Sɛlɛ 5:11 - BAEBOLO ANZƐƐ BULUKU NWUANZANWUANZA

¹¹ “Na saa ahenle ne angola abubule nwiɔ ne anzɛɛ mɔlɔnoma nwiɔ ne fa a, ɛnee ɔwɔ kɛ ɔfa esamo kilo nwiɔ ɔyɛ ɛtane azubɔdeɛ. Ɔnle kɛ ɔfa nwole ɔgua nu anzɛɛ ɔfa ɛyɛlɛ evuanlɛ biala ɔgua zolɛ, ɔluakɛ ɔle ɛtane azubɔdeɛ.

Sɛlɛ 5:11 ပူးပေါင်းရင်းမြစ်များ

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 16:18

Na mɔɔ bɛzuzule bɛhilele bɛ nwo la, bɛnwunle kɛ awie mɔɔ sesale dɔɔnwo la ansesa mɔɔ bo zolɛ yɛɛ mɔɔ sesale ekyi la angyia bieko anwo. Awie biala sesale mɔɔ le ɔ nloa azo la pɛpɛ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 16:36

(Mekɛ ne anu ɛnee nzuzuleɛ ko le litili abulanwiɔ.)

Sɛlɛ 1:14

“Saa ahenle ne azubɔdeɛ ne mɔɔ ɔfa yeamaa Ɛdɛnkɛma la le nloma ɛyelalɛ azubɔdeɛ a, ɛnee ɔwɔ kɛ ye azubɔdeɛ ne yɛ abubule anzɛɛ mɔlɔnoma mralɛ.

Sɛlɛ 12:8

“Saa ɔnrɛhola boane fa a, ɛnee ɔwɔ kɛ ɔfa abubule nwiɔ anzɛɛ mɔlɔnoma ngyikyi nwiɔ; bɛfa ko bɛbɔ ɛyelalɛ azu bɛmaa ye na bɛfa ko ne noko bɛyɛ ɛtane azubɔdeɛ. Sɛlɛvolɛ ne bayɛ mgbɔdalɛ nzɛlɛlɛ amaa ye, na ɔ nwo ade.”

Sɛlɛ 14:21

“Na saa ahenle le ehyianli na ɔnrɛhola ninyɛne ne mɔ sesa a, ɛnee ɔbava boane nyinli ko yeayɛ fɔlɛlilɛ azubɔdeɛ mɔɔ bɛbado ye ehono bɛabɔ azu bɛayɛ mgbɔdalɛ nzɛlɛlɛ bɛamaa ye la, ma azubɔdeɛ mɔɔ bɛdi bɛyɛ esamo la kilo ko mɔɔ bɛva nwole bɛfɔtɔ la, yɛɛ ɔlivi nwole toba foa ko.

Sɛlɛ 27:8

“Saa ahenle le ehyianli mɔɔ ɛngola ɛndua mɔɔ maamɛla ne se la a, ɛnee bɛva sonla ne mɔɔ bɛvale bɛbɔle ɛwɔkɛ ne la bɛrɛlɛ sɛlɛvolɛ ne bɛmaa ɔnlea ahenle ne mɔɔ bɔle ɛwɔkɛ ne la gyinlabelɛ nwo ɔpɛ bolɛ ɔmaa ɔdua.

Sɛlɛ 5:12

Ɔwɔ kɛ ɔfa ɔbɛlɛ sɛlɛvolɛ ne, na sɛlɛvolɛ ne avula ɔ sa ko, na yeayela ye wɔ azukponle ne azo yeaboka ɛyelalɛ. azubɔdeɛ mɔɔ le Ɛdɛnkɛma ɛdeɛ la anwo. Ɔle ɛtane azubɔdeɛ.

Sɛlɛ 5:6

na ɔfa fɔlɛlilɛ azubɔdeɛ ɔbɛlɛ Ɛdɛnkɛma wɔ ɛtane ne mɔɔ yeyɛ la anwo. Ɔwɔ kɛ ɔfa boane ralɛ belɛ anzɛɛ abɔnkye belɛ ɔyɛ ɛtane azubɔdeɛ, na sɛlɛvolɛ ne yɛ nzɛlɛlɛ di ɔ ti mgbɔdalɛ wɔ ye ɛtane ne anwo.

Sɛlɛ 5:9

Akee ɔbava ɛtane azubɔdeɛ ne mogya ne bie yeakponde azukponle ne foa ko, na yeahwi mogya ne mɔɔ kɛha la yeagua azukponle ne abo ne anwo. Ɔle ɛtane azubɔdeɛ.

Sɛlɛ 6:20

“Azubɔdeɛ mɔɔ ɔwɔ kɛ Aalɔn nee ɔ mra mrenya ne mɔ fa bɛlɛ Ɛdɛnkɛma wɔ kenle mɔɔ bɛkɛkpokpa ye nwole kɛ ɔle sɛlɛvolɛ la ɛne. Ɔwɔ kɛ ɔfa esamo kilo ko ɔyɛ ma azubɔdeɛ dahuu biala. Ɔbava foa ko nwonlomɔ na yeava foa ko ne nɔsolɛ.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 5:15

nrenya ne ɛva ɔ ye ne ɛhɔ sɛlɛvolɛ ne ɛkɛ. Akee ɔva baale esamo azubɔdeɛ kilo ko, ɔmmafa ɔlivi nwole ɔgua nu, yɛɛ ɔmmafa ɛyɛlɛ ɔto zolɛ, ɔboalekɛ ɔle nungule ma azubɔdeɛ kɛ ɔfa yeamaa nɔhalɛ ne ala ali.

Edwɛkpa ne kɛmɔ Luku hɛlɛle la 2:24

Eza bɛvale abubule anzɛɛ mɔlɔnoma ngyikyi nwiɔ bɛhɔbɔle azu, kɛmɔ bɛhɛlɛ ye wɔ Awulae Mɛla ne anu la.

2 Kɔl 5:21

Kelaese anyɛ ɛtane, noko ɔlua yɛmɛ yɛ ti Nyamenle vale ye yɛle ɛtane mumua ne, amaa ɔlua ɔ nwo zo yɛanyia Nyamenle kpalɛyɛlɛ ne.

Kɛlata mɔɔ bɛhɛlɛle bɛhɔmanle Hibuluma la 9:22

Nɔhalɛ, mɛla ne kile kɛ mogya ala a bɛfa bɛte debie biala anwo a, yɛɛ ɔwɔ kɛ bɛtwi mogya na bɛava bɛali ɛtane nwo mgbɔdalɛ.