Sɛlɛ 6:13 - BAEBOLO ANZƐƐ BULUKU NWUANZANWUANZA

¹³ Ɔwɔ kɛ senle ne mɔɔ wɔ azukponle ne azo la boa nuhua mekɛ biala; ɔnle kɛ ɔnu.

Sɛlɛ 6:13 ပူးပေါင်းရင်းမြစ်များ

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 29:1

“Akee mɔɔ ɛbayɛ wɔamaa Aalɔn nee ɔ mra mrenya ne mɔ na wɔadu bɛ wɔazie ahane wɔamaa me, wɔamaa bɛayɛ me sɛlɛvolɛma la ɛne: fa ɛnlankɛ nyinli edonraa ko nee mboane nyinli nwiɔ mɔɔ bɛ nwo ɛnlɛ dɛne la,

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 29:2

kpanwo mɔɔ mgbɔvonle ɛnle nu, keeki mɔɔ mgbɔvonle ɛnle nu mɔɔ bɛva nwole bɛfete la, yɛɛ belɛde mɔɔ mgbɔvonle ɛnle nu na bɛva nwole bɛvɔ ɔ nyunlu la. Ɛbava esamo kpalɛ a wɔayɛ ɛhye mɔ amuala a.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 29:40

Fa esamo kpalɛ kilo ko na fa nwole anye kɛnlɛma litili ko fete; akee gua nza nwanye litili ko fa ye ɛdɛne.

Ayezaya Buluku ne 31:9

Bɛ bodane ne mɔɔ gyi bɛ nzi, belemgbunli ne bava ɛzulolɛ anriandi, yɛɛ ye safohyenlema ne mɔ anye zo bada bɛ na bɛanriandi bɛagyakyi bɛ konle fɛlɛnra ne mɔ. Kɛ Ɛdɛnkɛma, mɔɔ ye senle wɔ Zayɔn, na ye fonlomo wɔ Gyɛlusalɛm la, se la ɛne.

Yizikeɛle Buluku ne 40:46

Ekpumgbunli ne noko mɔɔ wɔ nyiakɛ na ɔ nye kɔne ɛbɔ nu la le sɛlɛvolɛma mɔɔ yɛ gyima wɔ azukponle ne azo la ɛdeɛ. Sɛlɛvolɛma ɛhye mɔ amuala le Zeedɔko abo zo amra, na bɛmɛ ala a bɛwɔ Livae abusua ekpunli ne anu, mɔɔ ɔwɔ kɛ bɛdi gyima mɔɔ le zɛhae, bɛbikye Ɛdɛnkɛma na bɛsonle ye a.”

Sɛlɛ 6:12

Ɔwɔ kɛ senle ne mɔɔ wɔ azukponle ne azo la boa nuhua dahuu. Ɔnle kɛ ɔnu. Ɔwɔ kɛ sɛlɛvolɛ ne fa ɛyɛne wula nu nwonlomɔ biala na ɔsiezie ɛyelalɛ azubɔdeɛ ne boɛ wɔ zolɛ, na ɔyela anzonudwolɛ azubɔdeɛ ɛnlome ne.

Sɛlɛ 6:14

“Mɛla mɔɔ wɔ ma azubɔdeɛ nwo noko la ɛne. Aalɔn amra ne mɔ bava azubɔdeɛ ne amaa Ɛdɛnkɛma wɔ azukponle ne anyunlu ɛkɛ.

Sɛlɛ 6:9

“Ka kile Aalɔn nee ɔ mra ne mɔ kɛ: Mɛla mɔɔ wɔ ɛyelalɛ azubɔdeɛ nwo la ɛne. Ɔwɔ kɛ ɛyelalɛ azubɔdeɛ ne da azukponle ne azo anyevinle ne nɔe ne toonwo alehyenlɛ, yɛɛ ɔwɔ kɛ azukponle ne azo senle ne sɔ bɔ ye.

Sɛlɛ 9:24

Na senle vi Ɛdɛnkɛma ɛkɛ ne rayelale ɛyelalɛ azubɔdeɛ ne nee nane ɛnlome ne mɔɔ wɔ azukponle ne azo la. Menli ne amuala nwunle ye la, bɛdeɛdeanle nuhua na bɛbutubutule bɛ nye aze.