Sɛlɛ 6:11 - BAEBOLO ANZƐƐ BULUKU NWUANZANWUANZA

¹¹ Akee ɔbakpa ye adɛladeɛ ne mɔ yeagua, yeava adɛladeɛ gyɛne yeawula, na yeava nzonle ne yeahɔ azokoɛleɛ ne kandiba ɛleka mɔɔ le bɔkɔbɔkɔ la.

Sɛlɛ 6:11 ပူးပေါင်းရင်းမြစ်များ

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 29:37

Ɛbayɛ mgbɔdalɛ nzɛlɛlɛ ne na wɔanlua azukponle ne kenle ko biala toonwo kenle nsuu. Akee azukponle ne anwo bade, ayɛ nwuanzanwuanza bɔkɔɔ, na ye nwuanzanwuanzayɛlɛ ne bamaa awie anzɛɛ debie biala mɔɔ kɛzɔ nu la anwo ade ayɛ nwuanzanwuanza.

Yizikeɛle Buluku ne 44:19

Na saa bɛkɔ menli ne anwo ɛkɛ ne wɔ findezo alie nwo ɛkɛ ne a, bɛbaye adɛladeɛ ne mɔ mɔɔ bɛwulale bɛzonlenle me la bɛagua ekpumgbunli nwuanzanwuanza ne mɔ anu. Bɛbava adɛladeɛ gyɛne bɛawula, amaa bɛanlua bɛ adɛladeɛ ne mɔ azo bɛanva nwuanzanwuanzayɛlɛ bɛangɔmaa menli ne.

Sɛlɛ 16:27

Akee bɛbazoa ɛnlankɛ ne nee abɔnkye ne mɔɔ bɛvale bɛyɛle ɛtane azubɔdeɛ ne mɔ, mɔɔ bɛ mogya a bɛvale bɛhɔle Nwuanzanwuanza Nu Nwuanzaanwu Ɛleka ne bɛhɔyɛle mgbɔdalɛ nzɛlɛlɛ ne la bɛahɔ azokoɛleɛ ne kandiba, na bɛayela bɛ nane, nwoma nee bɛ kunlu ninyɛne ne mɔ amuala.

Sɛlɛ 24:9

Kpanwo zɔhane mɔ le Aalɔn nee ɔ mra mrenya ne mɔ ɛdeɛ, yɛɛ ɔwɔ kɛ bɛdi ye wɔ ɛleka mɔɔ le nwuanzanwuanza la, ɔboalekɛ ɔle azubɔdeɛ mɔɔ bɛyela bɛmaa Ɛdɛnkɛma la anu bie Ɔle nwuanzanwuanza kpalɛ kpalɛ na dahuu ɔle sɛlɛvolɛma ne mɔ ɛdeɛ.”

Sɛlɛ 4:21

Sɛlɛvolɛ ne bava ɛnlankɛ ne avinde ahɔ azokoɛleɛ ne kandiba na yeayela ye wɔ ɛkɛ, kɛmɔ ɔyelale alumua ɛdeɛ ne la. Ɔle ezuavolɛ ne ɛtane azubɔdeɛ.

Sɛlɛ 6:10

Sɛlɛvolɛ ne bawula ye lenen tɛladeɛ tendenle ne nee ye lenen nika ne, na yeavula ɛyelalɛ azubɔdeɛ ne nzonle ne mɔɔ wɔ azukponle ne abo la yeazie azukponle ne foa ko.

Sɛlɛ 6:12

Ɔwɔ kɛ senle ne mɔɔ wɔ azukponle ne azo la boa nuhua dahuu. Ɔnle kɛ ɔnu. Ɔwɔ kɛ sɛlɛvolɛ ne fa ɛyɛne wula nu nwonlomɔ biala na ɔsiezie ɛyelalɛ azubɔdeɛ ne boɛ wɔ zolɛ, na ɔyela anzonudwolɛ azubɔdeɛ ɛnlome ne.

Sɛlɛ 6:20

“Azubɔdeɛ mɔɔ ɔwɔ kɛ Aalɔn nee ɔ mra mrenya ne mɔ fa bɛlɛ Ɛdɛnkɛma wɔ kenle mɔɔ bɛkɛkpokpa ye nwole kɛ ɔle sɛlɛvolɛ la ɛne. Ɔwɔ kɛ ɔfa esamo kilo ko ɔyɛ ma azubɔdeɛ dahuu biala. Ɔbava foa ko nwonlomɔ na yeava foa ko ne nɔsolɛ.

Sɛlɛ 6:22

Sɛlɛvolɛ ne mɔɔ bɛbaye ye wɔ Aalɔn amra mrenya ne mɔ anu bɛamaa yeali ye agya la babɔ zɔhane azu ne amaa Ɛdɛnkɛma, kɛmɔ meyɛ ye mɛla na ɔla ɛkɛ ne dahuu la. Ɔwɔ kɛ bɛyela bɛ muala.

Sɛlɛ 7:6

Nrenya biala mɔɔ wɔ sɛlɛvolɛma ne anu la kola di bie Ɔwɔ kɛ bɛdi ye wɔ ɛleka mɔɔ te la. Ɔle nwuanzanwuanza kpalɛ kpalɛ.