Sɛlɛ 6:6 - BAEBOLO ANZƐƐ BULUKU NWUANZANWUANZA

⁶ Akee ɔwɔ kɛ ɔfa boane nyinli mɔɔ anwo ɛnlɛ dɛne, na wɔnlea wɔpɛ ye bolɛ la ɔyɛ fɔlɛlilɛ azubɔdeɛ ɔbɛlɛ Ɛdɛnkɛma.

Sɛlɛ 6:6 ပူးပေါင်းရင်းမြစ်များ

Ɛzela Buluku ne 10:19

Bɛbɔle ɛwɔkɛ kɛ bɛbɔ bɛ mraalɛ ne mɔ ewole, na bɛvale boane nyinli ko kɛ bɛva bɛbɔ bɛ ɛtane ne mɔ anwo azu.

Nihɛmaya Buluku ne 10:35

Ɛvolɛ biala yɛbava abɛlɛ mɔɔ yɛkɛlumua yɛkɛbu nee ma biala mɔɔ yɛkɛlumua yɛkɛde la yɛahɔ Ɛzonlenlɛ Sua ne anu kɛ azubɔdeɛ.

Yizikeɛle Buluku ne 40:46

Ekpumgbunli ne noko mɔɔ wɔ nyiakɛ na ɔ nye kɔne ɛbɔ nu la le sɛlɛvolɛma mɔɔ yɛ gyima wɔ azukponle ne azo la ɛdeɛ. Sɛlɛvolɛma ɛhye mɔ amuala le Zeedɔko abo zo amra, na bɛmɛ ala a bɛwɔ Livae abusua ekpunli ne anu, mɔɔ ɔwɔ kɛ bɛdi gyima mɔɔ le zɛhae, bɛbikye Ɛdɛnkɛma na bɛsonle ye a.”

Sɛlɛ 14:12

Sɛlɛvolɛ ne bava mboane nyinli ne mɔ ko nee ɔlivi nwole toba foa ko ne ayɛ fɔlɛlilɛ anzɛɛ abozozielɛ azubɔdeɛ, abɔ ehono azu amaa Ɛdɛnkɛma.

Sɛlɛ 5:15

“Saa awie anye ɛnla nwolɛ na ɔyɛ ɛtane kɛ yebu ɔ nye yegua ye diedi gyima zo, mɔɔ fane Ɛdɛnkɛma ninyɛne nwuanzanwuanza ne mɔ anwo a, ɔwɔ kɛ ɔfa fɔlɛlilɛ azubɔdeɛ ɔbɛlɛ Ɛdɛnkɛma. Ɔwɔ kɛ ɔfa boane nyinli mɔɔ anwo ɛnlɛ dɛne, na ɛdawɔ ɛkɛnlea ɛkɛpɛ ye bolɛ wɔ dwɛtɛ fufule nu, kɛmɔ bɛdi ye wɔ ɛleka nwuanzanwuanza ne la; ɔle fɔlɛlilɛ azubɔdeɛ.

Sɛlɛ 5:18

Ɔwɔ kɛ ɔfa boane nyinli mɔɔ anwo ɛnlɛ dɛne, na ɛdawɔ wɔnlea wɔpɛ ye bolɛ mɔɔ nee ɛtane azubɔdeɛ bolɛ sɛ la ɔbɛlɛ sɛlɛvolɛ ne. Na sɛlɛvolɛ ne bayɛ nzɛlɛlɛ ali ɔ ti mgbɔdalɛ amaa ye wɔ ye ɛtane ne mɔɔ ɔ nye ɛnla nwolɛ na yeyɛ la anwo, na bɛkɛva bɛkɛhyɛ ye.

Sɛlɛ 5:7

“Na saa ahenle ne ɛnlɛ bie la ati ɔnrɛhola boane anzɛɛ abɔnkye fa a, ɔwɔ kɛ ɔfa abubule anzɛɛ mɔlɔnoma nwiɔ ɔyɛ fɔlɛlilɛ azubɔdeɛ ɔmaa Ɛdɛnkɛma. Nloma nwiɔ ne ko bayɛ ɛtane azubɔdeɛ na ko ayɛ ɛyelalɛ azubɔdeɛ.