Sɛlɛ 5:1 - BAEBOLO ANZƐƐ BULUKU NWUANZANWUANZA

¹ “Saa awie yɛ ɛtane mɔɔ kile kɛ bɛvɛlɛ ye kɛ ɔrali daselɛ wɔ mɔɔ ɔnwunle ye nee mɔɔ ɔdele wɔ edwɛkɛ mɔɔ zile bagua nu na ɔdi nwolɛ daselɛ la anwo, na yeanga a, ɔdaye ɔ ngome ye ɛtane zo ye.

Sɛlɛ 5:1 ပူးပေါင်းရင်းမြစ်များ

1 Arl 22:16

Belemgbunli ne bizale ye kɛ, “Se dahuu mese wɔ kɛ anrɛɛ ɛha nyamenlezo nɔhalɛ ne ɛhile me? Fane nyɛ yɛɛ ɛkpondɛ kɛ meka ye a?”

1 Arl 8:31

“Saa bɛ nee awie mɔ ba Ɛzonlenlɛ Sua ye anu azukponle ne anyunlu kɛ bie ɛyɛ ɛtane ɛtia ɔ gɔnwo na ɔbaza ɔ ne a,

2 Edk 18:15

Belemgbunli Ehabe zele ye kɛ, “Fane nyɛ yɛɛ menga mengile wɔ kɛ ɛha nɔhalɛ ne ala ɛhile me wɔ Ɛdɛnkɛma duma nu a?”

Edwɛndolɛ Buluku ne 38:4

Ɔluakɛ me amumuyɛ ɛbo me nwo zo, bɛ ɛnlomboɛ ɛyɛ adesoa ɛbo me nwo zo.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 22:11

ɔwɔ kɛ ahenle kɔdi amonle wɔ Ɛdɛnkɛma anyunlu kɛ amgba tɛ ɔdaye a ɔwuale ɔ gɔnwo ne agyadeɛ ne a. Saa nane ne, tɛ ɛwualɛ yɛɛ bɛwuale a, ahenle mɔɔ lɛ agyadeɛ ne la ɔwɔ kɛ kponle zolɛ; yemɔti ɔnlie bie ɔnzie ɔ bo zo.

Mrɛlɛbulɛ Buluku ne 29:24

Sonla mɔɔ nee awule tu la kyi ɔdaye mumua ne ye ngoane; ɔte amowa ne, noko ɔngola ɔnga nɔhalɛ ne.

Mrɛlɛbulɛ Buluku ne 30:9

anrɛɛ me ko yi a, menwɔkpo wɔ na menwɔbiza kɛ, “Ɛdɛnkɛma a le nwane?” Anzɛɛ anrɛɛ menwɔli ehyia, menwɔwua, na menwɔgua me Nyamenle ne duma ne anwo evinli.

Ayezaya Buluku ne 53:11

Ɔbanwu ye amaneɛnwunlɛ ne abo aleɛ na ɔ nye alie, na ɔlua me sonvolɛ tenlene ko ne anwo zo, bɛbava menli dɔɔnwo kɛ bɛle tenlenema; na ɔbazoa bɛ ɛtane ne mɔ anwo ndeanlɛ.

Gyɛlɛmaya Buluku ne 23:10

Awuvolɛvalɛma ɛyi azɛlɛ ye; bɛ nwo munzule ɛzɛkye azɛlɛ ne, yɛɛ fienemgbole nu adidileka ɛwe. Bɛ subane ɛnle kpalɛ, yɛɛ bɛfa bɛ anwosesebɛ bɛsisi awie mɔ.

Yizikeɛle Buluku ne 18:20

Sonla biala mɔɔ kɛyɛ ɛtane la, bawu. Ralɛ nrenya ɛnrɛnwu amaneɛ wɔ ɔ ze ɛtane ne mɔ ati, yɛɛ selɛ ɛnrɛnwu amaneɛ wɔ ralɛ nrenya ɛtane ne mɔ ati. Sonlakpalɛ biala banyia ye kpalɛyɛlɛ nwo ahatualɛ, yɛɛ amumuyɛnli biala banyia ye amumuyɛ nwo ahatualɛ.

Yizikeɛle Buluku ne 18:4

Bɛnwu ye kɛ awie biala ngoane le me ɛdeɛ. Bɛ nlenya mɔ ngoane ne le me ɛdeɛ, yɛɛ ngakula ne mɔ ngoane le me ɛdeɛ. Awie biala mɔɔ kɛyɛ ɛtane la, bawu.

Sɛlɛ 17:16

Na saa yeamkpo ye adɛladeɛ ne mɔ, yeambia ɔ nwo a, ɔdaye ye ɛtane zo ye.”

Sɛlɛ 19:8

Ahenle noko mɔɔ lile la, ye munzule zo ye, ɔboalekɛ yegua debie nwuanzanwuanza mɔɔ le Ɛdɛnkɛma ɛdeɛ la anwo evinli. Sonla zɔhane, ɔwɔ kɛ bɛye ye bɛfi Nyamenle menli ne anu.

Sɛlɛ 20:17

“Saa nrenya fa ɔ diema raalɛ mɔɔ le ɔ ze ara anzɛɛ ɔ nli ara a, bɛ mu nwiɔ bɛgua bɛ nyunlu aze. Ɔle anyiemgba debie, yemɔti ɔwɔ kɛ bɛye bɛ bɛfi bɛ mediema ne mɔ anu. Nrenya ne ɛbɔ ɔ diema raalɛ ne anyiemgba, yemɔti ye amumuyɛ ne zo ye.

Sɛlɛ 4:2

“Ka kile Yizilayɛma kɛ, saa awie anye ɛnla nwolɛ na ɔyɛ ɛtane, ɔyɛ ninyɛne mɔɔ Ɛdɛnkɛma ɛze kɛ bɛmmayɛ la bie,

Sɛlɛ 5:15

“Saa awie anye ɛnla nwolɛ na ɔyɛ ɛtane kɛ yebu ɔ nye yegua ye diedi gyima zo, mɔɔ fane Ɛdɛnkɛma ninyɛne nwuanzanwuanza ne mɔ anwo a, ɔwɔ kɛ ɔfa fɔlɛlilɛ azubɔdeɛ ɔbɛlɛ Ɛdɛnkɛma. Ɔwɔ kɛ ɔfa boane nyinli mɔɔ anwo ɛnlɛ dɛne, na ɛdawɔ ɛkɛnlea ɛkɛpɛ ye bolɛ wɔ dwɛtɛ fufule nu, kɛmɔ bɛdi ye wɔ ɛleka nwuanzanwuanza ne la; ɔle fɔlɛlilɛ azubɔdeɛ.

Sɛlɛ 5:17

“Saa awie anye ɛnla nwolɛ na ɔyɛ ninyɛne mɔɔ Ɛdɛnkɛma ɛze kɛ bɛmmayɛ la bie a, yeyɛ ɛtane, yɛɛ ɔdi fɔlɛ, na ye ɛtane zo ye.

Sɛlɛ 7:18

Saa azubɔlɛ aleɛ ne bie ka, ɔdi kenle nsa na bɛdi a, ɔnle kɛ bɛdie ahenle mɔɔ nee azubɔdeɛ ne rale la bɛto nu, yɛɛ ɔnle kɛ bɛfa ye kɛ ɔvale debie bɔbɔ ɔrale. Ɔle munzule debie, yɛɛ mɔɔ kɛli bie la, ɛtane ne zo ɔdaye.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 9:13

Awie biala mɔɔ evinli ɛtɛkanle ye, yɛɛ ɔtɛtule adenle na yeanli Akpabɛnwo Ɛvoyia ne la, ɔwɔ kɛ bɛye ye bɛfi ye menli ne avinli, ɔboalekɛ mekɛ ne dwule la, yeanva Ɛdɛnkɛma azubɔdeɛ ne yeamaa ye. Sonla zɔhane ɛtane zo ye.

Edwɛkpa ne kɛmɔ Mateyu hɛlɛle la 26:63

Na Gyisɛse andɛ ɔ nloa anu. Sɛlɛvolɛ Kpanyinli ne akee zele Gyisɛse kɛ, “Nea tease Nyamenle ne anyunlu na ka kile yɛ saa wɔmɔ a ɛle Mɛzaya ne, mɔɔ le Nyamenle Ara ne a.”

1 Pit 2:24

Kelaese ɔdaye mumua ne ɔliele yɛ ɛtane ne mɔ wɔ ye sonlabaka ne anu ɔhɔle meanubaka ne azo, amaa yɛawu yɛamaa ɛtane na yɛadɛnla yɛamaa pɛlepɛlelilɛ. Bɛlua ye ɛbodalɛ nganlɛ ne mɔ azo a bɛyɛ bɛ ayile a.

Maanlebuvolɛma Buluku ne 17:2

Ɔhanle ɔhilele ɔ nli kɛ, “Wɔ dwɛtɛ fufule apenle ko ɛya ko ne mɔɔ bɛwuale, mɔɔ ɛwale ɔ bo zo amonle a medame mendele ye me nzo nu la, meka meahile wɔ kɛ, ɔwɔ me lɔ. Medame a menvale a.” Na ɔ nli zele kɛ, “Ɛdɛnkɛma ɛyila wɔ, me ra nrenya.”