɛvɛlɛle bɛ la ali.” Yemɔti Sɔɔlo nee Samoɛle dole ɛsalɛ kenle ko ne.