Sɛlɛ 5:5 - BAEBOLO ANZƐƐ BULUKU NWUANZANWUANZA

⁵ “Saa awie di fɔlɛ wɔ ɛhye mɔ biala anwo a, ɔwɔ kɛ ɔka ye ɛtane ne mɔɔ yeyɛ la wɔ bagua nu,

Sɛlɛ 5:5 ပူးပေါင်းရင်းမြစ်များ

Dwobu Buluku ne 33:27

na ɔto edwɛne ɔkile menli, ɔse kɛ, ‘Menyɛle ɛtane, na mengyile nɔhalɛ, na meannyia nwolɛ ndeanlɛ.

Edwɛndolɛ Buluku ne 32:5

Menganle me ɛtane mengilele wɔ; meanvea me amumuyɛ zo. Menganle kɛ, “Meka me mɛladonlɛ meahile Ɛdɛnkɛma!” na ɛvale me ɛtane ɛhyɛle me.

Mrɛlɛbulɛ Buluku ne 28:13

Sonla mɔɔ fea ye mɛladonlɛ zo la ɛnrɛkpazi, na sonla mɔɔ ka ye ɛtane na ɔgyakyi ye ɛyɛlɛ la, bɛse ye anwunvɔne.

Gyɛlɛmaya Buluku ne 3:13

Wɔmɔ die to nuhua kɛ ɛdi fɔlɛ kɛ ɛdele medame Ɛdɛnkɛma, wɔ Nyamenle ne anwo atua na ɛhɔle mbaka bo ɛhɔzonlenle nyamenle gyɛne gyɛne, na wɔandie me ne. Medame Ɛdɛnkɛma a mese a.

Daneɛle Buluku ne 9:4

Menzɛlɛle Ɛdɛnkɛma me Nyamenle ne na menganle me nee me menli ne ɛtane ne mɔ mendole gua. Mese: “O Awulae, Nyamenle Bedevinli anwo ɛzulolɛ mɔɔ di wɔ ngyekyeleɛ zo na ɛkile wɔ ɛhulolɛ kpundii ne wɔ menli mɔɔ kulo wɔ, na bɛdi wɔ mɛla nee wɔ ngyehyɛlɛ ne mɔ azo la anwo zo a,

Sɛlɛ 16:21

Ɔbava ɔ sa nwiɔ yeagua abɔnkye ne ati zo, na yeaha Yizilayɛma amumuyɛ ne mɔ mɔɔ bɛyɛ, bɛ mɛladonlɛ nee ɛtane mɔɔ bɛyɛ la amuala yeagua abɔnkye ne ati zo, na yeagyakyi ye yeamaa awie mɔɔ bɛboa bɛye ye la ava ye ahɔ fienemgbole ne anu lɔ.

Sɛlɛ 26:40

“Na saa bɛka bɛ amumuyɛ ne mɔ bɛto gua, bɛka bɛ ze mɔ amumuyɛ ne mɔ mɔɔ bɛ nye la nwo bɛyɛle bɛtiale me na bɛkpole me,

Sɛlɛ 5:13

Akee sɛlɛvolɛ ne bazɛlɛ ɔ ti mgbɔdalɛ amaa ye wɔ ye ɛtane ne mɔɔ yeyɛ la anwo, na bɛbava bɛahyɛ ye. Esamo ne mɔɔ kɛha la le sɛlɛvolɛ ne ɛdeɛ, kɛmɔ ma azubɔdeɛ de la.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 5:7

ɔwɔ kɛ sonla zɔhane ka ye ɛtane ne mɔɔ yeyɛ la, na ɔsie ɔ bo zo, na eza ɔfa deɛ ne mɔɔ ɔzɛkyele ye la ngyɛnu nnu ɛkpɔ ko ɔboka nwolɛ ɔfa ɔmaa ahenle mɔɔ ɔvonle ye la.

Wulo 10:10

Ɔluakɛ saa sonla fa ye ahonle die di a yɛɛ ɔka ye diedi ne ɔ nloa na ɔnyia ngoane a.

Dwɔhyua Buluku ne 7:19

Na Dwɔhyua zele ye kɛ, “Me ra nrenya, ka nɔhalɛ ne na fa anyunlunyia maa Ɛdɛnkɛma mɔɔ le Yizilayɛ Nyamenle ne, na ye ye ayɛlɛ; to mɔɔ wɔyɛ la kpaa nu. Ka mɔɔ wɔyɛ la kile me. Mmafa ɛfea me.”