Sɛlɛ 6:26 - BAEBOLO ANZƐƐ BULUKU NWUANZANWUANZA

²⁶ Sɛlɛvolɛ ne mɔɔ kɛbɔ ɛtane azu ne la ɔwɔ kɛ di ye wɔ ɛleka mɔɔ te la, wɔ Ɛdɛnkɛma Ndanlɛ Sua ne alie ne anwo.

Sɛlɛ 6:26 ပူးပေါင်းရင်းမြစ်များ

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 40:33

Mosisi wowale Ndanlɛ Sua ne nee azukponle ne anwo na ɔvale ɛdanlɛ ɔhendanle ye anuhɔlɛ kpole ne anu. Na Mosisi wiele gyima ne yɛ.

Yizikeɛle Buluku ne 42:13

Akee nrenya ne zele me kɛ, “Sua ne mɔɔ gyi ɛbɔ nu afoa nu nee ko ne mɔɔ gyi nyiakɛ la le azua mɔɔ anwo te a. Ɛkɛ ne ekpumgbunli ne mɔ anu yɛɛ sɛlɛvolɛma mɔɔ finde Ɛdɛnkɛma anyunlu la bali bɛ aleɛ nwuanzanwuanza ne mɔ a. Ɛkɛ ne yɛɛ bɛbava aleɛ nwuanzanwuanza ne mɔ mɔɔ le ma azubɔdeɛ, ɛtane azubɔdeɛ, yɛɛ abozozielɛ azubɔlɛ ninyɛne ne mɔ bazie a, ɔluakɛ ɛleka ne le nwuanzanwuanza.

Yizikeɛle Buluku ne 46:20

na ɔzele me kɛ, “Ɛke a sɛlɛvolɛma ne bado ɛtane azubɔdeɛ ne nee abozozielɛ azubɔdeɛ ne mɔ a; ɛke a bɛbado ma azubɔdeɛ ne mɔ a, amaa bɛanva bɛanvinde Ɛzonlenlɛ Sua ne findezo alie nwo ɛkɛ, na bɛava nwuanzanwuanzayɛlɛ bɛaha menli ne.”

Hozia Buluku ne 4:8

Bɛdidi me menli ne ɛtane nwo, bɛyɛ adidikpoku wɔ me menli ne ɛtaneyɛlɛ nwo.

Sɛlɛ 6:16

Aalɔn nee ɔ mra mrenya ne mɔ bali mɔɔ kɛha la. Ɔnle kɛ bɛfa mgbɔvonle bɛwula nu na bɛali, yɛɛ ɔwɔ kɛ bɛdi ye ɛleka mɔɔ te la. Ɛdɛnkɛma Ndanlɛ Sua ne alie ne anwo a ɔwɔ kɛ bɛdi zɔhane aleɛ ne a.

Sɛlɛ 6:17

Ɔnle kɛ bɛfa mgbɔvonle bɛwula nuhua na bɛado. Meva memaa bɛ kɛ ɛyelalɛ azubɔdeɛ mɔɔ le nwuanzanwuanza kpalɛ kpalɛ, kɛ ɛtane azubɔdeɛ nee fɔlɛlilɛ azubɔdeɛ la.

Sɛlɛ 6:29

Nrenya biala mɔɔ wɔ sɛlɛvolɛma ne anu la kola di bie Ɔle nwuanzanwuanza kpalɛ kpalɛ.

Sɛlɛ 7:7

“Abozozielɛ azubɔdeɛ ne le kɛ ɛtane azubɔdeɛ ne ala la, yɛɛ bɛ mu nwiɔ bɛ nwo mɛla le ko. Sɛlɛvolɛ ne mɔɔ fa ayɛ mgbɔdalɛ azubɔdeɛ ne la ɛdeɛ ɔ.

1 Kɔl 9:13

Nɔhalɛ, bɛze kɛ menli mɔɔ yɛ Ɛzonlenlɛ Sua nu gyima la nyia bɛ aleɛ fi Ɛzonlenlɛ Sua ne anu, yɛɛ bɛdabɛ mɔɔ bɛboa azubɔlɛ nu wɔ azukponle ne anyunlu la nyia ninyɛne ne mɔ mɔɔ bɛfa bɛbɔ azu ne la bie.