Sɛlɛ 6:17 - BAEBOLO ANZƐƐ BULUKU NWUANZANWUANZA

¹⁷ Ɔnle kɛ bɛfa mgbɔvonle bɛwula nuhua na bɛado. Meva memaa bɛ kɛ ɛyelalɛ azubɔdeɛ mɔɔ le nwuanzanwuanza kpalɛ kpalɛ, kɛ ɛtane azubɔdeɛ nee fɔlɛlilɛ azubɔdeɛ la.

Sɛlɛ 6:17 ပူးပေါင်းရင်းမြစ်များ

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 29:37

Ɛbayɛ mgbɔdalɛ nzɛlɛlɛ ne na wɔanlua azukponle ne kenle ko biala toonwo kenle nsuu. Akee azukponle ne anwo bade, ayɛ nwuanzanwuanza bɔkɔɔ, na ye nwuanzanwuanzayɛlɛ ne bamaa awie anzɛɛ debie biala mɔɔ kɛzɔ nu la anwo ade ayɛ nwuanzanwuanza.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 40:10

Bieko, fa nwole kpokpa azukponle ne nee nwolɛ debie biala, tu bɛ maa Ɛdɛnkɛma na bɛkɛyɛ nwuanzanwuanza kpalɛ.

Sɛlɛ 10:16

Akee Mosisi bizebizale abɔnkye ne mɔɔ bɛvale bɛyɛle ɛtane azubɔdeɛ ne la anwo edwɛkɛ kpalɛ, na ɔnwunle kɛ bɛyelale ye. Ɔvale Aalɔn amra mrenya ne mɔ mɔɔ ɛha la, Ɛlieza nee Yetamaa anwo ɛya na ɔbizale bɛ kɛ,

Sɛlɛ 2:11

“Ɔnle kɛ bɛfa mgbɔvonle bɛwula ma azubɔdeɛ biala mɔɔ bɛfa bɛarɛlɛ Ɛdɛnkɛma la anu. Ɔluakɛ ɔnle kɛ bɛyela mgbɔvonle anzɛɛ wolɛ biala kɛ ɛyelalɛ azubɔdeɛ bɛmaa Ɛdɛnkɛma.

Sɛlɛ 2:3

Esamo ne mɔɔ kɛha la le Aalɔn nee ɔ mra ne mɔ ɛdeɛ. Ɔle ɛyelalɛ azubɔdeɛ mɔɔ bɛva bɛmaa Ɛdɛnkɛma na nwolɛ te kpole kpalɛ a.

Sɛlɛ 6:25

“Ka kile Aalɔn nee ɔ mra ne mɔ kɛ, mɛla mɔɔ wɔ ɛtane azubɔdeɛ nwo la ɛne: Ɛleka mɔɔ bɛku ɛyelalɛ azubɔdeɛ ne la, ɛkɛ ne ala yɛɛ ɔwɔ kɛ bɛku ɛtane azubɔdeɛ ne a, wɔ Ɛdɛnkɛma anyunlu. Ɔle nwuanzanwuanza kpalɛ kpalɛ.

Sɛlɛ 6:26

Sɛlɛvolɛ ne mɔɔ kɛbɔ ɛtane azu ne la ɔwɔ kɛ di ye wɔ ɛleka mɔɔ te la, wɔ Ɛdɛnkɛma Ndanlɛ Sua ne alie ne anwo.

Sɛlɛ 6:29

Nrenya biala mɔɔ wɔ sɛlɛvolɛma ne anu la kola di bie Ɔle nwuanzanwuanza kpalɛ kpalɛ.

Sɛlɛ 7:1

“Abozozielɛ (fɔlɛlilɛ) azubɔdeɛ nwo mɛla ne ɛne; ɔle nwuanzanwuanza kpalɛ kpalɛ.

Sɛlɛ 7:6

Nrenya biala mɔɔ wɔ sɛlɛvolɛma ne anu la kola di bie Ɔwɔ kɛ bɛdi ye wɔ ɛleka mɔɔ te la. Ɔle nwuanzanwuanza kpalɛ kpalɛ.

Sɛlɛ 7:7

“Abozozielɛ azubɔdeɛ ne le kɛ ɛtane azubɔdeɛ ne ala la, yɛɛ bɛ mu nwiɔ bɛ nwo mɛla le ko. Sɛlɛvolɛ ne mɔɔ fa ayɛ mgbɔdalɛ azubɔdeɛ ne la ɛdeɛ ɔ.

1 Pit 2:22

Yeanyɛ ɛtane biala, yɛɛ yeambɔ adalɛ yeangile awie biala.