Sɛlɛ 7:31 - BAEBOLO ANZƐƐ BULUKU NWUANZANWUANZA

³¹ Sɛlɛvolɛ ne bayela ɛnlome ne wɔ azukponle ne azo, na ɔ kɛnra azo ne le Aalɔn nee ɔ mra ne mɔ ɛdeɛ.

Sɛlɛ 7:31 ပူးပေါင်းရင်းမြစ်များ

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 29:26

“Ɛbaye boane nyinli ne mɔɔ bɛvale bɛdule Aalɔn bɛmanle me la akɛnrazo ne na wɔado ye ehono kɛ ɔle ehono azubɔdeɛ. Nane kpɔkɛ ɛhye bayɛ wɔ ɛdeɛ.

Sɛlɛ 3:11

Sɛlɛvolɛ ne ɛyela bɛ wɔ azukponle ne azo kɛ aleɛ ɛyelalɛ azubɔdeɛ ɔmaa Ɛdɛnkɛma.

Sɛlɛ 3:16

Sɛlɛvolɛ ne ɛyela bɛ wɔ azukponle ne azo kɛ aleɛ ɛyelalɛ azubɔdeɛ mɔɔ bɔ evuanlɛ la. Nane ne ɛnlome ne amuala le Ɛdɛnkɛma ɛdeɛ.

Sɛlɛ 3:5

Aalɔn amra mrenya ne mɔ bayela bɛ wɔ ɛyɛne ne mɔɔ wɔ azukponle ne azo la azo. Ɔle azubɔdeɛ mɔɔ bɛfa senle a bɛbɔ a, na ye evuanlɛ sɔ Ɛdɛnkɛma anye.

Sɛlɛ 5:13

Akee sɛlɛvolɛ ne bazɛlɛ ɔ ti mgbɔdalɛ amaa ye wɔ ye ɛtane ne mɔɔ yeyɛ la anwo, na bɛbava bɛahyɛ ye. Esamo ne mɔɔ kɛha la le sɛlɛvolɛ ne ɛdeɛ, kɛmɔ ma azubɔdeɛ de la.”

Sɛlɛ 6:16

Aalɔn nee ɔ mra mrenya ne mɔ bali mɔɔ kɛha la. Ɔnle kɛ bɛfa mgbɔvonle bɛwula nu na bɛali, yɛɛ ɔwɔ kɛ bɛdi ye ɛleka mɔɔ te la. Ɛdɛnkɛma Ndanlɛ Sua ne alie ne anwo a ɔwɔ kɛ bɛdi zɔhane aleɛ ne a.

Sɛlɛ 6:26

Sɛlɛvolɛ ne mɔɔ kɛbɔ ɛtane azu ne la ɔwɔ kɛ di ye wɔ ɛleka mɔɔ te la, wɔ Ɛdɛnkɛma Ndanlɛ Sua ne alie ne anwo.

Sɛlɛ 7:34

Ɔluakɛ nane ne akɛnra azo ne nee ɛzɔlɛ ne mɔɔ bɛkɛdu la, melie mevi Yizilayɛma ɛkɛ, mevi bɛ anzonudwolɛ azubɔdeɛ ne mɔ anu, na meva memaa Sɛlɛvolɛ Aalɔn nee ɔ mra ne mɔ na meyɛ ye kɛ dahuu biala ɔle bɛ ɛdeɛ.

Sɛlɛ 8:29

Na Mosisi vale azubɔdeɛ ne akɛnra azo ne dole ye ehono kɛ ɔle ehono azubɔdeɛ ɔmaa Ɛdɛnkɛma; Mosisi afoa nu ɛdeɛ mɔɔ wɔ azubɔlɛ boane ne anu la a le ɛhye, kɛmɔ Ɛdɛnkɛma zele la.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 18:11

“Eza ahyɛlɛdeɛ ngakyile biala mɔɔ Yizilayɛma kɛva kɛmaa me, nee ehono azubɔdeɛ biala le bɛ ɛdeɛ. Meva memaa wɔ, ɛ mra mrenya nee ɛ mra mraalɛ wɔ mekɛ kɔsɔɔti mɔɔ bara la. Wɔ busuanli biala mɔɔ evinli ɛnle ɔ nwo la kola di bie.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 18:18

Bɛ nane ne le bɛ ɛdeɛ, kɛmɔ bɛ kɛnrazo ne mɔɔ bɛkɛdo ye ehono nee bɛ ɛzɔlɛ fema ne le bɛ ɛdeɛ la.

1 Kɔl 9:13

Nɔhalɛ, bɛze kɛ menli mɔɔ yɛ Ɛzonlenlɛ Sua nu gyima la nyia bɛ aleɛ fi Ɛzonlenlɛ Sua ne anu, yɛɛ bɛdabɛ mɔɔ bɛboa azubɔlɛ nu wɔ azukponle ne anyunlu la nyia ninyɛne ne mɔ mɔɔ bɛfa bɛbɔ azu ne la bie.

Mɛla 18:3

“Zɔhane ati awie biala mɔɔ kɛrabɔ azu la, saa ɛnlankɛ o, boane o, bɛku ye a ɔ kɔme zo ne, ye awudwɛlɛ ne, yɛɛ ɔ kunlu ninyɛne ne le sɛlɛvolɛma ne ɛdeɛ.