Sɛlɛ 7:18 - BAEBOLO ANZƐƐ BULUKU NWUANZANWUANZA

¹⁸ Saa azubɔlɛ aleɛ ne bie ka, ɔdi kenle nsa na bɛdi a, ɔnle kɛ bɛdie ahenle mɔɔ nee azubɔdeɛ ne rale la bɛto nu, yɛɛ ɔnle kɛ bɛfa ye kɛ ɔvale debie bɔbɔ ɔrale. Ɔle munzule debie, yɛɛ mɔɔ kɛli bie la, ɛtane ne zo ɔdaye.

Sɛlɛ 7:18 ပူးပေါင်းရင်းမြစ်များ

Mrɛlɛbulɛ Buluku ne 15:8

Amumuyɛnli azubɔlɛ le kyibadeɛ maa Ɛdɛnkɛma; Ɛdɛnkɛma anye die sonla mɔɔ di pɛlepɛle la nzɛlɛlɛ nwo.

Ayezaya Buluku ne 65:4

Bɛtɛnla sɛka zo, yɛɛ aleɛ dwo a bɛfea bɛ nwo bɛdi kpolike nane, yɛɛ bɛ subue nu le bɛkyi ninyɛne ngome.

Ayezaya Buluku ne 66:3

“Sonla ne mɔɔ ku ɛnlankɛ la le kɛ sonla ne mɔɔ ku sonla la; mɔɔ fa boane bɔ azu la le kɛ mɔɔ bu twea kɔme ku ye la; mɔɔ fa abɛlɛ ma yɛ azubɔdeɛ la le kɛ sonla mɔɔ fa kpolike mogya yɛ azubɔdeɛ la; mɔɔ fa ɛyɛlɛ evuanlɛ yɛ ngakyelɛ azubɔdeɛ la le kɛ sonla mɔɔ sɔ amonle la. Ɛhye mɔ ɛva bɛ ndenle ɛdeɛ zo, yɛɛ bɛ nye die bɛ bɛkyi ninyɛne ne mɔ anwo.

Gyɛlɛmaya Buluku ne 14:10

Edwɛkɛ mɔɔ Ɛdɛnkɛma hanle wɔ menli ɛhye mɔ anwo la ɛne: “Bɛ kunlu dwo kɛ bɛkɛluolua nuhua zɔhane. Bɛtɛfule bɛ nwo, yemɔti medame Ɛdɛnkɛma, menrɛdɛne bɛ zo. Menea bɛ ɛtane nee bɛ amumuyɛ ne mɔ mɔɔ bɛyɛ la anwo meadea bɛ.”

Gyɛlɛmaya Buluku ne 14:12

Saa bɛkye nwolɛ ɛhɔne bɔbɔ a, menrɛdie bɛ ɛzunlɛ, yɛɛ saa bɛfa ɛyelalɛ azubɔdeɛ anzɛɛ ma azubɔdeɛ bɛba me nyunlu a, me nye ɛnrɛzɔ ye. Mebava mealua konle, ɛhɔne, yɛɛ anwonyane nu meayela bɛ wee.”

Yizikeɛle Buluku ne 18:20

Sonla biala mɔɔ kɛyɛ ɛtane la, bawu. Ralɛ nrenya ɛnrɛnwu amaneɛ wɔ ɔ ze ɛtane ne mɔ ati, yɛɛ selɛ ɛnrɛnwu amaneɛ wɔ ralɛ nrenya ɛtane ne mɔ ati. Sonlakpalɛ biala banyia ye kpalɛyɛlɛ nwo ahatualɛ, yɛɛ amumuyɛnli biala banyia ye amumuyɛ nwo ahatualɛ.

Hozia Buluku ne 8:13

Bɛkulo azubɔlɛ; bɛku nane bɛbɔ azu na bɛdi. Na medame Ɛdɛnkɛma, me nye ɛnlie nwolɛ. Akee mebahakye bɛ ɛtane ne mɔ na meadea bɛ wɔ nwolɛ, na meamaa bɛazia bɛahɔ Yigyibiti.

Sɛlɛ 10:17

“Duzu ati a bɛanli ɛtane azubɔdeɛ ne wɔ ɛleka nwuanzanwuanza ne ɛ? Ɔboalekɛ ɔle debie nwuanzanwuanza kpalɛ kpalɛ mɔɔ bɛvale bɛmanle bɛ, amaa bɛazoa menli ne ɛtane ne mɔ na bɛahɔyɛ nwolɛ mgbɔdalɛ nzɛlɛlɛ wɔ Ɛdɛnkɛma anyunlu.

Sɛlɛ 10:19

Aalɔn buale Mosisi kɛ, “Nea, ɛnɛ bɔbɔ mɔɔ bɛva bɛ ɛtane azubɔdeɛ nee bɛ ɛyelalɛ azubɔdeɛ bɛra Ɛdɛnkɛma anyunlu la, nea mɔɔ ɛzi me nwo zo la. Saa menlile ɛtane azubɔdeɛ ne ɛnɛ a, anrɛɛ ɛnee ɛnea a, ɔkɛzɔ Ɛdɛnkɛma anye ɔ?”

Sɛlɛ 11:41

“Debie biala mɔɔ kola fo anwuma wɔ ewiade ye anu la le kyibadeɛ maa bɛ. Ɔnle kɛ bɛdi.

Sɛlɛ 17:16

Na saa yeamkpo ye adɛladeɛ ne mɔ, yeambia ɔ nwo a, ɔdaye ye ɛtane zo ye.”

Sɛlɛ 19:5

“Saa bɛfa anzonudwolɛ azubɔdeɛ bɛabɔ azu bɛamaa medame Ɛdɛnkɛma a, bɛmaa ɔvi bɛ ahonle nu, amaa mealie bɛ meado nu.

Sɛlɛ 20:17

“Saa nrenya fa ɔ diema raalɛ mɔɔ le ɔ ze ara anzɛɛ ɔ nli ara a, bɛ mu nwiɔ bɛgua bɛ nyunlu aze. Ɔle anyiemgba debie, yemɔti ɔwɔ kɛ bɛye bɛ bɛfi bɛ mediema ne mɔ anu. Nrenya ne ɛbɔ ɔ diema raalɛ ne anyiemgba, yemɔti ye amumuyɛ ne zo ye.

Sɛlɛ 20:19

“Ɔnle kɛ nrenya fa ɔ nli adiema raalɛ anzɛɛ ɔ ze adiema raalɛ. Ɔyɛ ye zɔhane a, ɛnee yeva ɔ nwo sonla; bɛdabɛ bɛ mu nwiɔ bɛ munzule doa bɛ.

Sɛlɛ 22:16

Ɔwɔ kɛ bɛnea ninyɛne ne mɔ boɛ, amaa bɛanli ninyɛne nwuanzanwuanza ne mɔ bie, bɛandwe munzule nee fɔlɛlilɛ bɛammaa bɛ nwo; ɔluakɛ medame a mele Ɛdɛnkɛma mɔɔ mete bɛ nwo a.”

Sɛlɛ 22:23

Ɛnlankɛ anzɛɛ boane mɔɔ ye foa ko ɛleka bie wale bo zolɛ anzɛɛ le ezinraa bo zolɛ la, bɛkola bɛfa bɛyɛ ahonle fufule nu ahyɛlɛ azubɔdeɛ, na saa bɛfa bɛaye ɛwɔkɛ a, yemɔ bɛnlie.

Sɛlɛ 22:25

“Nane biala mɔɔ bɛkɛnyia ye bɛkɛvi ɛyɛvolɛ ɛkɛ ne la, bɛmmafa bɛyɛ aleɛ azubɔdeɛ bɛbɛlɛ me. Kɛmɔ bɛpepɛle bɛ na bɛahu bɛ la, bɛ nwo lɛ dɛne; bɛfa bɛba a menrɛlie.”

Sɛlɛ 5:17

“Saa awie anye ɛnla nwolɛ na ɔyɛ ninyɛne mɔɔ Ɛdɛnkɛma ɛze kɛ bɛmmayɛ la bie a, yeyɛ ɛtane, yɛɛ ɔdi fɔlɛ, na ye ɛtane zo ye.

Sɛlɛ 7:19

Nane mɔɔ kɛha debie mɔɔ anwo ɛnde la, ɔnle kɛ bɛdi Ɔwɔ kɛ bɛyela ye. “Awie biala mɔɔ anwo te la kola di nane ne bie.

Emɔzo Buluku ne 5:22

Bɛfa bɛ ɛyelalɛ azubɔdeɛ nee bɛ ma azubɔdeɛ ne mɔ bɛba bɔbɔ ɛdeɛ, noko menrɛlie, yɛɛ menrɛnlea bɛ nane dɔlera anzonudwolɛ azubɔdeɛ ne mɔ bɔbɔ.

Malakae Buluku ne 1:10

Ɛdɛnkɛma se, “Anrɛɛ bɛ nuhua ko ahɔtoto Ɛzonlenlɛ Sua ne nlenkɛ ne mɔ anu amaa bɛanzɔ senle wɔ me azukponle ne azo mgbane mgbane. Me kunlu ɛndwo bɛ nwo yɛɛ menrɛlie bɛ sa nu azubɔdeɛ biala.

Malakae Buluku ne 1:13

Bɛmɛ, bɛ edwɛkɛ a le kɛ, ‘Duzu ɛvɛlɛ a le ɛhye?’ Bɛka ɛhye na bɛakpobi bɛ nloa. “Saa bɛbabɔ azu a bɛfa nane mɔɔ bɛwuale, anzɛɛ ɛbubu anzɛɛ ewule ɛha ye la a bɛyɛ azubɔdeɛ bɛbɛlɛ me a. Asoo medie ɛhye a ɔyɛ boɛ?

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 18:27

Azubɔdeɛ ɛhye bayɛ kɛ ma fofolɛ nee nwanye azubɔdeɛ mɔɔ ɛyazonlɛnli fa maa Ɛdɛnkɛma la.

Edwɛkpa ne kɛmɔ Luku hɛlɛle la 16:15

Gyisɛse zele bɛ kɛ, “Bɛmɛ, bɛle menli bie mɔɔ bu bɛ nwo wɔ menli nyunlu kɛ asɛɛ bɛdi pɛlepɛle, noko Nyamenle ze bɛ ahonle ne mɔ anu. Ɔluakɛ mɔɔ menli dwenle a ɔsonle bolɛ wɔ bɛ nye zo la le debie mgbane wɔ Nyamenle anye zo.

Wulo 4:11

Nzinlii a Ebileham manle bɛyɛle ye mrenyanu nzonlɛ, ɔvale ɔyɛle sɛkɛlɛneɛ anzɛɛ nzonlɛ mɔɔ kile kɛ Nyamenle ɛlua ye diedi zo ɛmaa yezɔ ɔ nye a. Yemɔti Sunsum nu a, ɛnee Ebileham le bɛdabɛ mɔɔ bɛdie Nyamenle bɛdi na yelie bɛ kɛ bɛsɔ ɔ nye, noko bɛtɛyɛle bɛ mrenyanu nzonlɛ la bɛ ze.

Kɛlata mɔɔ bɛhɛlɛle bɛhɔmanle Hibuluma la 9:28

Zɔhane ala yɛɛ bɛvale Kelaese ɔdaye noko bɛbɔle azu kokye ala kɛ ɔranunu menli dɔɔnwo ɛtane ne mɔ a. Ɔbara bieko, na tɛ kɛ ɔ nee ɛtane bali ɔ, na ɔbalie menli ne mɔɔ ɛlɛkendɛ ye la ngoane.

1 Pit 2:24

Kelaese ɔdaye mumua ne ɔliele yɛ ɛtane ne mɔ wɔ ye sonlabaka ne anu ɔhɔle meanubaka ne azo, amaa yɛawu yɛamaa ɛtane na yɛadɛnla yɛamaa pɛlepɛlelilɛ. Bɛlua ye ɛbodalɛ nganlɛ ne mɔ azo a bɛyɛ bɛ ayile a.