Sɛlɛ 5:4 - BAEBOLO ANZƐƐ BULUKU NWUANZANWUANZA

⁴ “Anzɛɛ saa awie buke ɔ nloa di amonle kɛ ɔdi ɛtane anzɛɛ ɔyɛ boɛ a, amonle ɛtane biala mɔɔ ahenle ne kɛli la, saa ɔnze bɔbɔ na nzinlii ɔnwu ye a, ɔdi ko biala anwo fɔlɛ.

Sɛlɛ 5:4 ပူးပေါင်းရင်းမြစ်များ

2 Sam 21:7

Na kɛmɔ Devidi nee Sɔɔlo ara Dwɔnatan vale Ɛdɛnkɛma bɔle bɛ nwo ɛwɔkɛ la ati, Devidi gyakyile Dwɔnatan ara Mɛfebɔhyɛte, mɔɔ le Sɔɔlo anlɔnra ne,

2 Arl 6:31

Na ɔzele kɛ, “Saa ɛnɛ kenle ye meammaa bɛanye Hyeefate ara Yilaehya ati ne bɛanvi zo a, Nyamenle ɛdua me kakɛ ɛgua me bie zo.”

Edwɛndolɛ Buluku ne 106:33

ɔluakɛ bɛyɛle bɛmanle ɔdaye ɔvale ɛya, na ɔdendɛle ɛdendɛlɛ ɛtane.

Sɛlɛ 5:13

Akee sɛlɛvolɛ ne bazɛlɛ ɔ ti mgbɔdalɛ amaa ye wɔ ye ɛtane ne mɔɔ yeyɛ la anwo, na bɛbava bɛahyɛ ye. Esamo ne mɔɔ kɛha la le sɛlɛvolɛ ne ɛdeɛ, kɛmɔ ma azubɔdeɛ de la.”

Sɛlɛ 5:3

“Anzɛɛ saa ɔ nwo ka awie mɔɔ anwo ɛnde la, saa duzu debie yɛɛ manle evinli hanle ahenle ne bɔbɔ a, saa ɔnze na nzinlii ɔnwu ye a, ɔdi fɔlɛ.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 30:6

“Saa raalɛ mɔɔ bɛtɛgyale ye la dwenle nwolɛ, anzɛɛ yeandwenle nwolɛ na ɔka ndane anzɛɛ ɔbɔ ɛwɔkɛ kɛ ɔtwe ɔ nwo yeavi debie nwo na nzinlii bɛgya ye, na ɔ hu te nwolɛ bie na yeanga nwolɛ edwɛkɛ kenle ko ne ala a,

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 30:8

Na saa ɔ hu te nwolɛ bie, na yeamkponle zolɛ a, ɔnle kɛ ɔdi ye ndane ne azo, yɛɛ Ɛdɛnkɛma bava ye ɛtane ahyɛ ye.

Edwɛkpa ne kɛmɔ Mateyu hɛlɛle la 14:7

na ɔhanle ndane ɔbɔle ye ɛwɔkɛ kɛ debie biala mɔɔ ɔkɛbiza la ɔkɛva ɔkɛmaa ye.

Edwɛkpa ne kɛmɔ Mateyu hɛlɛle la 14:9

Nyane hanle belemgbunli ne, noko kɛmɔ yeha ndane wɔ ye nyɛvolɛ ne mɔ anyunlu la ati, ɔhanle kɛ bɛyɛ mɔɔ kakula raalɛ ne kpondɛ la bɛmaa ye.

Edwɛkpa ne kɛmɔ Maake hɛlɛle la 6:23

Akee ɔhanle ndane kɛ, “Debie biala mɔɔ ɛkulo la, biza, saa me belemgbunli maanle ye foa ko bɔbɔ a, menwɔva menwɔmaa wɔ.”

Ɛzoanvolɛma Gyima ne 23:12

Aleɛ hyenle la, Dwuuma bie yɛle ko vale adwenle na bɛlile amonle kɛ saa bɛtɛkunle Pɔɔlo a bɛnrɛli aleɛ yɛɛ bɛnrɛnlo nzule.

Dwɔhyua Buluku ne 2:14

Yizilayɛma nwiɔ ne zele ye kɛ, “Mɔɔ kɛhu wɔ la ɛhu yɛ! Mɔɔ yɛrayɛ la, saa wɔanga wɔangile awie biala a, yɛbɔ ɛwɔkɛ kɛ, saa Ɛdɛnkɛma fa azɛlɛ ye maa yɛ a, yɛkɛyɛ wɔ boɛ.”

Dwɔhyua Buluku ne 9:15

Dwɔhyua nee Gebɛyɔnoma ne yɛle anzonudwolɛ ngyehyɛlɛ mɔɔ bamaa bɛadɛnla ngoane nu a. Yizilayɛma mgbanyinli ne mɔ hanle ndane kɛ bɛkɛli ngyehyɛlɛ ne azo.

Maanlebuvolɛma Buluku ne 11:31

na mesia meara sua nu, na awie biala mɔɔ kɛlumua kɛvi me sua nu ɛkɛ ne kɛvinde kɛ ɔbayia me la le wɔ ɛdeɛ. Mebava ye meayɛ ɛyelalɛ azubɔdeɛ meabɔ azu meamaa wɔ.”

Maanlebuvolɛma Buluku ne 21:18

Noko akee yɛngola yɛnva yɛ mra mraalɛ yɛmmaa bɛ agyalɛ.” Ɔluakɛ Yizilayɛma ɛha ndane kɛ, “Munzule ɛha awie biala mɔɔ kɛva ɔ ra raalɛ kɛmaa Bɛngyamanenli kɛgya la.”

Maanlebuvolɛma Buluku ne 21:7

Kɛ ɔkɛyɛ na yɛanyia mraalɛ yɛamaa bɛdabɛ mɔɔ bɛha la agya ɛ? Ɔluakɛ yɛli amonle yɛha ndane wɔ Ɛdɛnkɛma anyunlu kɛ yɛnrɛva yɛ mra mraalɛ yɛnrɛmaa bɛ agyalɛ ɛlɛ.”

Maanlebuvolɛma Buluku ne 9:19

ɔboalekɛ ɔle bɛ nwo sonla. Saa bɛdabɛ bɛnea bɛ ti anu, na bɛli nɔhalɛ kɛ bɛwula Gedɛyɔn nee ye awuke nu amra anyunlunyia ɛnɛ ɛdeɛ a, ɛnee Abemɛlɛke ati, bɛli fɛlɛko na ɔdaye noko ɔli fɛlɛko wɔ bɛ ti.

1 Sam 1:11

Na Hana bɔle ɛwɔkɛ kɛ, “Tumivolɛ Ɛdɛnkɛma, to ɛ nye nea me, wɔ sonvolɛ; mehyia na kakye me; mmamaa ɛ rɛle fi me. Mebɔ ɛwɔkɛ kɛ saa ɛmaa menyia ɛkolɛ mewo ralɛ nrenya a menwɔdu ye nee ye ɛbɛlabɔlɛ muala menwɔmaa wɔ, na ye enrinli ko bɔbɔ, bɛnrɛde bɛnrɛdo aze.”

1 Sam 25:22

Menli zɔhane mɔ, saa meangu bɛ meambɔ bɛ bo zo kolaa na maanle nu atete a, Nyamenle ɛhu me.”