Sɛlɛ 4:31 - BAEBOLO ANZƐƐ BULUKU NWUANZANWUANZA

³¹ Ɔbayeye azubɔdeɛ ne akunlu ɛnlome ne amuala, kɛmɔ bɛyɛ anzonudwolɛ azubɔdeɛ la, na akee yeayela ye wɔ azukponle ne azo. Ye evuanlɛ sɔ Ɛdɛnkɛma anye. Sɛlɛvolɛ ne bayɛ nzɛlɛlɛ ali ye ɛtane ne anwo mgbɔdalɛ amaa ye, na bɛkɛva bɛkɛhyɛ ye.

Sɛlɛ 4:31 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 8:21

Nowa azu ne zɔle Ɛdɛnkɛma anye, na ɔzele kɛ, “Ɔvi ɛnɛ mɔɔ kɔ la menrɛdoa sonla nyɛleɛ menrɛmaa munzule mɔɔ le zɛhae la ɛnrɛha azɛlɛ ye bieko; menrɛzɛkye ewiade abɔdeɛ muala, kɛmɔ meyɛ la bieko. Meze kɛ sonla yemɔ, ye ngakula nu amuala ɛnee ye adwenle nee ye ahonle nu le bile.

Ɛzela Buluku ne 6:10

amaa bɛabɔ azu mɔɔ sɔ Nyamenle ne mɔɔ wɔ anwuma la anye na bɛazɛlɛ bɛamaa belemgbunli nee ɔ mra mrenya kpalɛyɛlɛ.

Dwobu Buluku ne 42:8

Yemɔti bɛva nlankɛ nyinli nsuu nee mboane nyinli nsuu bɛhɔ me sonvolɛ Dwobu anwo ɛkɛ ne bɛhɔbɔ ɛyelalɛ azu wɔ bɛdabɛ bɛ ti, na me sonvolɛ Dwobu bazɛlɛ amaa bɛ, ɔluakɛ mebadie ye nzɛlɛlɛ ne, na me nee bɛ ɛnrɛli ye kɛ mɔɔ bɛ ɛtane ne mɔ de la, ɔboalekɛ bɛanga me nwo edwɛkɛ kpalɛ kɛ mɔɔ me sonvolɛ Dwobu hanle la.”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 29:18

Yela boane ne mumua wɔ azukponle ne azo bɔ azu maa medame Ɛdɛnkɛma. Azubɔlɛ ɛhye mɔɔ bɛfa senle bɛbɔ bɛmaa Ɛdɛnkɛma la sɔ me nye.

Ayezaya Buluku ne 42:21

Ye tenleneyɛlɛ ti, Ɛdɛnkɛma lile fɛlɛko, kɛ yekpogya Nyamenle mɛla ne zo yemaa bɛli ye eni.

Ayezaya Buluku ne 53:10

Ɛdɛnkɛma se, “Noko ɔle me ɛhulolɛ kɛ bɛkɛbodɛboda ye, na ɔkɛnwu amaneɛ dɔɔnwo; na ɔkɛva ɔ nwo ɔkɛbɔ azu ɔkɛmaa ɛtane. Ɔbanyi yeahyɛ na yeanwu ɔ bo zo amra, na ɔlua ɔ nwo zo Ɛdɛnkɛma ɛhulolɛ ne ali munli.

Sɛlɛ 1:13

Akee ɔva nzule ɔnrinzi nane ne akunlu ne nee ye ndwɛlɛ ne mɔ anwo. Sɛlɛvolɛ ne ɛva bɛ muala na ɔyela bɛ wɔ azukponle ne azo. Ɛhye le ɛyelalɛ azubɔdeɛ mɔɔ bɛfa senle a bɛbɔ a, na ye evuanlɛ sɔ Ɛdɛnkɛma anye.

Sɛlɛ 1:17

Ɔwɔ kɛ sɛlɛvolɛ ne sɔ anloma ne andɛba ne mɔ na ɔsua anloma ne anu nwiɔ, ɔngyia kɛ ɔkɛhyɛ nu nwiɔ sɛsɛ. Akee ɔyela ye wɔ azukponle ne azo wɔ ɛyɛne ne mɔɔ wɔ senle ne anu la azo. Ɔle ɛyelalɛ azubɔdeɛ mɔɔ bɛfa senle a bɛbɔ a, na ye evuanlɛ sɔ Ɛdɛnkɛma anye.

Sɛlɛ 1:9

Akee ahenle ne ɛva nzule ɛnrinzi nane ne akunlu ninyɛne ne nee ye ndwɛlɛ ne mɔ anwo. Na sɛlɛvolɛ ne ɛyela ɔ muala wɔ azukponle ne azo kɛ ɔle ɛyelalɛ azubɔlɛ. Azubɔlɛ zɛhae mɔɔ bɛfa senle bɛbɔ la evuanlɛ sɔ Ɛdɛnkɛma anye.

Sɛlɛ 14:18

Akee nwole ne mɔɔ kɛha sɛlɛvolɛ ne asa anu la, ɔbava yeakpokpa ahenle mɔɔ bɛnua ye la ati zo. Ɛhye anzi, akee sɛlɛvolɛ ne bayɛ mgbɔdalɛ nzɛlɛlɛ amaa ye, wɔ Ɛdɛnkɛma anyunlu.

Sɛlɛ 15:15

Sɛlɛvolɛ ne bava abɔ azu; ɔbava ko yeayɛ ɛtane azubɔdeɛ na yeava ko ne yeayɛ ɛyelalɛ azubɔdeɛ, na yeayɛ mgbɔdalɛ nzɛlɛlɛ yeamaa ye wɔ Ɛdɛnkɛma anyunlu wɔ ye mrenyanu ewule ne anwo.

Sɛlɛ 19:22

na sɛlɛvolɛ ne yɛ mgbɔdalɛ nzɛlɛlɛ maa ye wɔ Ɛdɛnkɛma anyunlu, wɔ ye ɛtane ne mɔɔ yeyɛ la anwo; na bɛkɛva ye ɛtane ne mɔɔ yeyɛ la bɛkɛhyɛ ye.

Sɛlɛ 2:2

na ɔfa ɔbɛlɛ Aalɔn amra sɛlɛvolɛma ne. Akee ɔwɔ kɛ sɛlɛvolɛ ne fula esamo ne mɔɔ nwole nee ɛyɛlɛ evuanlɛ ne bie wɔ nu la ɔ sa ko, kɛ ɔle ahenle ne afoa nu ɛdeɛ, na ɔyela yemɔ wɔ azukponle ne azo. Ɔle azubɔdeɛ mɔɔ bɛfa senle a bɛbɔ a, na ye evuanlɛ sɔ Ɛdɛnkɛma anye.

Sɛlɛ 2:9

Akee sɛlɛvolɛ ne bava bie ahile kɛ bɛva bɛra kɛ ɔle azubɔdeɛ, na yeayela ye wɔ azukponle ne azo, kɛ azubɔdeɛ mɔɔ bɛva senle bɛbɔ la, na ye evuanlɛ sɔ Ɛdɛnkɛma anye.

Sɛlɛ 4:19

Ɔbayeye ɛnlankɛ ne akunlu ɛnlome ne amuala na yeayela ye azukponle ne azo.

Sɛlɛ 4:26

Ɔbayela nane ne anu ɛnlome ne amuala wɔ azukponle ne azo, kɛmɔ bɛfa anzonudwolɛ azubɔdeɛ bɛabɔ azu a bɛyɛ ye la Yemɔti sɛlɛvolɛ ne bayɛ nzɛlɛlɛ ali ye ɛtane ne anwo mgbɔdalɛ amaa ye, na bɛkɛva ye ɛtane ne bɛkɛhyɛ ye.

Sɛlɛ 4:35

Ɔbayeye azubɔdeɛ ne akunlu ɛnlome ne amuala, kɛmɔ bɛyeye boane ralɛ ne mɔɔ bɛfa bɛyɛ anzonudwolɛ azubɔlɛ azubɔdeɛ ne mɔ ɛdeɛ ne la. Sɛlɛvolɛ ne bayela ye wɔ azukponle ne azo yeaboka azubɔlɛ ninyɛne mɔɔ bɛyela bɛamaa Ɛdɛnkɛma la anwo. Akee sɛlɛvolɛ ne bayɛ nzɛlɛlɛ ali mgbɔdalɛ amaa ahenle ne wɔ ye ɛtane ne mɔɔ yeyɛ la anwo, na bɛkɛva bɛkɛhyɛ ye.

Sɛlɛ 5:10

Akee sɛlɛvolɛ ne bava mɔɔ tɔ zolɛ nwiɔ la abɔ ɛyelalɛ azu, kɛmɔ mɛla ne kile la. Sɛlɛvolɛ ne bayɛ nzɛlɛlɛ ali ɔ ti mgbɔdalɛ amaa ye wɔ ye ɛtane ne mɔɔ yeyɛ la anwo, na bɛkɛva bɛkɛhyɛ ye.

Sɛlɛ 5:6

na ɔfa fɔlɛlilɛ azubɔdeɛ ɔbɛlɛ Ɛdɛnkɛma wɔ ɛtane ne mɔɔ yeyɛ la anwo. Ɔwɔ kɛ ɔfa boane ralɛ belɛ anzɛɛ abɔnkye belɛ ɔyɛ ɛtane azubɔdeɛ, na sɛlɛvolɛ ne yɛ nzɛlɛlɛ di ɔ ti mgbɔdalɛ wɔ ye ɛtane ne anwo.

Sɛlɛ 8:21

Akee bɛvale nzule bɛnrinzinle nane ne ndwɛlɛ ne nee ɔ kunlu ninyɛne ne mɔ anwo na Mosisi yelale boane mumua ne amuala wɔ azukponle ne azo, kɛ ɛyelalɛ azubɔdeɛ. Ɔbɔ evuanlɛ, na ɔle azu mɔɔ bɛfa senle bɛbɔ bɛmaa Ɛdɛnkɛma, kɛmɔ Ɛdɛnkɛma zele Mosisi la.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 15:25

Sɛlɛvolɛ ne bayɛ mgbɔdalɛ nzɛlɛlɛ yeamaa Yizilayɛma kɔsɔɔti, na bɛava bɛ ɛtane bɛahyɛ bɛ, ɔboalekɛ tɛ bɛ nye fuu ɔ, yɛɛ eza bɛ nvonleɛ ne ati, bɛva bɛ azubɔdeɛ mɔɔ bɛyela ye bɛabɔ azu nee bɛ ɛtane azubɔdeɛ bɛrɛlɛ Ɛdɛnkɛma.

Edwɛkpa ne kɛmɔ Mateyu hɛlɛle la 3:17

Na ɛnelɛ bie vi anwuma zele kɛ, “Ɛhye a le me Ra mɔɔ mekulo ye la. Me nye die ɔ nwo kpole.”

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:2

Bɛmaa ɛhulolɛ ɛvinde bɛ ɛbɛlabɔlɛ nu, kɛmɔ Kelaese hulole yɛ na ɔdole ye ngoane aze ɔmanle yɛ ɔvale ɔyɛle azubɔlɛ evuanlɛ mɔɔ sɔ Nyamenle anye la.

Kɛlata mɔɔ bɛhɛlɛle bɛhɔmanle Hibuluma la 1:3

Gyisɛse kile kɛ Nyamenle anyunlunyia ne wienyi kpole si de la. Ɔle Nyamenle ɛsaso bɔkɔɔ, yɛɛ ɔfa ye tumi edwɛkɛ ne a ɔsɔ ewiade a. Ɔliele ɛtanefakyɛ ɔmanle sonla na ɔwiele la, ɔhɔle anwuma ɔhɔdɛnlanle Tumivolɛ Nyamenle Bedevinli ne asa fema zo.

Kɛlata mɔɔ bɛhɛlɛle bɛhɔmanle Hibuluma la 10:12

Kelaese bɔle ɛtanefakyɛ nwo azu kpalɛ ne mɔɔ yɛ nla la kokye, na ɔhɔdɛnlanle Nyamenle asa fema zo.

Kɛlata mɔɔ bɛhɛlɛle bɛhɔmanle Hibuluma la 10:14

Ɔluakɛ yeva azubɔlɛ kokye yemaa bɛdabɛ mɔɔ yede bɛ nwo la ɛli munli dahuu.

Kɛlata mɔɔ bɛhɛlɛle bɛhɔmanle Hibuluma la 9:12

Mɔɔ Kelaese wolole ndanlɛ sua ɛhye anu kokye ne ala na ɔhɔle Nwuanzanwuanza nu Nwuanzaanwu Ɛleka ne la, yeanva mbɔnkye nee nlankɛ mogya a ɔbɔle azu ne a; ɔvale ɔdaye mumua ne ye mogya a ɔbɔle azu ɔvale ngoanelielɛ mɔɔ ɛnlɛ awieleɛ la ɔrɛlɛle yɛ a.

1 Dw 1:7

Na saa yɛdua wienyi nu, kɛmɔ Nyamenle de wienyi nu la a, ɛnee yɛle agɔnwolɛma, na ɔ Ra Gyisɛse mogya ne mɔɔ ɔhwinle ɔguale la te yɛ nwo fi ɛtane biala anwo.

Yekile 5:9

Na bɛdole edwɛne fofolɛ bie kɛ, “Ɛfɛta kɛ ɛkɛlie nwoma ne, ɛkɛwaye ɛyɛlɛ ne, na ɛkɛbuke nwoma ne anu, ɔluakɛ bɛhunle wɔ na ɛvale wɔ mogya ne mɔɔ bɛhwinle bɛguale la ɛkpɔnenle menli. Ɛkpɔnenle bɛ ɛvile abusua ekpunli, aneɛ nee maanle ngakyile kɔsɔɔti anu ɛmanle Nyamenle.