Sɛlɛ 5:16 - BAEBOLO ANZƐƐ BULUKU NWUANZANWUANZA

¹⁶ Eza ɔwɔ kɛ ɔsie mɔɔ ɔyɛle a yeanyɛ ye boɛ wɔ ninyɛne nwuanzanwuanza ne mɔ anwo la abo zo, na ɔfa mɔɔ ɔ nee ye rale la ngyɛnu nnu ɛkpɔ ko ɔboka nwolɛ ɔmaa sɛlɛvolɛ ne; na sɛlɛvolɛ ne bava boane azubɔdeɛ ne ayɛ nzɛlɛlɛ ali mgbɔdalɛ amaa ye, na bɛkɛva ye ɛtane bɛkɛhyɛ ye.

Sɛlɛ 5:16 ပူးပေါင်းရင်းမြစ်များ

Edwɛndolɛ Buluku ne 69:4

Bɛdabɛ mɔɔ bɛkpɔ me mgbane gyɛne la zonle tɛla me ti enrinli; menli mɔɔ kpondɛ ahu me la anwo yɛ se, yɛɛ adalɛ ala a bɛbɔ ye me nwo a. Debie mɔɔ meanwua la, ɔwɔ kɛ metua ɔ?

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 22:1

“Saa awie wua ɛnlankɛ nyinli anzɛɛ boane na ɔku ye anzɛɛ ɔtɔne ye a, ɔbava nlankɛ nyinli nnu yeazie ɛnlankɛ ko ne abo zo, anzɛɛ mboane nna yeazie boane ko ne abo zo.

Sɛlɛ 22:14

“Saa awie ɛnze na ɔdi aleɛ nwuanzanwuanza ne bie a, ɔwɔ kɛ ɔtua deɛ nwuanzanwuanza ne kakɛ ɔmaa sɛlɛvolɛ ne na eza ɔkyɛ deɛ ne bolɛ ne anu nnu, ɔtua ko ɔboka nwolɛ.

Sɛlɛ 27:13

Na saa ahenle mɔɔ vale ayɛmoa ne rale la kulo kɛ ɔkpɔne ye ayɛmoa ne a, ɔbava bolɛ ne mɔɔ sɛlɛvolɛ ne bɔle la ngyɛnu nnu ɛkpɔ ko yeado ayɛmoa ne ati bolɛ ne azo yeadɔ.

Sɛlɛ 27:15

Na saa ahenle mɔɔ dule sua ne manle Ɛdɛnkɛma la se kɛ ɔkpɔne ye sua ne a, ɔbava sua ne ati bolɛ ngyɛnu nnu ɛkpɔ ko yeado sua ne ati bolɛ ne azo, yeadua sua ne kakɛ na sua ne ayɛ ye ɛdeɛ.

Sɛlɛ 27:27

Saa ayɛmoa ne anwo ɛnde a, yemɔ ɔ menle kola tɔ ye bolɛ mɔɔ bɛkɛpɛ bɛkɛdo nwolɛ la, na ɔfa bolɛ ne ngyɛnu nnu ɛkpɔ ko ɔboka nwo. Saa yeangola ye kpɔne a, bɛbadɔne ye, kɛmɔ bɛsesenle ala la.

Sɛlɛ 27:31

Saa awie kpondɛ kɛ eza ɔtɔ ye ngyɛnu bulu ɛkpɔ ko ne a, ɔwɔ kɛ ɔfa deɛ ne ati bolɛ ne ngyɛnu nnu ɛkpɔ ko ɔboka deɛ ne ati bolɛ ne anwo.

Sɛlɛ 4:20

Kɛ bɛzile bɛyɛle ɛnlankɛ ne mɔɔ bɛvale bɛyɛle ɛtane azubɔdeɛ ne la, zɔhane ala yɛɛ ɔwɔ kɛ bɛyɛ ɛhye noko a. Akee sɛlɛvolɛ ne bayɛ nzɛlɛlɛ ali bɛ ti mgbɔdalɛ, na bɛbava bɛ ɛtane ne mɔ bɛahyɛ bɛ.

Sɛlɛ 4:26

Ɔbayela nane ne anu ɛnlome ne amuala wɔ azukponle ne azo, kɛmɔ bɛfa anzonudwolɛ azubɔdeɛ bɛabɔ azu a bɛyɛ ye la Yemɔti sɛlɛvolɛ ne bayɛ nzɛlɛlɛ ali ye ɛtane ne anwo mgbɔdalɛ amaa ye, na bɛkɛva ye ɛtane ne bɛkɛhyɛ ye.

Sɛlɛ 5:10

Akee sɛlɛvolɛ ne bava mɔɔ tɔ zolɛ nwiɔ la abɔ ɛyelalɛ azu, kɛmɔ mɛla ne kile la. Sɛlɛvolɛ ne bayɛ nzɛlɛlɛ ali ɔ ti mgbɔdalɛ amaa ye wɔ ye ɛtane ne mɔɔ yeyɛ la anwo, na bɛkɛva bɛkɛhyɛ ye.

Sɛlɛ 5:13

Akee sɛlɛvolɛ ne bazɛlɛ ɔ ti mgbɔdalɛ amaa ye wɔ ye ɛtane ne mɔɔ yeyɛ la anwo, na bɛbava bɛahyɛ ye. Esamo ne mɔɔ kɛha la le sɛlɛvolɛ ne ɛdeɛ, kɛmɔ ma azubɔdeɛ de la.”

Sɛlɛ 5:6

na ɔfa fɔlɛlilɛ azubɔdeɛ ɔbɛlɛ Ɛdɛnkɛma wɔ ɛtane ne mɔɔ yeyɛ la anwo. Ɔwɔ kɛ ɔfa boane ralɛ belɛ anzɛɛ abɔnkye belɛ ɔyɛ ɛtane azubɔdeɛ, na sɛlɛvolɛ ne yɛ nzɛlɛlɛ di ɔ ti mgbɔdalɛ wɔ ye ɛtane ne anwo.

Sɛlɛ 7:2

Ɔwɔ kɛ bɛku ye wɔ ɛleka mɔɔ bɛku ɛyelalɛ azubɔdeɛ ne la, na bɛto ye mogya ne bɛgua azukponle ne anwo amuala bɛyia.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 5:7

ɔwɔ kɛ sonla zɔhane ka ye ɛtane ne mɔɔ yeyɛ la, na ɔsie ɔ bo zo, na eza ɔfa deɛ ne mɔɔ ɔzɛkyele ye la ngyɛnu nnu ɛkpɔ ko ɔboka nwolɛ ɔfa ɔmaa ahenle mɔɔ ɔvonle ye la.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 5:8

Na saa ahenle ne mɔɔ ɔvonle ye la ɛwu, na ɔ nwo sonla fɔɔnwo biala ɛnle ɛkɛ a, ɔwɔ kɛ deɛ ne mɔɔ ɔfa yeazie ɔ bo zo la yɛ Ɛdɛnkɛma ɛdeɛ na bɛfa bɛkɔmaa sɛlɛvolɛ ne. Ɔwɔ kɛ ɔfa abozozielɛ deɛ ne ɔboka boane nyinli mɔɔ bɛbava bɛayɛ mgbɔdalɛ nzɛlɛlɛ bɛamaa ye la anwo.

Edwɛkpa ne kɛmɔ Luku hɛlɛle la 19:8

Na Zakeɛse dwazole na ɔhanle ɔhilele Awulae kɛ, “Awulae, mebabu me ninyɛne mɔɔ melɛ la anu nwiɔ na meava ko meamaa ehyianvolɛma, na saa meli awie ndunlumi a, mebadua ye kakɛ mɔnwo nna.”

Ɛzoanvolɛma Gyima ne 26:20

Na menlumuale menganle ye wɔ Dɛmasekɛse nee Gyɛlusalɛm yɛɛ Dwudiya maanle ne mɔ amuala anu, nee maanle maanle mɔɔ ɛmboka Dwuuma anwo la anu, kɛ bɛnlu bɛ nwo na bɛzia bɛrɛla Nyamenle ɛkɛ, na bɛbɔ ɛbɛla mɔɔ kile kɛ bɛnlu bɛ nwo la.

1 Sam 6:3

Bɛzele kɛ, “Saa bɛfa Yizilayɛ Nyamenle ne Ngyekyeleɛ Ɛlɛka ne bɛahɔzie ɔ bo zo ne a ɛnee bɛmmafa ye mgbane bɛkɔ. Wɔ adenle biala anu, ɔwɔ kɛ bɛfa mgbɔdalɛ azubɔdeɛ bɛboka nwolɛ, amaa bɛanyia bɛ ti na bɛanwu debie mɔɔ yemɔti sumunli kɛ de la yedua bɛ kakɛ kpole ɛhye la.”