Sɛlɛ 7:19 - BAEBOLO ANZƐƐ BULUKU NWUANZANWUANZA

¹⁹ Nane mɔɔ kɛha debie mɔɔ anwo ɛnde la, ɔnle kɛ bɛdi Ɔwɔ kɛ bɛyela ye. “Awie biala mɔɔ anwo te la kola di nane ne bie.

Sɛlɛ 7:19 ပူးပေါင်းရင်းမြစ်များ

Sɛlɛ 6:27

Debie biala mɔɔ anwo kɛha azubɔdeɛ ne nane ne bie la anwo bade nwuanzaanwu. Saa bɛkponde ye mogya ne bie wɔ tɛladeɛ nu a, ɔwɔ kɛ bɛkpo tɛladeɛ ne mɔɔ bɛkponde ye nu la wɔ ɛleka mɔɔ te la.

Sɛlɛ 7:18

Saa azubɔlɛ aleɛ ne bie ka, ɔdi kenle nsa na bɛdi a, ɔnle kɛ bɛdie ahenle mɔɔ nee azubɔdeɛ ne rale la bɛto nu, yɛɛ ɔnle kɛ bɛfa ye kɛ ɔvale debie bɔbɔ ɔrale. Ɔle munzule debie, yɛɛ mɔɔ kɛli bie la, ɛtane ne zo ɔdaye.

Sɛlɛ 7:20

Na saa evinli ɛha awie na ɔfa ɔdi anzonudwolɛ azubɔdeɛ ne mɔɔ bɛva bɛbɔ azu bɛmaa Ɛdɛnkɛma la bie a, ɔwɔ kɛ bɛye ye bɛfi ye menli ne avinli.

Edwɛkpa ne kɛmɔ Luku hɛlɛle la 11:41

Bɛva mɔɔ ɛyi bɛ kanrɛlɛ ne mɔ nee bɛ ɛyɛba ne mɔ la bɛmaa ehyianvolɛma na debie biala anwo kɛde kɛmaa bɛ.

Ɛzoanvolɛma Gyima ne 10:28

Na ɔzele bɛ kɛ, “Bɛdabɛ bɛze ye wienyi kɛ wɔ Dwuu ɛzonlenlɛ ne anu, bɛmmaa adenle bɛmmaa yɛ nee bɛdabɛ mɔɔ bɛnle Dwuuma la ɛnfonla. Noko Nyamenle ɛye ɛhile me kɛ memmabu awie biala kɛ ɔ nwo ɛnde.

Wulo 14:14

Sumunli kɛ me nee Awulae Gyisɛse lile ngamɔnu la menwu ye kɔsɔɔ kɛ aleɛ biala ɛnle ɛkɛ mɔɔ anwo ɛnde a. Na saa awie dwenle kɛ bie anwo ɛnde a, ɛnee nwolɛ ɛnde ɛmmaa ɔdaye ɔ ngome,

Wulo 14:20

Bɛmmatoa aleɛlilɛ bɛsɛkye Nyamenle gyima ne. Debie biala anwo te, noko ɔle ɛtane kɛ ɛkɛli debie mɔɔ kɛmaa ɛ gɔnwo kɛhɔ ɛtane nu la.

2 Kɔl 6:17

Yemɔti kɛ Awulae se la ɛne, “Bɛgyakyi bɛ na bɛhwe bɛ nwo bɛvi bɛ nwo. Bɛmmafa bɛ sa bɛka debie mɔɔ anwo ɛnde la, na menwɔlie bɛ.

Pɔɔlo Kɛlata mɔɔ ɔhɛlɛle ɔhɔmanle Taetɛse la 1:15

Debie biala anwo te maa menli mɔɔ anwo te la, na ɛtanevolɛma nee menli mɔɔ ɛnlɛ diedi la, debie biala anwo ɛnde, ɔboalekɛ bɛ adwenle nee bɛ ti anu kɛkɛba ne ɛkpɔlɔ.