Sɛlɛ 7:21 - BAEBOLO ANZƐƐ BULUKU NWUANZANWUANZA

²¹ Zɔhane ala yɛɛ ɔwɔ kɛ bɛyɛ awie biala mɔɔ anwo kɛha debie mɔɔ anwo ɛnde la, saa sonla o, nane o, anzɛɛ kyibadeɛ biala, na ɔkɛli anzonudwolɛ azubɔdeɛ ne mɔɔ bɛva bɛbɔ azu bɛmaa Ɛdɛnkɛma la aleɛ ne bie la a. Ɔwɔ kɛ bɛye sonla zɔhane bɛfi ye menli ne avinli.”

Sɛlɛ 7:21 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 17:14

Nrenya biala mɔɔ anyɛ ye mrenyanu nzonlɛ la ɛtulu me ngyekyeleɛ ne; ɔwɔ kɛ bɛye ye bɛfi me menli ne avinli.”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 12:15

Ɛdɛnkɛma zele kɛ, “Bɛbali kpanwo mɔɔ mgbɔvonle ɛnle nu la kenle nsuu. Kenle ne mɔɔ lumua la, bɛye mgbɔvonle biala bɛvi bɛ azua nu, ɔluakɛ ɔvi kenle ne mɔɔ lumua la toonwo mɔɔ kɔdwu kenle nsuu ne la, saa awie biala di debie mɔɔ mgbɔvonle wɔ nu la a, bɛbaye ye bɛavi Yizilayɛma anu.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 12:19

Kenle nsuu ne anu, bɛmmafa mgbɔvonle bɛsie bɛ azua nu, ɔluakɛ awie biala mɔɔ kɛli debie mɔɔ mgbɔvonle wɔ nu la, saa ɔle ɛyɛvolɛ o, anzɛɛ ekulomeni o, bɛbaye ye bɛavi Yizilayɛma avinli. Bɛmmadi debie biala mɔɔ bɛwula ye mgbɔvonle la. Ɛleka biala mɔɔ bɛwɔ la, bɛli kpanwo mɔɔ mgbɔvonle ɛnle nu la.”

Yizikeɛle Buluku ne 33:25

“Yemɔti ka kile bɛ kɛ, kɛ Awulae Nyamenle ne se la ɛne: Mɔɔ bɛdi nane mɔɔ ye mogya ne wɔ nu, bɛsonle bɛ mmonle ne mɔ, na bɛka mogya bɛgua la, asoo bɛkɛhola azɛlɛ ne fa yɛ bɛ ɛdeɛ bɔkɔɔ?

Yizikeɛle Buluku ne 4:14

Na membuale kɛ, “Kyɛkyɛ, Awulae Nyamenle! Nɔhalɛ, ɔvi me ngakula nu toonwo mɔɔ yeradwu ɛnɛ la metɛdile debie mɔɔ ɔdaye ɔ ngome yewu anzɛɛ nane kpole bie ɛtete ye nu la, yɛɛ debie nvoanle biala ɛtɛkpulale me nloa na evinli aha me.”

Sɛlɛ 11:20

“Kɛkɛba biala mɔɔ lɛ ndɛbalɛ na ɔtia egyakɛ nna azo la le kyibadeɛ maa bɛ.

Sɛlɛ 12:1

Ɛdɛnkɛma zele Mosisi kɛ,

Sɛlɛ 17:10

“Saa Yizilayɛnli biala, anzɛɛ ɛyɛvolɛ biala mɔɔ wɔ bɛ avinli la di mogya a, mebahyi sonla zɔhane mɔɔ di mogya la, na meaye ye meavi ɔdaye ye menli avinli.

Sɛlɛ 17:14

Ɔluakɛ abɔdeɛ biala ngoane wɔ ye mogya ne anu. Yemɔti meka meahile Yizilayɛma kɛ, ‘Awie biala mmadi abɔdeɛ biala mogya. Ɔluakɛ nane biala ngoane a le ye mogya ne. Mɔɔ kɛli bie la bɛbaye ye bɛavi menli ne avinli.’

Sɛlɛ 18:29

Ɔluakɛ awie biala mɔɔ kɛbɔ munzule ɛbɛla ɛhye mɔ bie la, bɛkɛye ye bɛkɛvi Nyamenle menli ne avinli.

Sɛlɛ 19:8

Ahenle noko mɔɔ lile la, ye munzule zo ye, ɔboalekɛ yegua debie nwuanzanwuanza mɔɔ le Ɛdɛnkɛma ɛdeɛ la anwo evinli. Sonla zɔhane, ɔwɔ kɛ bɛye ye bɛfi Nyamenle menli ne anu.

Sɛlɛ 20:3

Medame mumua ne mebava me nye meawula sonla zɔhane anyunlu, na meaye ye meavi ɔdaye ye menli avinli. Mebayɛ ɛhye, ɔboalekɛ yeva ɔ ra yebɔ azu yemaa bozonle Molɛke, yegua me Ɛzonlenlɛ Ɛleka nwuanzanwuanza ne anwo evinli na yezɛkye me duma.

Sɛlɛ 22:3

Ka kile bɛ kɛ, wɔ awolɛndoazo kɔsɔɔti anu, saa evinli ka bɛ bo zo amra ne anu bie, na ɔzo ɔluolua ninyɛne nwuanzanwuanza ne mɔ mɔɔ Yizilayɛma ɛdu ɛzie ahane ɛmaa me la anwo a, bɛbaye sonla zɔhane bɛavi me nye zo. Medame a mele Ɛdɛnkɛma a.

Sɛlɛ 22:4

“Aalɔn abo zo sonla biala mɔɔ le kokobɛvolɛ anzɛɛ anwo twihwi nzule la ɛnlɛ adenle ɛnli aleɛ nwuanzanwuanza ne mɔ bie, kyesɛ ɔ nwo ɛza na ɔ nwo ɛde. Eza awie mɔɔ kɛva ɔ sa kɛha funli anzɛɛ awie mɔɔ anla boɛ la, evinli ɛha ye.

Sɛlɛ 23:29

Awie biala mɔɔ angye ɛhɔne demua ne la, bɛbaye ye bɛavi Nyamenle menli ne avinli.

Sɛlɛ 7:20

Na saa evinli ɛha awie na ɔfa ɔdi anzonudwolɛ azubɔdeɛ ne mɔɔ bɛva bɛbɔ azu bɛmaa Ɛdɛnkɛma la bie a, ɔwɔ kɛ bɛye ye bɛfi ye menli ne avinli.

Sɛlɛ 7:22

Ɛdɛnkɛma zele Mosisi kɛ,

Sɛlɛ 7:25

Awie biala mɔɔ kɛli nane mɔɔ bɛva bɛbɔ ɛyelalɛ azu bɛmaa Ɛdɛnkɛma la ɛnlome la, bɛye ye bɛvi ye menli ne avinli.

Sɛlɛ 7:27

Awie biala mɔɔ kɛli mogya la, ɔwɔ kɛ bɛye ye bɛfi ye menli ne avinli.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 19:22

Debie biala mɔɔ sonla mɔɔ evinli ɛha ye la kɛzɔ nu la ɛnee evinli ɛha ye, yɛɛ awie mɔɔ kɛva ɔ sa kɛha deɛ ne la anwo ɛnde toonwo ɔkɔdwu nɔsolɛ.”

Mɛla 14:10

Mɔɔ anwo ɛnlɛ abonle nee ɔ nzi ngyɛnengyɛne la, bɛmmadi, ɔluakɛ bɛ nwo ɛnde ɛmaa bɛ.

Mɛla 14:3

“Ɔnle kɛ bɛdi debie biala mɔɔ le kyibadeɛ la.

1 Sam 20:26

Kenle ko ne Sɔɔlo anga ɛhwee, ɔdwenlenle kɛ edwɛkɛ bie mɔɔ ɛmmaa Devidi anwo ɛnde la ɛzi ɔ nwo zo.