Sɛlɛ 7:24 - BAEBOLO ANZƐƐ BULUKU NWUANZANWUANZA

²⁴ Bɛkola bɛfa nane mɔɔ ɔdaye ɔ ngome ɔkɛwu anzɛɛ nane kpole bie kɛhu ye la ɛnlome bɛyɛ sua nu ninyɛne bie mɔ; noko ɔnle kɛ bɛdi ye fee.

Sɛlɛ 7:24 ပူးပေါင်းရင်းမြစ်များ

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 22:30

Zɔhane ala yɛɛ bɛyɛ bɛ nlankɛ nee bɛ mboane amra mɔɔ bɛkɛlumua bɛkɛwo bɛ la a. Bɛmaa bɛ nyɛmoa ne mɔ amra mɔɔ lumua la biala ɛli kenle nsuu wɔ ɔ nli anwo ɛkɛ, ye kenle mɔtwɛ ne azo, bɛva ye bɛmaa me.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 22:31

“Bɛbayɛ menli mɔɔ bɛdu bɛ bɛmaa me, yemɔti bɛmmadi nane mɔɔ ɛbɔ nu nane ɛhu ye la; bɛva bɛmaa ahwea ɛli.

Yizikeɛle Buluku ne 4:14

Na membuale kɛ, “Kyɛkyɛ, Awulae Nyamenle! Nɔhalɛ, ɔvi me ngakula nu toonwo mɔɔ yeradwu ɛnɛ la metɛdile debie mɔɔ ɔdaye ɔ ngome yewu anzɛɛ nane kpole bie ɛtete ye nu la, yɛɛ debie nvoanle biala ɛtɛkpulale me nloa na evinli aha me.”

Yizikeɛle Buluku ne 44:31

Ɔnle kɛ sɛlɛvolɛma ne di debie biala, nane o, anloma o, mɔɔ ɔdaye ɔ ngome ɔkɛwu anzɛɛ bɛkɛtete ye nu bɛkɛhu ye la.

Sɛlɛ 17:15

“Awie biala mɔɔ kɛli nane mɔɔ ɔdaye ɔ ngome yewu anzɛɛ nanemgbole bie ɛtete ye la, saa ɔle Yizilayɛnli o, ɔle ɛyɛvolɛ o, ɔwɔ kɛ ɔkpo ye adɛladeɛ ne mɔ na ɔbia, yɛɛ ɔ nwo ɛnrɛde toonwo nɔsolɛ, ɛnee bɔ zo mɔɔ ɔ nwo ɛde a.

Sɛlɛ 22:8

Debie mɔɔ ɔdaye ɔ ngome ɔkɛwu anzɛɛ nanemgbole bie kɛtete ye la, saa bɛfa bɛ sa bɛka ye a, ɛnee evinli ɛha bɛ Medame a mele Ɛdɛnkɛma a.

Sɛlɛ 7:25

Awie biala mɔɔ kɛli nane mɔɔ bɛva bɛbɔ ɛyelalɛ azu bɛmaa Ɛdɛnkɛma la ɛnlome la, bɛye ye bɛvi ye menli ne avinli.

Mɛla 14:21

“Debie biala mɔɔ ɔdaye ɔ ngome ɔkɛwu la, bɛmmadi. Bɛkola bɛfa bɛmaa bɛ nyɛvolɛ mɔɔ de bɛ avinli wɔ bɛ azua ne mɔ azo la kɛ bɛli anzɛɛ bɛkola bɛtɔne ye bɛmaa ɛyɛvolɛ mɔɔ ɛnle Yizilayɛnli la, ɔluakɛ bɛmɛ Yizilayɛma, bɛle menli mɔɔ Ɛdɛnkɛma bɛ Nyamenle ne ɛdu bɛ ɛzie ahane ɛmaa ɔ nwo a. “Bɛmmato boane anzɛɛ abɔnkye ralɛ wɔ ɔ nli nyɛfonzule nu bɛdi.