Sɛlɛ 5:6 - BAEBOLO ANZƐƐ BULUKU NWUANZANWUANZA

⁶ na ɔfa fɔlɛlilɛ azubɔdeɛ ɔbɛlɛ Ɛdɛnkɛma wɔ ɛtane ne mɔɔ yeyɛ la anwo. Ɔwɔ kɛ ɔfa boane ralɛ belɛ anzɛɛ abɔnkye belɛ ɔyɛ ɛtane azubɔdeɛ, na sɛlɛvolɛ ne yɛ nzɛlɛlɛ di ɔ ti mgbɔdalɛ wɔ ye ɛtane ne anwo.

Sɛlɛ 5:6 ပူးပေါင်းရင်းမြစ်များ

Yizikeɛle Buluku ne 40:39

Anlenkɛ kpole ne sua kpandaanwo ne anu, ɛkponle nna gyigyi ɛkɛ, nwiɔ wɔ ye tɛbanu yɛɛ nwiɔ noko wɔ ye tɛbanu. Ɛkponle ɛhye mɔ azo a bɛku ɛyelalɛ azubɔdeɛ, ɛtane azubɔdeɛ, nee abozozielɛ azubɔdeɛ ne mɔ a.

Yizikeɛle Buluku ne 42:13

Akee nrenya ne zele me kɛ, “Sua ne mɔɔ gyi ɛbɔ nu afoa nu nee ko ne mɔɔ gyi nyiakɛ la le azua mɔɔ anwo te a. Ɛkɛ ne ekpumgbunli ne mɔ anu yɛɛ sɛlɛvolɛma mɔɔ finde Ɛdɛnkɛma anyunlu la bali bɛ aleɛ nwuanzanwuanza ne mɔ a. Ɛkɛ ne yɛɛ bɛbava aleɛ nwuanzanwuanza ne mɔ mɔɔ le ma azubɔdeɛ, ɛtane azubɔdeɛ, yɛɛ abozozielɛ azubɔlɛ ninyɛne ne mɔ bazie a, ɔluakɛ ɛleka ne le nwuanzanwuanza.

Yizikeɛle Buluku ne 44:27

Saa ɔtu evinli ne ɔwie, na kenle mɔɔ ɔlɛkɔ Ɛleka Nwuanzanwuanza ne wɔ Ɛzonlenlɛ Sua ne akunlu lɔ yeahɔzonle la, ɔwɔ kɛ ɔfa ɛtane azubɔdeɛ ɔbɔ azu. Medame, Awulae Nyamenle a mese a.

Sɛlɛ 4:20

Kɛ bɛzile bɛyɛle ɛnlankɛ ne mɔɔ bɛvale bɛyɛle ɛtane azubɔdeɛ ne la, zɔhane ala yɛɛ ɔwɔ kɛ bɛyɛ ɛhye noko a. Akee sɛlɛvolɛ ne bayɛ nzɛlɛlɛ ali bɛ ti mgbɔdalɛ, na bɛbava bɛ ɛtane ne mɔ bɛahyɛ bɛ.

Sɛlɛ 4:28

na saa bɛmaa ɔnwu ye ɛtane ne mɔɔ yeyɛ la a, ɔwɔ kɛ ɔfa abɔnkye belɛ mɔɔ anwo ɛnlɛ dɛne la ɔbabɔ azu wɔ ye ɛtane ne mɔɔ yeyɛ la anwo.

Sɛlɛ 4:31

Ɔbayeye azubɔdeɛ ne akunlu ɛnlome ne amuala, kɛmɔ bɛyɛ anzonudwolɛ azubɔdeɛ la, na akee yeayela ye wɔ azukponle ne azo. Ye evuanlɛ sɔ Ɛdɛnkɛma anye. Sɛlɛvolɛ ne bayɛ nzɛlɛlɛ ali ye ɛtane ne anwo mgbɔdalɛ amaa ye, na bɛkɛva bɛkɛhyɛ ye.

Sɛlɛ 4:32

“Saa ahenle fa boane ralɛ ara kɛ ɛtane azubɔdeɛ a, ɔwɔ kɛ ɔfa belɛ mɔɔ anwo ɛnlɛ dɛne la.

Sɛlɛ 4:35

Ɔbayeye azubɔdeɛ ne akunlu ɛnlome ne amuala, kɛmɔ bɛyeye boane ralɛ ne mɔɔ bɛfa bɛyɛ anzonudwolɛ azubɔlɛ azubɔdeɛ ne mɔ ɛdeɛ ne la. Sɛlɛvolɛ ne bayela ye wɔ azukponle ne azo yeaboka azubɔlɛ ninyɛne mɔɔ bɛyela bɛamaa Ɛdɛnkɛma la anwo. Akee sɛlɛvolɛ ne bayɛ nzɛlɛlɛ ali mgbɔdalɛ amaa ahenle ne wɔ ye ɛtane ne mɔɔ yeyɛ la anwo, na bɛkɛva bɛkɛhyɛ ye.

Sɛlɛ 6:6

Akee ɔwɔ kɛ ɔfa boane nyinli mɔɔ anwo ɛnlɛ dɛne, na wɔnlea wɔpɛ ye bolɛ la ɔyɛ fɔlɛlilɛ azubɔdeɛ ɔbɛlɛ Ɛdɛnkɛma.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 6:12

na eza yeadu ɔ nwo yeazie ɛkɛ yeamaa Ɛdɛnkɛma bɔkɔɔ. Mekɛ dɛba ne mɔɔ ɔdule ɔ nwo ɔziele ɛkɛ ɔmanle Ɛdɛnkɛma la, bɛndia bɛmboka nwo, ɔboalekɛ evinli hanle ye enrinli nwuanzanwuanza ne. Ɔbava boane ralɛ nyinli mɔɔ ɛli ɛvolɛ ko la yeayɛ fɔlɛlilɛ azubɔdeɛ.