Sɛlɛ 5:17 - BAEBOLO ANZƐƐ BULUKU NWUANZANWUANZA

¹⁷ “Saa awie anye ɛnla nwolɛ na ɔyɛ ninyɛne mɔɔ Ɛdɛnkɛma ɛze kɛ bɛmmayɛ la bie a, yeyɛ ɛtane, yɛɛ ɔdi fɔlɛ, na ye ɛtane zo ye.

Sɛlɛ 5:17 ပူးပေါင်းရင်းမြစ်များ

Edwɛndolɛ Buluku ne 19:12

Awie ɛngola ɛnnwu ɔdaye ye nvonleɛ, Ɛdɛnkɛma, die me fi me nvonleɛ mɔɔ vea la anu.

Sɛlɛ 4:13

“Saa Yizilayɛ maanlema kɔsɔɔti andwenle nwolɛ na bɛannwu ye la ati bɛyɛ ɛtane na bɛdi fɔlɛ kɛ bɛyɛ ninyɛne mɔɔ Ɛdɛnkɛma ɛze bɛ kɛ bɛmmayɛ la bie,

Sɛlɛ 4:22

“Saa maanle kpanyinli bie andwenle nwolɛ na ɔyɛ ɛtane, na ɔdi fɔlɛ kɛ yeyɛ ninyɛne mɔɔ Ɛdɛnkɛma ye Nyamenle ne ɛze kɛ bɛmmayɛ la bie,

Sɛlɛ 4:27

“Saa koahweabane bie andwenle nwolɛ na ɔyɛ ɛtane, na ɔdi fɔlɛ kɛ yeyɛ ninyɛne mɔɔ Ɛdɛnkɛma ɛze kɛ bɛmmayɛ la bie,

Sɛlɛ 5:15

“Saa awie anye ɛnla nwolɛ na ɔyɛ ɛtane kɛ yebu ɔ nye yegua ye diedi gyima zo, mɔɔ fane Ɛdɛnkɛma ninyɛne nwuanzanwuanza ne mɔ anwo a, ɔwɔ kɛ ɔfa fɔlɛlilɛ azubɔdeɛ ɔbɛlɛ Ɛdɛnkɛma. Ɔwɔ kɛ ɔfa boane nyinli mɔɔ anwo ɛnlɛ dɛne, na ɛdawɔ ɛkɛnlea ɛkɛpɛ ye bolɛ wɔ dwɛtɛ fufule nu, kɛmɔ bɛdi ye wɔ ɛleka nwuanzanwuanza ne la; ɔle fɔlɛlilɛ azubɔdeɛ.

Sɛlɛ 5:18

Ɔwɔ kɛ ɔfa boane nyinli mɔɔ anwo ɛnlɛ dɛne, na ɛdawɔ wɔnlea wɔpɛ ye bolɛ mɔɔ nee ɛtane azubɔdeɛ bolɛ sɛ la ɔbɛlɛ sɛlɛvolɛ ne. Na sɛlɛvolɛ ne bayɛ nzɛlɛlɛ ali ɔ ti mgbɔdalɛ amaa ye wɔ ye ɛtane ne mɔɔ ɔ nye ɛnla nwolɛ na yeyɛ la anwo, na bɛkɛva bɛkɛhyɛ ye.

Sɛlɛ 5:19

Ɔle fɔlɛlilɛ azubɔdeɛ, ɔluakɛ ɔdi fɔlɛ wɔ Ɛdɛnkɛma anyunlu.”

Edwɛkpa ne kɛmɔ Luku hɛlɛle la 12:48

Na sonvolɛ mɔɔ ɛnze mɔɔ ɔ menle kpondɛ, na ɔyɛ debie mɔɔ ɔwɔ kɛ bɛbila ye empele a, yemɔ bɛkɛbila ye ekyii bie ala. Sonla mɔɔ bɛkɛmaa ye ninyɛne dɔɔnwo la, bɛkɛlie ninyɛne dɔɔnwo wɔ ye ɛkɛ ne, yɛɛ mɔɔ bɛkɛva dɔɔnwo kpalɛ bɛkɛwula ɔ sa nu la, bɛkɛbiza ye bɛkɛlie dɔɔnwo kpalɛ bɛkɛvi ye ɛkɛ.

Wulo 14:23

Na saa wɔ adwenle yɛ wɔ kesee wɔ debie mɔɔ ɛdi la anwo na ɛdi a, ɛbali fɔlɛ kɛ ɛlile a, ɔluakɛ wɔanlua diedi zo a ɛlile a. Debie biala mɔɔ ye ɛyɛlɛ ɛngyi diedi zo la le ɛtaneyɛlɛ.