Sɛlɛ 6:3 - BAEBOLO ANZƐƐ BULUKU NWUANZANWUANZA

³ anzɛɛ yenwu debie mɔɔ ɛminli la na ɔkeda zolɛ ɔbɔ adalɛ, ɔka nwolɛ ndane, wɔ debie biala mɔɔ menli yɛ nwolɛ ɛtane la anu,

Sɛlɛ 6:3 ပူးပေါင်းရင်းမြစ်များ

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 23:4

“Saa ɛnwu kɛ wɔ kpɔvolɛ ɛnlankɛ anzɛɛ asoaso ɛde ɛlɛkɔ a, kye ye kɔmaa ye.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 28:42

Fa lenen ɛdanlɛ bu aze adɛladeɛ maa bɛ, maa ɔvi bɛ bo ɔdwu bɛ ɛzɔlɛ nwo, amaa bɛ nwo anye angua zo.

Mrɛlɛbulɛ Buluku ne 24:28

Mmadi daselɛ ɛtia ɛ gɔnwo mgbane gyɛne ne ala, yɛɛ mmabɔ adalɛ.

Mrɛlɛbulɛ Buluku ne 30:9

anrɛɛ me ko yi a, menwɔkpo wɔ na menwɔbiza kɛ, “Ɛdɛnkɛma a le nwane?” Anzɛɛ anrɛɛ menwɔli ehyia, menwɔwua, na menwɔgua me Nyamenle ne duma ne anwo evinli.

Gyɛlɛmaya Buluku ne 5:2

Bɛka ndane kɛ, “Meka Ɛdɛnkɛma” bɔbɔ ɛdeɛ, noko bɛka ndane ne adalɛ nu.

Gyɛlɛmaya Buluku ne 7:9

Bɛwua, bɛku menli, bɛto awuvolɛvalɛ mɛla ne, bɛdi amonle bɛbɔ adalɛ, bɛkpu ɛyɛlɛ bɛmaa bozonle Beeyale, bɛsonle nyamenle gyɛne gyɛne mɔɔ bɛnze bɛ la,

Yizikeɛle Buluku ne 44:19

Na saa bɛkɔ menli ne anwo ɛkɛ ne wɔ findezo alie nwo ɛkɛ ne a, bɛbaye adɛladeɛ ne mɔ mɔɔ bɛwulale bɛzonlenle me la bɛagua ekpumgbunli nwuanzanwuanza ne mɔ anu. Bɛbava adɛladeɛ gyɛne bɛawula, amaa bɛanlua bɛ adɛladeɛ ne mɔ azo bɛanva nwuanzanwuanzayɛlɛ bɛangɔmaa menli ne.

Sɛlɛ 1:16

Akee sɛlɛvolɛ ne fa anloma ne toku ne nee ɔ kunlu ninyɛne ne amuala, na ɔto ɔgua azukponle ne foa ko wɔ ye aduduleɛ ɛleka mɔɔ bɛgua nzonle ne la.

Sɛlɛ 16:4

“Ɔwɔ kɛ ɔbia, na ɔwula ye sɛlɛvolɛ adɛladeɛ ne mɔ: Lenen tɛladeɛ bubu nwuanzanwuanza ne, lenen akyeso ne, yɛɛ lenen abɔtile ne.

Sɛlɛ 19:12

Eza bɛmmafa me duma bɛka adalɛ ndane bɛgua bɛ Nyamenle ne duma ne anwo evinli. Medame a mele Ɛdɛnkɛma a.

Zɛkalaya Buluku ne 5:4

Tumivolɛ Ɛdɛnkɛma se ɔbazoa ye yeamaa yeawolo awule awuke biala nee bɛdabɛ mɔɔ bɛfa ye duma bɛka ndane adalɛ la biala awuke nu, na ɔbadɛnla ɛkɛ ne toonwo kɔkpula kɛ sua zɔhane kɛyɛ suadu, na nuhua mbaka nee awolɛ kɛgologolo kɛgua la.”

Malakae Buluku ne 3:5

Tumivolɛ Ɛdɛnkɛma se, “Mebahwe meabikye bɛ na meabua bɛ ndɛne. Mebadea ngonyiama, awuvolɛvalɛma nee bɛdabɛ mɔɔ bɛka ndane mgbane mgbane la ndɛndɛ zo. Mebadea bɛdabɛ mɔɔ bɛsisi gyimayɛvoma wɔ bɛ kakɛdualɛ nu, bɛdabɛ mɔɔ bɛsisi ahunlanvolɛ nee nrisa, bɛdabɛ mɔɔ bɛmbu nyɛvolɛ yɛɛ bɛdabɛ mɔɔ bɛnzulo me la.”