Sɛlɛ 6:22 - BAEBOLO ANZƐƐ BULUKU NWUANZANWUANZA

²² Sɛlɛvolɛ ne mɔɔ bɛbaye ye wɔ Aalɔn amra mrenya ne mɔ anu bɛamaa yeali ye agya la babɔ zɔhane azu ne amaa Ɛdɛnkɛma, kɛmɔ meyɛ ye mɛla na ɔla ɛkɛ ne dahuu la. Ɔwɔ kɛ bɛyela bɛ muala.

Sɛlɛ 6:22 ပူးပေါင်းရင်းမြစ်များ

Ayezaya Buluku ne 53:10

Ɛdɛnkɛma se, “Noko ɔle me ɛhulolɛ kɛ bɛkɛbodɛboda ye, na ɔkɛnwu amaneɛ dɔɔnwo; na ɔkɛva ɔ nwo ɔkɛbɔ azu ɔkɛmaa ɛtane. Ɔbanyi yeahyɛ na yeanwu ɔ bo zo amra, na ɔlua ɔ nwo zo Ɛdɛnkɛma ɛhulolɛ ne ali munli.

Hozia Buluku ne 4:8

Bɛdidi me menli ne ɛtane nwo, bɛyɛ adidikpoku wɔ me menli ne ɛtaneyɛlɛ nwo.

Sɛlɛ 3:17

Ɔwɔ kɛ ɛhye yɛ mɛla mɔɔ wɔ ɛkɛ ne dahuu wɔ bɛ awolɛndoazo kɔsɔɔti anu, wɔ ɛleka biala mɔɔ bɛde la; ɔnle kɛ bɛdi nane ɛnlome anzɛɛ mogya.”

Sɛlɛ 4:24

Akee ɔfa ɔ sa ɔto abɔnkye ne ati zo, na ɔku ye wɔ ɛleka mɔɔ bɛku ɛyelalɛ azubɔdeɛ ne mɔ la wɔ Ɛdɛnkɛma anyunlu Ɔle ɛtane azubɔdeɛ.

Sɛlɛ 4:3

na saa ahenle le sɛlɛvolɛ mɔɔ bɛkpokpa ye nwole la yɛɛ ɛyɛ ɛtane ɛva evinli ɛha menli ne a, bɛmaa ɔva ɛnlankɛ nyinli edonraa mɔɔ anwo ɛnlɛ dɛne la ɔyɛ azubɔdeɛ ɔmaa Ɛdɛnkɛma wɔ ye ɛtane ne mɔɔ yeyɛ la anwo.

Sɛlɛ 6:10

Sɛlɛvolɛ ne bawula ye lenen tɛladeɛ tendenle ne nee ye lenen nika ne, na yeavula ɛyelalɛ azubɔdeɛ ne nzonle ne mɔɔ wɔ azukponle ne abo la yeazie azukponle ne foa ko.

Sɛlɛ 6:11

Akee ɔbakpa ye adɛladeɛ ne mɔ yeagua, yeava adɛladeɛ gyɛne yeawula, na yeava nzonle ne yeahɔ azokoɛleɛ ne kandiba ɛleka mɔɔ le bɔkɔbɔkɔ la.

Sɛlɛ 6:21

Ɔwɔ kɛ bɛfa nwole bɛfɔtɔ na bɛdoa ye wɔ bulalɛ ɛyɛba fulonvule nu. Ɔwɔ kɛ bɛfɔtɔ ye kpalɛ na bɛbɔ ye ngyikyi ngyikyi bɛdoa kɛ ma azubɔdeɛ mɔɔ ye evuanlɛ sɔ Ɛdɛnkɛma anye la bɛbɛlɛ ye.

Sɛlɛ 6:23

Ɔwɔ kɛ bɛyela sɛlɛvolɛ biala ma azubɔdeɛ. Ɔnle kɛ bɛdi.”

Sɛlɛ 8:21

Akee bɛvale nzule bɛnrinzinle nane ne ndwɛlɛ ne nee ɔ kunlu ninyɛne ne mɔ anwo na Mosisi yelale boane mumua ne amuala wɔ azukponle ne azo, kɛ ɛyelalɛ azubɔdeɛ. Ɔbɔ evuanlɛ, na ɔle azu mɔɔ bɛfa senle bɛbɔ bɛmaa Ɛdɛnkɛma, kɛmɔ Ɛdɛnkɛma zele Mosisi la.

Mɛla 10:6

(Yizilayɛma vile Gyeeyakanema bula ne mɔ anwo na bɛhɔle Mosɛla. Ɛkɛ ne yɛɛ Aalɔn wule na bɛziele ye a. Ɔ ra Ɛlieza lile ye agya yɛle sɛlɛvolɛ.

Kɛlata mɔɔ bɛhɛlɛle bɛhɔmanle Hibuluma la 7:23

Ngakyile bieko wɔ ɛkɛ: sɛlɛvolɛ ɛhendeɛ ne mɔ zonle, ɔluakɛ bɛwule na bɛangola bɛanyɛ bɛ gyima ne.