Sɛlɛ 7:2 - BAEBOLO ANZƐƐ BULUKU NWUANZANWUANZA

² Ɔwɔ kɛ bɛku ye wɔ ɛleka mɔɔ bɛku ɛyelalɛ azubɔdeɛ ne la, na bɛto ye mogya ne bɛgua azukponle ne anwo amuala bɛyia.

Sɛlɛ 7:2 ပူးပေါင်းရင်းမြစ်များ

Ayezaya Buluku ne 52:15

Zɔhane ala yɛɛ maanle maanle dɔɔnwo banwu ye na bɛabɔ mgbatike, yemɔ ɔ ti arelemgbunli baha bɛ nloa ado nu, ɔluakɛ mɔɔ bɛtɛkanle bɛtɛkilele bɛ la, bɛbanwu ye, yɛɛ mɔɔ bɛtɛtele ye ɛlɛ la, bɛbade ɔ bo.

Yizikeɛle Buluku ne 36:25

Mebakponde nzule mɔɔ anye te la bɛ nwo, na bɛ nwo bade avi bɛ ɛtane biala nee bɛ mmonle mɔɔ bɛzonlenle la anwo.

Yizikeɛle Buluku ne 40:39

Anlenkɛ kpole ne sua kpandaanwo ne anu, ɛkponle nna gyigyi ɛkɛ, nwiɔ wɔ ye tɛbanu yɛɛ nwiɔ noko wɔ ye tɛbanu. Ɛkponle ɛhye mɔ azo a bɛku ɛyelalɛ azubɔdeɛ, ɛtane azubɔdeɛ, nee abozozielɛ azubɔdeɛ ne mɔ a.

Sɛlɛ 1:11

Ɔwɔ kɛ ɔku ye wɔ azukponle ne sɔlɔ wɔ Ɛdɛnkɛma anyunlu, na Aalɔn amra sɛlɛvolɛma ne to ye mogya ne gua azukponle ne anwo amuala yia.

Sɛlɛ 1:3

Saa ɔfa ɛnlankɛ yeabɔ ɛyelalɛ azu a, ɔwɔ kɛ ɔfa nyinli mɔɔ anwo ɛnlɛ dɛne la. Ɔwɔ kɛ ɔfa ɔbagyinla Ɛdɛnkɛma Ndanlɛ Sua ne anuhɔlɛ ne, amaa Ɛdɛnkɛma alie ɔdaye mumua ne ado nu.

Sɛlɛ 1:5

Akee ahenle ne ɛhu ɛnlankɛ ne wɔ Ɛdɛnkɛma anyunlu ɛkɛ na Aalɔn amra sɛlɛvolɛma ne ɛva mogya ne ɛmaa Ɛdɛnkɛma, na bɛdo bɛgua azukponle ne mɔɔ gyi Ɛdɛnkɛma Ndanlɛ Sua ne anlenkɛ ne anloa la anwo amuala.

Sɛlɛ 14:13

Akee ɔbahu boane ne wɔ ɛleka mɔɔ bɛku ɛtane azubɔdeɛ ne nee ɛyelalɛ azubɔdeɛ ne mɔ la, wɔ ɛleka nwuanzanwuanza ne. Ɔluakɛ fɔlɛlilɛ azubɔdeɛ ne le kɛ ɛtane azubɔdeɛ ne la, na ɔle sɛlɛvolɛ ne ɛdeɛ; ɔle debie mɔɔ le nwuanzanwuanza kpalɛ kpalɛ a.

Sɛlɛ 3:2

Ɔwɔ kɛ ɔfa ɔ sa ɔto nane ne ati zo, na ɔku ye wɔ Ɛdɛnkɛma Ndanlɛ Sua ne anyunlu. Aalɔn amra sɛlɛvolɛma ne bado ye mogya ne agua azukponle ne anwo amuala ayia.

Sɛlɛ 3:8

ɔva ɔ sa ɔdo nane ne ati zo, ɔhu ye wɔ Ɛdɛnkɛma Ndanlɛ Sua ne anyunlu. Aalɔn amra sɛlɛvolɛma ne mɔ bado ye mogya ne agua azukponle ne anwo amuala ayia.

Sɛlɛ 4:24

Akee ɔfa ɔ sa ɔto abɔnkye ne ati zo, na ɔku ye wɔ ɛleka mɔɔ bɛku ɛyelalɛ azubɔdeɛ ne mɔ la wɔ Ɛdɛnkɛma anyunlu Ɔle ɛtane azubɔdeɛ.

Sɛlɛ 4:29

Ɔwɔ kɛ ɔfa ɔ sa ɔto ɛtane azubɔdeɛ ne ati zo na ɔku ye wɔ ɛyelalɛ azubɔdeɛ ɛleka ne.

Sɛlɛ 4:33

Ɔwɔ kɛ ɔfa ɔ sa ɔto azubɔdeɛ ne ati zo na ɔku ye wɔ ɛleka mɔɔ bɛku ɛyelalɛ azubɔdeɛ ne mɔ la.

Sɛlɛ 5:16

Eza ɔwɔ kɛ ɔsie mɔɔ ɔyɛle a yeanyɛ ye boɛ wɔ ninyɛne nwuanzanwuanza ne mɔ anwo la abo zo, na ɔfa mɔɔ ɔ nee ye rale la ngyɛnu nnu ɛkpɔ ko ɔboka nwolɛ ɔmaa sɛlɛvolɛ ne; na sɛlɛvolɛ ne bava boane azubɔdeɛ ne ayɛ nzɛlɛlɛ ali mgbɔdalɛ amaa ye, na bɛkɛva ye ɛtane bɛkɛhyɛ ye.

Sɛlɛ 5:7

“Na saa ahenle ne ɛnlɛ bie la ati ɔnrɛhola boane anzɛɛ abɔnkye fa a, ɔwɔ kɛ ɔfa abubule anzɛɛ mɔlɔnoma nwiɔ ɔyɛ fɔlɛlilɛ azubɔdeɛ ɔmaa Ɛdɛnkɛma. Nloma nwiɔ ne ko bayɛ ɛtane azubɔdeɛ na ko ayɛ ɛyelalɛ azubɔdeɛ.

Sɛlɛ 5:9

Akee ɔbava ɛtane azubɔdeɛ ne mogya ne bie yeakponde azukponle ne foa ko, na yeahwi mogya ne mɔɔ kɛha la yeagua azukponle ne abo ne anwo. Ɔle ɛtane azubɔdeɛ.

Sɛlɛ 6:25

“Ka kile Aalɔn nee ɔ mra ne mɔ kɛ, mɛla mɔɔ wɔ ɛtane azubɔdeɛ nwo la ɛne: Ɛleka mɔɔ bɛku ɛyelalɛ azubɔdeɛ ne la, ɛkɛ ne ala yɛɛ ɔwɔ kɛ bɛku ɛtane azubɔdeɛ ne a, wɔ Ɛdɛnkɛma anyunlu. Ɔle nwuanzanwuanza kpalɛ kpalɛ.

Sɛlɛ 6:7

Sɛlɛvolɛ ne bayɛ nzɛlɛlɛ ali ɔ ti mgbɔdalɛ wɔ Ɛdɛnkɛma ɛkɛ, na bɛkɛva debie biala mɔɔ sonla yɛ a ɔdi fɔlɛ la bɛkɛhyɛ ye.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 6:12

na eza yeadu ɔ nwo yeazie ɛkɛ yeamaa Ɛdɛnkɛma bɔkɔɔ. Mekɛ dɛba ne mɔɔ ɔdule ɔ nwo ɔziele ɛkɛ ɔmanle Ɛdɛnkɛma la, bɛndia bɛmboka nwo, ɔboalekɛ evinli hanle ye enrinli nwuanzanwuanza ne. Ɔbava boane ralɛ nyinli mɔɔ ɛli ɛvolɛ ko la yeayɛ fɔlɛlilɛ azubɔdeɛ.

Kɛlata mɔɔ bɛhɛlɛle bɛhɔmanle Hibuluma la 11:28

Diedi zo yɛɛ ɔluale ɔhyehyɛle Akpabɛnwo ne na ɔmanle Yizilayɛma vale mogya kpondenle bɛ nlenkɛ nloa a, amaa saa Nyamenle Ewule Soanvolɛ ne ba a yeangu Yizilayɛma belamunli mralɛ ne mɔ.

Kɛlata mɔɔ bɛhɛlɛle bɛhɔmanle Hibuluma la 12:24

Bɛra Gyisɛse, mɔɔ kyekyele Ngyekyeleɛ Fofolɛ ne abo, nee mogya ne mɔɔ bɛhwinle bɛguale na ɔtendɛ kpalɛ ɔkile yɛ ɔtɛla Ebulu ɛdeɛ ne la ɛkɛ.

1 Pit 1:2

Nyamenle Selɛ ne luale ye bodane ne azo kpale nu yele bɛ na ɔluale ye Sunsum ne azo ɔyɛle bɛ menli mɔɔ anwo te la, kɛ bɛyɛ tieyɛ bɛmaa Gyisɛse Kelaese na ye mogya ne ade bɛ nwo. Nyamenle ɛlo bɛ na ɔmaa bɛ anzonudwolɛ molozo.