Sɛlɛ 4:7 - BAEBOLO ANZƐƐ BULUKU NWUANZANWUANZA

⁷ Sɛlɛvolɛ ne bava mogya ne bie aha ɛyɛlɛ evuanlɛ ɛyelalɛ azukponle ne mɔɔ wɔ Ɛdɛnkɛma Ndanlɛ Sua ne anu la abati kpokpɔkoo ne mɔ azo, na yeawola mɔɔ kɛha la yeagua ɛyelalɛ azukponle ne mɔɔ wɔ Ɛdɛnkɛma Ndanlɛ Sua ne anuhɔlɛ ne la abo ne anwo.

Sɛlɛ 4:7 ပူးပေါင်းရင်းမြစ်များ

Edwɛndolɛ Buluku ne 118:27

Ɛdɛnkɛma le Nyamenle, yɛɛ yemaa yɛ wienyi. Bɛva mbaka ngane bɛdo ɛlɔnwɔne bɛbɔ ɛvoyialilɛ ne abo, na bɛbɔ azukponle ne mgbɔlɔka.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 29:12

Fa ɛ sa ɛrɛlɛsɛka bɔ mogya ne anu na fa ka azukponle ne abati kpokpɔkoo ne mɔ azo na wola mogya ne mɔɔ kɛha la gua azukponle ne abo.

Sɛlɛ 1:5

Akee ahenle ne ɛhu ɛnlankɛ ne wɔ Ɛdɛnkɛma anyunlu ɛkɛ na Aalɔn amra sɛlɛvolɛma ne ɛva mogya ne ɛmaa Ɛdɛnkɛma, na bɛdo bɛgua azukponle ne mɔɔ gyi Ɛdɛnkɛma Ndanlɛ Sua ne anlenkɛ ne anloa la anwo amuala.

Sɛlɛ 16:18

Ɔwie a, akee ɔbavinde yeahɔ azukponle ne mɔɔ gyi Ɛdɛnkɛma anyunlu ɛkɛ ne la anwo, yeahɔyɛ mgbɔdalɛ nzɛlɛlɛ yeamaa azukponle ne, na yeava ɛnlankɛ ne nee abɔnkye ne mogya ne mɔ bie yeapepe ɔ bati kpokpɔkoo ne mɔ azo yeayia.

Sɛlɛ 4:18

Sɛlɛvolɛ ne bava mogya ne bie aha azukponle ne mɔɔ gyi Ɛdɛnkɛma Ndanlɛ Sua ne anu la abati kpokpɔkoo ne mɔ azo, na yeawola mɔɔ kɛha la yeagua ɛyelalɛ azukponle ne mɔɔ gyi Ndanlɛ Sua ne anuhɔlɛ ne la abo ne anwo.

Sɛlɛ 4:25

Akee sɛlɛvolɛ ne ɛva ɔ sa ɛrɛlɛsɛka ɛva ɛtane azubɔdeɛ ne mogya ne bie na ɔva ɔpepe ɛyelalɛ azukponle ne abati kpokpɔkoo ne mɔ azo, na ɔwola mogya ne mɔɔ kɛha la ɔgua ɛyelalɛ azukponle ne abo ne anwo.

Sɛlɛ 4:30

Sɛlɛvolɛ ne bava ɔ sa ɛrɛlɛsɛka ava mogya ne bie apepe ɛyelalɛ azukponle ne abati kpokpɔkoo ne mɔ azo, na yeawola mɔɔ kɛha la yeagua azukponle ne abo ne anwo.

Sɛlɛ 4:34

Sɛlɛvolɛ ne bava ɔ sa ɛrɛlɛsɛka ava azubɔdeɛ ne mogya ne bie na yeava yeapepe ɛyelalɛ azukponle ne abati kpokpɔkoo ne mɔ azo, na yeawola mɔɔ kɛha la yeagua azukponle ne abo ne anwo.

Sɛlɛ 5:9

Akee ɔbava ɛtane azubɔdeɛ ne mogya ne bie yeakponde azukponle ne foa ko, na yeahwi mogya ne mɔɔ kɛha la yeagua azukponle ne abo ne anwo. Ɔle ɛtane azubɔdeɛ.

Sɛlɛ 6:30

Noko ɔnle kɛ bɛdi ɛtane azubɔdeɛ biala mɔɔ bɛkɛva ye mogya ne bie bɛkɛhɔ Ɛdɛnkɛma Ndanlɛ Sua ne anu kɛ bɛkazɛlɛ mgbɔdalɛ wɔ ɛleka nwuanzanwuanza ne la bie. Ɔwɔ kɛ bɛyela ye.

Sɛlɛ 8:15

Mosisi hunle ye na ɔvale mogya ne, ɔvale ɔ sa. ɛrɛlɛsɛka ɔbɔle nu na ɔvale ɔpepenle azukponle ne abati kpokpɔkoo ne mɔ mɔɔ gyigyi zolɛ la azo ɔyiale, ɔvale ɔnluanle azukponle ne, na akee ɔwolale mogya ne mɔɔ hale la ɔguale azukponle ne abo ne anwo, ɔdule ɔmanle Nyamenle ɔyɛle mgbɔdalɛ nzɛlɛlɛ ɔmanle ye.

Sɛlɛ 9:9

Ɔ mra mrenya ne mɔ vale mogya ne rɛlɛle ye, na ɔvale ɔ sa ɛrɛlɛsɛka ɔbɔle nu na ɔvale ɔpepenle azukponle ne abati kpokpɔkoo ne mɔ azo, na ɔwolale mogya ne mɔɔ hale la ɔguale azukponle ne abo ne anwo.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 2:13

Kɛkala, bɛ nee Kelaese Gyisɛse ɛyɛ ko, amaa ɔlua zo bɛmɛ mɔɔ anrɛɛ bɛwɔ moa moa la, bɛlua Kelaese mogya ne mɔɔ ɔhwinle ɔguale la azo bɛhwe bɛ bɛbikye Nyamenle.

Kɛlata mɔɔ bɛhɛlɛle bɛhɔmanle Hibuluma la 9:15

Ɛhye ati Kelaese a le sonla mɔɔ de ngyekyeleɛ fofolɛ ne abo a, amaa bɛdabɛ mɔɔ Nyamenle ɛvɛlɛ bɛ la anyia ye nyilalɛ ne mɔɔ ɛnlɛ awieleɛ mɔɔ ɔvale ɔbɔle ɛwɔkɛ la bie. Ɛhye kola yɛ zɔhane, ɔboalekɛ bɛha mogya bɛgua, bɛva bɛye menli kɔsɔɔti bɛvi bɛ ɛtane mɔɔ bɛyɛle wɔ mekɛ mɔɔ bɛwɔ alumua ngyekyeleɛ ne abo la anu.

Kɛlata mɔɔ bɛhɛlɛle bɛhɔmanle Hibuluma la 9:21

Zɔhane ala yɛɛ Mosisi eza kpondenle mogya ne wɔ Ndanlɛ Sua ne nee ninyɛne mɔɔ bɛfa bɛyɛ ɛzonlenlɛ la anwo a.

Yekile 6:9

Boaneralɛ ne eza wayele ɛyɛlɛ ne mɔɔ tɔ zolɛ nnu la. Na menwunle kɛ bɛdabɛ mɔɔ Nyamenle edwɛkɛ ne ati, nee bɛdabɛ mɔɔ bɛlile daselɛ nɔhalɛ nu la ati bɛhu bɛ la ɛkɛla ne mɔ dede azukponle ne abo.