Sɛlɛ 7:14 - BAEBOLO ANZƐƐ BULUKU NWUANZANWUANZA

¹⁴ Ɔbava kpanwo ndɛbandɛba ɛhye mɔ ko yeaboka azubɔdeɛ ko biala anwo kɛ ɔle azubɔdeɛ yeamaa Ɛdɛnkɛma. Ɛhye le sɛlɛvolɛ ne mɔɔ to anzonudwolɛ azubɔdeɛ mogya ne gua azukponle ne anwo yia la ɛdeɛ.

Sɛlɛ 7:14 ပူးပေါင်းရင်းမြစ်များ

Sɛlɛ 6:26

Sɛlɛvolɛ ne mɔɔ kɛbɔ ɛtane azu ne la ɔwɔ kɛ di ye wɔ ɛleka mɔɔ te la, wɔ Ɛdɛnkɛma Ndanlɛ Sua ne alie ne anwo.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 18:19

“Azubɔdeɛ nwuanzanwuanza biala mɔɔ sonle bolɛ, mɔɔ Yizilayɛma kɛva kɛmaa medame Ɛdɛnkɛma la, mefa memaa wɔ, ɛ mra mrenya nee ɛ mra mraalɛ kɛ ɔle bɛ ɛdeɛ dahuu. Ɛhye le ngyekyeleɛ mɔɔ me nee wɔ nee ɛ bo zo amra ɛkyekye mɔɔ bɛntulu ye ɛlɛ a.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 31:29

Bɛva bɛmaa Sɛlɛvolɛ Ɛlieza bɛmaa ɔva ɔyɛ azubɔdeɛ ɔmaa Ɛdɛnkɛma.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 31:41

Na kɛmɔ Ɛdɛnkɛma zele la, Mosisi vale ninyɛne ɛhye mɔ manle Sɛlɛvolɛ Ɛlieza na ɔvale ɔyɛle azubɔdeɛ ɔmanle Ɛdɛnkɛma.

1 Kɔl 10:18

Bɛnlea mɔɔ Yizilayɛma yɛ la. Bɛdabɛ mɔɔ bɛdi azubɔlɛ aleɛ ne la a le menli mɔɔ yɛ gyima wɔ azukponle ne anwo la.

Mɛla 18:8

Mekɛ mɔɔ ɔkɛze kɛ ɔyɛ ye gyima ne la, ɔwɔ kɛ ɔnyia debie biala mɔɔ bɛ nee ye kɛra la bie, kɛmɔ sɛlɛvolɛma mɔɔ ɛha la nyia ye ala la. Debie biala mɔɔ ye sua nu amra kɛva kɛnwa ye la ɔkola ɔfa ɔsie.