Sɛlɛ 6:4 - BAEBOLO ANZƐƐ BULUKU NWUANZANWUANZA

⁴ saa awie yɛ ɛtane na ɔdi nwolɛ fɔlɛ a, ɔwɔ kɛ ɔfa deɛ ne mɔɔ ɔwuale la bie, anzɛɛ ɔsisile awie ɔvale, anzɛɛ deɛ ne mɔɔ bɛvale bɛwulale ye lɔ awoba, anzɛɛ asedeɛ ne mɔɔ ɔvale la bie ɔsie ɔ bo zo.

Sɛlɛ 6:4 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 21:25

Ebileham hanle nzule bula bie mɔɔ Abemɛlɛke sonvolɛma ne liele vile ɔ sa nu la anwo edwɛkɛ hilele ye.

Nihɛmaya Buluku ne 5:11

Ɛnɛ kenle ye, bɛva bɛ ɛya avule ne mɔ, bɛ vanye egyinli ne mɔ, bɛ ɔlivi ɛya ne mɔ, bɛ azua, ezukoa ngyɛnu ɛya ko ɛkpɔ ko ne, bɛ abɛlɛ, bɛ nwanye nee bɛ ɔlivi nwole mɔɔ bɛliele la kɔsɔɔti bɛmaa bɛ.”

Dwobu Buluku ne 20:19

Ɔluakɛ yesisi ehyianvolɛma na yekpo bɛ, yelie sua mɔɔ tɛ ɔdaye a ɔzile la.

Dwobu Buluku ne 24:2

Menli kakyi azɛlɛ ɛweɛne; bɛwua mboane bɛyɛne bɛ.

Ayezaya Buluku ne 59:6

Bɛ ndendane ne mɔ ɛnrɛyɛ ɛdanlɛ ɛlɛ, yɛɛ awie ɛnrɛva bɛ ndanlɛ mɔɔ bɛnwo la bie ɛnrɛgua ɔ nwo ɛlɛ. Bɛ sa anloa gyima le atisesebɛ gyima, yɛɛ konle ala a bɛzo bɛlua a.

Yizikeɛle Buluku ne 18:12

ɔsisi ehyianvolɛma nee menli mɔɔ yɛ anwunvɔne la, ɔsonle awozonle, ɔbɔ bɛkyi ɛbɛla,

Yizikeɛle Buluku ne 18:18

Ɔ ze ɛdeɛ, kɛmɔ ɔlile amile, ɔwuale ɔ mediema, na ɔbɔle ɛbɛla ɛtane wɔ ye menli ne avinli la, ye ɛtane ne ati, ɔbawu.

Yizikeɛle Buluku ne 18:7

ɔnsisi awie, awie fa debie wula ye awoba a ɔye ɔmaa ye, ɔnwua, ɔmaa mɔɔ ɛhɔne ɛlɛku ye la aleɛ na ɔmaa mɔɔ ɛngeda bie la ɛdanlɛ,

Yizikeɛle Buluku ne 33:15

na amumuyɛnli ne siane mɔɔ bɛvale bɛwulale ye ɛkɛ ne awoba la, ɔfa mɔɔ ɔwuale la ɔmaa ɔ menle mɔ, na ɔdi ngoane mɛla ne mɔ azo, mɔɔ ɔnyɛ ɛtane bieko la a, ɔbanyia ngoane, ɔnrɛwu.

Yizikeɛle Buluku ne 44:19

Na saa bɛkɔ menli ne anwo ɛkɛ ne wɔ findezo alie nwo ɛkɛ ne a, bɛbaye adɛladeɛ ne mɔ mɔɔ bɛwulale bɛzonlenle me la bɛagua ekpumgbunli nwuanzanwuanza ne mɔ anu. Bɛbava adɛladeɛ gyɛne bɛawula, amaa bɛanlua bɛ adɛladeɛ ne mɔ azo bɛanva nwuanzanwuanzayɛlɛ bɛangɔmaa menli ne.

Sɛlɛ 24:18

yɛɛ awie biala mɔɔ kɛhu awie ayɛmoa la, ɔbazie ɔ bo zo. Ngyehyɛlɛ ne a le kɛ, bɛfa ngoane bɛsie ngoane bo zo.

Sɛlɛ 24:21

Awie mɔɔ kɛhu ayɛmoa la, ɔwɔ kɛ ɔsie ɔ bo zo, yɛɛ awie mɔɔ kɛhu sonla la, ɔwɔ kɛ bɛku ye.

Emɔzo Buluku ne 3:10

Ɛdɛnkɛma se, “Menli ɛhye mɔ ɛnze boɛlilɛ deɛ holɛ yɛɛ bɛva konle nee awule ninyɛne bɛyiyi bɛ aranemgbole ne mɔ.

Maeka Buluku ne 2:2

Bɛ nye bolo awie mɔ ɛya avule na bɛsa bɛ bɛdie; bɛ nye bolo awie mɔ azua na bɛdie bɛfi bɛ sa nu; bɛsisi awie mɔ bɛdie bɛ agyadeɛ nee bɛ sua nu amra.

Zɛfanaya Buluku ne 1:9

Kenle zɔhane mebadua awie biala mɔɔ wulu ba nwolodo ne anu, nee bɛdabɛ mɔɔ bɛfa konle nee nwule ninyɛne bɛyi bɛ menle sua ne tɛkɛɛ la kakɛ.”

Malakae Buluku ne 1:13

Bɛmɛ, bɛ edwɛkɛ a le kɛ, ‘Duzu ɛvɛlɛ a le ɛhye?’ Bɛka ɛhye na bɛakpobi bɛ nloa. “Saa bɛbabɔ azu a bɛfa nane mɔɔ bɛwuale, anzɛɛ ɛbubu anzɛɛ ewule ɛha ye la a bɛyɛ azubɔdeɛ bɛbɛlɛ me a. Asoo medie ɛhye a ɔyɛ boɛ?

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 5:7

ɔwɔ kɛ sonla zɔhane ka ye ɛtane ne mɔɔ yeyɛ la, na ɔsie ɔ bo zo, na eza ɔfa deɛ ne mɔɔ ɔzɛkyele ye la ngyɛnu nnu ɛkpɔ ko ɔboka nwolɛ ɔfa ɔmaa ahenle mɔɔ ɔvonle ye la.