Sɛlɛ 7:1 - BAEBOLO ANZƐƐ BULUKU NWUANZANWUANZA

¹ “Abozozielɛ (fɔlɛlilɛ) azubɔdeɛ nwo mɛla ne ɛne; ɔle nwuanzanwuanza kpalɛ kpalɛ.

Sɛlɛ 7:1 ပူးပေါင်းရင်းမြစ်များ

2 Edk 31:14

Livaenli Yemena mɔɔ sinza Aduduleɛ Anlenkɛ Kpole ne la ara Kɔli a nea azubɔlɛ ninyɛne ne mɔ mɔɔ bɛyeyele bɛ ahonle nu bɛvale bɛrɛlɛle Nyamenle la azo a, na ɔnea ɔfa mɔɔ bɛva bɛzie ahane bɛmaa Ɛdɛnkɛma la ɔsie, na ɔfa mɔɔ bɛfa bɛabɔ azu nwuanzanwuanza la ɔmaa.

Yizikeɛle Buluku ne 40:39

Anlenkɛ kpole ne sua kpandaanwo ne anu, ɛkponle nna gyigyi ɛkɛ, nwiɔ wɔ ye tɛbanu yɛɛ nwiɔ noko wɔ ye tɛbanu. Ɛkponle ɛhye mɔ azo a bɛku ɛyelalɛ azubɔdeɛ, ɛtane azubɔdeɛ, nee abozozielɛ azubɔdeɛ ne mɔ a.

Yizikeɛle Buluku ne 44:29

Bɛbali ma azubɔdeɛ, ɛtane azubɔdeɛ, nee abozozielɛ azubɔdeɛ ne mɔ; debie biala noko mɔɔ bɛdu bɛmaa Nyamenle wɔ Yizilayɛ maanle ne anu la le bɛ ɛdeɛ.

Yizikeɛle Buluku ne 46:20

na ɔzele me kɛ, “Ɛke a sɛlɛvolɛma ne bado ɛtane azubɔdeɛ ne nee abozozielɛ azubɔdeɛ ne mɔ a; ɛke a bɛbado ma azubɔdeɛ ne mɔ a, amaa bɛanva bɛanvinde Ɛzonlenlɛ Sua ne findezo alie nwo ɛkɛ, na bɛava nwuanzanwuanzayɛlɛ bɛaha menli ne.”

Sɛlɛ 21:22

Ɔkola ɔdi ye Nyamenle ne aleɛ nwuanzanwuanza nee aleɛ nwuanzanwuanza kpalɛ ne bie,

Sɛlɛ 5:11

“Na saa ahenle ne angola abubule nwiɔ ne anzɛɛ mɔlɔnoma nwiɔ ne fa a, ɛnee ɔwɔ kɛ ɔfa esamo kilo nwiɔ ɔyɛ ɛtane azubɔdeɛ. Ɔnle kɛ ɔfa nwole ɔgua nu anzɛɛ ɔfa ɛyɛlɛ evuanlɛ biala ɔgua zolɛ, ɔluakɛ ɔle ɛtane azubɔdeɛ.

Sɛlɛ 5:14

Ɛdɛnkɛma zele Mosisi kɛ,

Sɛlɛ 5:15

“Saa awie anye ɛnla nwolɛ na ɔyɛ ɛtane kɛ yebu ɔ nye yegua ye diedi gyima zo, mɔɔ fane Ɛdɛnkɛma ninyɛne nwuanzanwuanza ne mɔ anwo a, ɔwɔ kɛ ɔfa fɔlɛlilɛ azubɔdeɛ ɔbɛlɛ Ɛdɛnkɛma. Ɔwɔ kɛ ɔfa boane nyinli mɔɔ anwo ɛnlɛ dɛne, na ɛdawɔ ɛkɛnlea ɛkɛpɛ ye bolɛ wɔ dwɛtɛ fufule nu, kɛmɔ bɛdi ye wɔ ɛleka nwuanzanwuanza ne la; ɔle fɔlɛlilɛ azubɔdeɛ.

Sɛlɛ 5:7

“Na saa ahenle ne ɛnlɛ bie la ati ɔnrɛhola boane anzɛɛ abɔnkye fa a, ɔwɔ kɛ ɔfa abubule anzɛɛ mɔlɔnoma nwiɔ ɔyɛ fɔlɛlilɛ azubɔdeɛ ɔmaa Ɛdɛnkɛma. Nloma nwiɔ ne ko bayɛ ɛtane azubɔdeɛ na ko ayɛ ɛyelalɛ azubɔdeɛ.

Sɛlɛ 5:8

Ɔwɔ kɛ ɔfa ɔbɛlɛ sɛlɛvolɛ ne na sɛlɛvolɛ ne alumua ava ɛtane azubɔdeɛ ne abɔ azu; ɔbahyiba anloma ne ati yeabu ɔ kɔme noko ɔnrɛde ye ɔnrɛvi zolɛ.

Sɛlɛ 6:17

Ɔnle kɛ bɛfa mgbɔvonle bɛwula nuhua na bɛado. Meva memaa bɛ kɛ ɛyelalɛ azubɔdeɛ mɔɔ le nwuanzanwuanza kpalɛ kpalɛ, kɛ ɛtane azubɔdeɛ nee fɔlɛlilɛ azubɔdeɛ la.

Sɛlɛ 6:25

“Ka kile Aalɔn nee ɔ mra ne mɔ kɛ, mɛla mɔɔ wɔ ɛtane azubɔdeɛ nwo la ɛne: Ɛleka mɔɔ bɛku ɛyelalɛ azubɔdeɛ ne la, ɛkɛ ne ala yɛɛ ɔwɔ kɛ bɛku ɛtane azubɔdeɛ ne a, wɔ Ɛdɛnkɛma anyunlu. Ɔle nwuanzanwuanza kpalɛ kpalɛ.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 6:12

na eza yeadu ɔ nwo yeazie ɛkɛ yeamaa Ɛdɛnkɛma bɔkɔɔ. Mekɛ dɛba ne mɔɔ ɔdule ɔ nwo ɔziele ɛkɛ ɔmanle Ɛdɛnkɛma la, bɛndia bɛmboka nwo, ɔboalekɛ evinli hanle ye enrinli nwuanzanwuanza ne. Ɔbava boane ralɛ nyinli mɔɔ ɛli ɛvolɛ ko la yeayɛ fɔlɛlilɛ azubɔdeɛ.