Sɛlɛ 4:25 - BAEBOLO ANZƐƐ BULUKU NWUANZANWUANZA

²⁵ Akee sɛlɛvolɛ ne ɛva ɔ sa ɛrɛlɛsɛka ɛva ɛtane azubɔdeɛ ne mogya ne bie na ɔva ɔpepe ɛyelalɛ azukponle ne abati kpokpɔkoo ne mɔ azo, na ɔwola mogya ne mɔɔ kɛha la ɔgua ɛyelalɛ azukponle ne abo ne anwo.

Sɛlɛ 4:25 ပူးပေါင်းရင်းမြစ်များ

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 29:12

Fa ɛ sa ɛrɛlɛsɛka bɔ mogya ne anu na fa ka azukponle ne abati kpokpɔkoo ne mɔ azo na wola mogya ne mɔɔ kɛha la gua azukponle ne abo.

Ayezaya Buluku ne 40:21

Bɛnze ɔ? Bɛtɛtele ɔ? Bɛanga bɛangile bɛ wɔ mɔlebɛbo ne ɔ? Tete mɔɔ aloa bɔle la bɛtɛtele ɔ bo ɔ?

Sɛlɛ 16:18

Ɔwie a, akee ɔbavinde yeahɔ azukponle ne mɔɔ gyi Ɛdɛnkɛma anyunlu ɛkɛ ne la anwo, yeahɔyɛ mgbɔdalɛ nzɛlɛlɛ yeamaa azukponle ne, na yeava ɛnlankɛ ne nee abɔnkye ne mogya ne mɔ bie yeapepe ɔ bati kpokpɔkoo ne mɔ azo yeayia.

Sɛlɛ 17:11

Ɔluakɛ nwonane ne ngoane wɔ mogya ne anu, yɛɛ meva memaa kɛ bɛva bɛbɔ azu wɔ azukponle ne azo bɛyɛ mgbɔdalɛ nzɛlɛlɛ bɛmaa bɛ, ɔluakɛ mogya ne a maa mgbɔdalɛ ne di munli a, ɔboalekɛ ngoane wɔ nu.

Sɛlɛ 4:18

Sɛlɛvolɛ ne bava mogya ne bie aha azukponle ne mɔɔ gyi Ɛdɛnkɛma Ndanlɛ Sua ne anu la abati kpokpɔkoo ne mɔ azo, na yeawola mɔɔ kɛha la yeagua ɛyelalɛ azukponle ne mɔɔ gyi Ndanlɛ Sua ne anuhɔlɛ ne la abo ne anwo.

Sɛlɛ 4:24

Akee ɔfa ɔ sa ɔto abɔnkye ne ati zo, na ɔku ye wɔ ɛleka mɔɔ bɛku ɛyelalɛ azubɔdeɛ ne mɔ la wɔ Ɛdɛnkɛma anyunlu Ɔle ɛtane azubɔdeɛ.

Sɛlɛ 4:30

Sɛlɛvolɛ ne bava ɔ sa ɛrɛlɛsɛka ava mogya ne bie apepe ɛyelalɛ azukponle ne abati kpokpɔkoo ne mɔ azo, na yeawola mɔɔ kɛha la yeagua azukponle ne abo ne anwo.

Sɛlɛ 4:34

Sɛlɛvolɛ ne bava ɔ sa ɛrɛlɛsɛka ava azubɔdeɛ ne mogya ne bie na yeava yeapepe ɛyelalɛ azukponle ne abati kpokpɔkoo ne mɔ azo, na yeawola mɔɔ kɛha la yeagua azukponle ne abo ne anwo.

Sɛlɛ 4:7

Sɛlɛvolɛ ne bava mogya ne bie aha ɛyɛlɛ evuanlɛ ɛyelalɛ azukponle ne mɔɔ wɔ Ɛdɛnkɛma Ndanlɛ Sua ne anu la abati kpokpɔkoo ne mɔ azo, na yeawola mɔɔ kɛha la yeagua ɛyelalɛ azukponle ne mɔɔ wɔ Ɛdɛnkɛma Ndanlɛ Sua ne anuhɔlɛ ne la abo ne anwo.

Sɛlɛ 5:9

Akee ɔbava ɛtane azubɔdeɛ ne mogya ne bie yeakponde azukponle ne foa ko, na yeahwi mogya ne mɔɔ kɛha la yeagua azukponle ne abo ne anwo. Ɔle ɛtane azubɔdeɛ.

Sɛlɛ 8:10

Akee Mosisi vale ɛkpokpalɛ nwole ne na ɔvale bie ɔguale Ɛdɛnkɛma Ndanlɛ Sua ne azo, nee debie biala mɔɔ wɔ sua ne anu la azo, ɔdule bɛ muala ɔmanle Nyamenle.

Sɛlɛ 8:15

Mosisi hunle ye na ɔvale mogya ne, ɔvale ɔ sa. ɛrɛlɛsɛka ɔbɔle nu na ɔvale ɔpepenle azukponle ne abati kpokpɔkoo ne mɔ mɔɔ gyigyi zolɛ la azo ɔyiale, ɔvale ɔnluanle azukponle ne, na akee ɔwolale mogya ne mɔɔ hale la ɔguale azukponle ne abo ne anwo, ɔdule ɔmanle Nyamenle ɔyɛle mgbɔdalɛ nzɛlɛlɛ ɔmanle ye.

Sɛlɛ 9:9

Ɔ mra mrenya ne mɔ vale mogya ne rɛlɛle ye, na ɔvale ɔ sa ɛrɛlɛsɛka ɔbɔle nu na ɔvale ɔpepenle azukponle ne abati kpokpɔkoo ne mɔ azo, na ɔwolale mogya ne mɔɔ hale la ɔguale azukponle ne abo ne anwo.

Wulo 10:4

Ɔluakɛ Kelaese rale la yɛɛ mɛla ne tumi bɔle aze a, amaa mɔɔ kɛlie kɛli la azɔ Nyamenle anye.

Kɛlata mɔɔ bɛhɛlɛle bɛhɔmanle Hibuluma la 2:10

Ɔle kpalɛ kɛ Nyamenle, mɔɔ ɔdaye yɛɛ ɔbɔle ninyɛne kɔsɔɔti na bɛle ye ɛdeɛ la, kɛmaa Gyisɛse kɛnwu amaneɛ kolaa na yeali munli, amaa yeahola yeava mralɛ somaa yeahɔ Nyamenle anyunlunyia ne anu.

Kɛlata mɔɔ bɛhɛlɛle bɛhɔmanle Hibuluma la 9:22

Nɔhalɛ, mɛla ne kile kɛ mogya ala a bɛfa bɛte debie biala anwo a, yɛɛ ɔwɔ kɛ bɛtwi mogya na bɛava bɛali ɛtane nwo mgbɔdalɛ.