Sɛlɛ 7:12 - BAEBOLO ANZƐƐ BULUKU NWUANZANWUANZA

¹² Saa ahenle fa ba kɛ ɔfa yeayɛ mo a, ɛnee ɔwɔ kɛ ɔfa kpanwo ngyikyi mɔɔ mgbɔvonle ɛnle nu na bɛva nwole bɛfɔtɔ la, kpanwo ngyikyi ndɛbandɛba ngukulungukulu mɔɔ mgbɔvonle ɛnle nu na nwole wɔ nwolɛ la, yɛɛ belɛde mɔɔ bɛva esamo kpalɛ mɔɔ bɛva nwole bɛfɔtɔ bɛyɛ la.

Sɛlɛ 7:12 ပူးပေါင်းရင်းမြစ်များ

2 Edk 29:31

Akee Belemgbunli Hɛzikaya zele bɛ kɛ, “Kɛkala, bɛ nwo ɛde ɛmaa Ɛdɛnkɛma, zɔhane ati bɛrɛla, bɛva bɛ azubɔlɛ ninyɛne nee moyɛlɛ azubɔlɛ ninyɛne bɛrɛla Ɛdɛnkɛma Ɛzonlenlɛ Sua ye anu.” Na menli ne mɔɔ rayiale la vale bɛ azubɔlɛ ninyɛne nee moyɛlɛ azubɔlɛ ninyɛne rale, yɛɛ bie mɔ noko yeyele bɛ ahonle nu vale ɛyelalɛ azubɔlɛ ninyɛne rale.

2 Edk 33:16

Ɔyɛle Ɛdɛnkɛma azukponle ne boɛ na ɔbɔle anzonudwolɛ nee moyɛlɛ azu wɔ zolɛ ɔmanle Ɛdɛnkɛma, na ɔzele Dwudama kɛ bɛzonle Ɛdɛnkɛma, Yizilayɛ Nyamenle ne.

Nihɛmaya Buluku ne 12:43

Kenle ko ne bɛbɔle azu fane dɔɔnwo. Menli ne anye liele kpalɛ, ɔboalekɛ Nyamenle manle bɛlile fɛlɛko. Mraalɛ nee mbɛda kɔsɔɔti bokale ɛvoyialilɛ ne anwo, na anyelielɛ ne manle Gyɛlusalɛm kpudwule na ye nganeɛ dwule moa.

Edwɛndolɛ Buluku ne 107:8

Ɔwɔ kɛ bɛyɛ Ɛdɛnkɛma mo wɔ ye ɛhulolɛ kpundii ne ati, wɔ nwanwane gyima mɔɔ ɔdi ɔmaa menli la ati.

Edwɛndolɛ Buluku ne 116:17

Mebabɔ moyɛlɛ azu meamaa wɔ, na meabɔ Ɛdɛnkɛma duma meazonle ye.

Edwɛndolɛ Buluku ne 50:23

Mɔɔ kɛva moyɛlɛ kɛra kɛ ye azubɔdeɛ la di me eni; mɔɔ kɛva adenle kpalɛ zo la, mebahile ye Nyamenle ngoanelielɛ ne!”

Gyɛlɛmaya Buluku ne 33:11

eza bɛ nye ɛlie na bɛlɛdi fɛlɛko; bɛbade atɔfolɛ nrenya ne nee atɔfolɛ raalɛ ne ane; yɛɛ bɛbade edwɛndolɛma ane kɛ bɛlɛfa moyɛlɛ azubɔdeɛ bɛara Ɛdɛnkɛma Ɛzonlenlɛ Sua ne anu. Bɛbaha kɛ: ‘Bɛva moyɛlɛ bɛmaa Tumivolɛ Ɛdɛnkɛma, ɔluakɛ Ɛdɛnkɛma le kpalɛ, ye ɛhulolɛ kpundii ne wɔ ɛkɛ dahuu.’ Ɔluakɛ mebamaa maanle ne azia akpazi. Medame Ɛdɛnkɛma a mese a.” 118.1; 136.1

Hozia Buluku ne 14:2

Bɛzia bɛhɔ Ɛdɛnkɛma ɛkɛ na bɛva nzɛlɛlɛ ɛhye bɛdo ɔ nyunlu: “Fa yɛ ɛtane kɔsɔɔti kyɛ yɛ; die mɔɔ le kpalɛ la, na yɛbaye wɔ ayɛlɛ.

Sɛlɛ 2:4

“Saa awie fa ma azubɔdeɛ ara na ɔle debie mɔɔ bɛdo ye wɔ fonlomo nu a, ɛnee ɔwɔ kɛ ɔyɛ angye belɛde mɔɔ bɛva esamo nee nwole a bɛyɛ a, anzɛɛ kpanwo ndɛbandɛba ngukulungukulu mɔɔ mgbɔvonle ɛnle nu na bɛgua nwole zolɛ la.

Sɛlɛ 2:5

“Saa azubɔdeɛ ne le ma azubɔdeɛ mɔɔ bɛloa ye kɛ tata wɔ kyɛnze nu a, ɔwɔ kɛ ɔyɛ esamo mɔɔ mgbɔvonle ɛnle nu na bɛva nwole bɛfɔtɔ la.

Sɛlɛ 22:29

Saa ɔba ye kɛ ɔwɔ kɛ bɛbɔ moyɛlɛ azu bɛmaa Ɛdɛnkɛma a, bɛyɛ ye zɔhane, amaa bɛalie bɛ bɛado nu.

Sɛlɛ 6:16

Aalɔn nee ɔ mra mrenya ne mɔ bali mɔɔ kɛha la. Ɔnle kɛ bɛfa mgbɔvonle bɛwula nu na bɛali, yɛɛ ɔwɔ kɛ bɛdi ye ɛleka mɔɔ te la. Ɛdɛnkɛma Ndanlɛ Sua ne alie ne anwo a ɔwɔ kɛ bɛdi zɔhane aleɛ ne a.

Sɛlɛ 7:15

Ɔwɔ kɛ bɛdi anzonudwolɛ azubɔdeɛ ne mɔɔ bɛva bɛbɔ azu bɛyɛ mo la amuala kenle ko ne. Ɔnle kɛ bɛgyakyi bie bɛsie ɛkɛ ne bɛmaa aleɛ kye zolɛ.

Emɔzo Buluku ne 4:5

Bɛva kpanwo mɔɔ mgbɔvonle wɔ nu la bɛbɔ moyɛlɛ azu, na bɛbɔ ahonle fufule nu azubɔdeɛ ne mɔ nolo, ɔluakɛ bɛmɛ Yizilayɛma, ɛhye a le nyɛleɛ mɔɔ bɛkulo kɛ bɛyɛ a.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 6:15

Eza ɔfa kpanwo mɔɔ mgbɔvonle ɛnle nu, keeki mɔɔ bɛva esamo kɛnlɛma mɔɔ bɛva ɔlivi nwole bɛfɔtɔ la kɛndɛne ko, kpanwo ndɛbandɛba ngukulungukulu mɔɔ bɛva nwole kɛkpokpa zolɛ, yɛɛ nwolɛ ma nee nwanye azubɔdeɛ.

Edwɛkpa ne kɛmɔ Luku hɛlɛle la 17:16

na ɔradule ɔdɔle Gyisɛse agyakɛ anu mutule nu na ɔyɛle ye mo somaa. Nrenya ɛhye le Samɛleanli.

Edwɛkpa ne kɛmɔ Luku hɛlɛle la 17:18

Duzu ati a ɛyɛvolɛ ye ala a ɛzia ɛra bayɛ Nyamenle mo a?”

Wulo 1:21

Bɛze Nyamenle, noko bɛnva enililɛ mɔɔ fɛta la bɛmmaa ye kɛ ɔle Nyamenle, yɛɛ bɛnva moyɛlɛ bɛmmaa ye. Adwenle mgbane mgbane yɛɛ bɛfa a, yɛɛ awozinli ɛyi bɛ adwenle ne mɔ mɔɔ nrɛlɛbɛ ɛnle nu la tetɛkɛɛ.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:20

Bɛlua yɛ Awulae Gyisɛse Kelaese duma nu bɛyɛ Nyamenle Selɛ ne mo dahuu wɔ debie biala anu.

Kɛlata mɔɔ bɛhɛlɛle bɛhɔmanle Hibuluma la 13:15

Yemɔti, bɛmaa yɛva ayɛlɛyelɛ yɛlua Gyisɛse anwo zo yɛmaa Nyamenle. Ɛhye a le azubɔlɛ kpalɛ mɔɔ ɛnloanlɛ mɔɔ bɔ ye duma kɛ ɔle Awulae la kola bɔ a.

1 Pit 2:5

Bɛrɛla kɛ bɛle tease awolɛ na bɛmaa bɛva bɛ bɛzi sunsum nu ɛzonlenlɛ sua mɔɔ bɛsonle nu, kɛ bɛle sɛlɛvolɛma nwuanzanwuanza na bɛlua Gyisɛse Kelaese anwo zo bɛbɔ sunsum nu azu mɔɔ sɔ ɛnyelɛ la bɛmaa Nyamenle.